Lífið

Arna Bára malar gull á nektarmyndum af sér

Stefán Árni Pálsson skrifar
Arna gerir það gott í Svíþjóð.
Arna gerir það gott í Svíþjóð.

Arna Bára Karlsdóttir sneri vörn í sókn þegar nektarmyndir af henni láku á internetið en þetta segir hún í viðtali í Harmageddon á X-inu í morgun. Í dag býr hún í Svíþjóð ásamt manninum sínum og græðir vel á nektarmyndum af sér sem hún selur mönnum um heim allan.

„Þetta er algjör paradís. Við gátum keypt risastórt hús. Við erum alveg með tíu svefnherbergi, þrjú baðherbergi og þúsund fermetra garð og svona. Við höfum það bara mega næs.“

Arna hefur í mörg ár verið fær fyrirsæta en segist starfa mest í Kanada eins og staðan er í dag.

„Svo fer ég líka í myndatökur hérna í Svíþjóð og var að koma úr tveimur ferðum frá Kanada,“ segir Arna sem hefur til að mynda farið í myndatökur fyrir Playboy.

„Ég tek reglulega þannig myndir og finnst það mjög skemmtilegt, enda hef ég alltaf verið mjög hrifin af mannslíkamanum. Playboy nektarmyndir eru alveg classy,“ segir Arna en unnustinn fer reglulega með henni í tökur og aðstoðar hana. Arna heldur úti sinni eigin vefsíðu sem hún greinir reglulega frá í Facebook-story en hún á tíu til tuttugu þúsund nektarmyndir af sér.


„Ég á fullt af myndum og þetta var alltaf fyrir Playboy en Playboy er bara komið út í rugl. Þú þarft núna að borga þeim til að fá að birta myndir hjá þeim og færð ekki borgað. Ég ákvað frekar að opna þessa prívat síðu og búa til pening úr myndunum sem ég á.“

Menn út um allan heim eru áskrifendur af myndum hjá Örnu.

„Ég fæ alveg rosalega góðan pening fyrir þetta. Er alveg með hálfa milljón til eina og hálfa milljón á mánuði fyrir þetta,“ en síðan Örnu er í gegnum síðu sem heitir Only fans. Only fans er að verða gríðarlega vinsælt á samfélagsmiðlum og fær fólk greitt fyrir efni sem það sendir frá sér. Ein vinsælasta konan í heiminum á þessum miðli er Jem Wolfie.

„Mér finnst þetta svo gaman. Ég get verið heimavinnandi kona með börnin mín og geta verið með þeim allan daginn.“

Hér að neðan má hlusta á viðtalið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.