Philadelphia marði sigur á Denver

Venju samkvæmt var leikið í NBA-deildinni í nótt þar sem mesta baráttan var í leik Phildelpia 76ers og Denver Nuggets.

Að lokum fór svo að Sixers vann fimm stiga sigur í alvöru leik þar sem Joel Embiid fór einu sinni sem oftar fyrir liði Philadelphia.

Hann skoraði 22 stig, tók 10 fráköst og gaf 6 stoðsendingar. Tobias Harris líka duglegur við stigaskorun en hann endaði með 20 stig.

Hjá Denver var Will Barton allt í öllu en hann skoraði 26 stig en næstur var Nikola Jokic með 15.

Úrslit:

Charlotte-Washington  114-107

Miami-Atlanta  135-121

Philadelphia-Denver  97-92

Portland-NY Knicks  115-87