Viðskipti innlent

480 milljónir í Icelandic Provision Provisions

Kristinn Ingi Jónsson skrifar
Ari Edwald, forstjóri Mjókursamsölunnar.
Ari Edwald, forstjóri Mjókursamsölunnar.
Hlutafé skyrsölufyrirtækisins Icelandic Provisions, sem er meðal annars í eigu Mjólkursamsölunnar og íslenskra einkafjárfesta, var aukið um fjórar milljónir dala, jafnvirði tæplega 480 milljóna króna, í síðasta mánuði, samkvæmt tilkynningu sem fyrirtækið hefur sent bandaríska verðbréfaeftirlitinu.

Um er að ræða aðra hlutafjáraukningu fyrirtækisins, sem hóf sölu á skyri í Bandaríkjunum snemma árs 2016, á innan við ári en fjárfestar lögðu því til um fimm milljónir dala, sem jafngildir um 600 milljónum króna, í aukið hlutafé í maí á síðasta ári. Áður hafði skyrfyrirtækið lokið við allt að tuttugu milljóna dala hlutafjársöfnun.

Stofnendur eru fjárfestingarsjóðurinn Polaris Founders Capital og Mjólkursamsalan en í stjórn sitja meðal annars Hallbjörn Karlsson, Davíð Freyr Albertsson og Ari Edwald, forstjóri MS.








Fleiri fréttir

Sjá meira


×