Yfir­maður banda­ríska sjó­hersins rekinn

Yfirmanni bandaríska sjóhersins, Richard Spencer, hefur verið vikið frá störfum af Mark Esper varnarmálaráðherra vegna þess hvernig hann tók á málum sérsveitarhermanns sem var lækkaður í tign fyrir brot í starfi.

Mál Edward Gallaghers sérsveitarmanns hefur vakið mikla athygli í Bandaríkjunum en upphaflega var hann ákærður af herdómstól fyrir að stinga sautján ára gamlan óvopnaðan ungling sem grunaður var um að vera meðlimur í ISIS-samtökunum, til bana, á meðan drengurinn var í varðhaldi.

Þá var hann einnig sakaður um að skjóta fólk af handahófi á götum úti í Írak. Hann var þó sýknaður af þessum ásökunum en sakfelldur fyrir að láta taka af sér myndir með líkum stríðsfanga.

Fyrir þá sök hugðist yfirmaður sjóhersins lækka Edwards í tign og reka hann úr sérsveitinni, Navy Seals. Það líkaði Trump forseta svo illa og eftir nokkrar deildur hefur nú Spencer sjálfur verið rekinn.