Skaðaminnkun Frú Ragnheiðar bergmálar í bíó Þórarinn Þórarinsson skrifar 26. nóvember 2019 07:30 Skjólstæðingur leitar til Frú Ragnheiðar í aðdraganda jóla í einni þeirra tæplega sextíu örsagna sem verðlaunaleikstjórinn Rúnar Rúnarsson fléttar saman í sinni nýjustu kvikmynd, Bergmál. Leikstjórinn og handritshöfundurinn Rúnar Rúnarsson fléttar í sinni nýjustu kvikmynd saman 58 örsögur sem allar eiga sér stað á aðventunni og síðustu dögum ársins 2018 og endurspegla íslenskan veruleika í brotakenndri heild skyndimynda. Eitt þessara spegilbrota sýnir samskipti skjólstæðings og hjúkrunarfræðings í skaðaminnkunarbílnum Frú Ragnheiði. „Þetta er auðvitað leikin sena þar sem reynt er að endurspegla á raunsæjan hátt komu fólks í bílinn til okkar í kringum jólin,“ segir Elísabet Brynjarsdóttir, hjúkrunarfræðingur Frú Ragnheiðar, sem segja má að leiki einhvers konar útgáfu af sjálfri sér í Bergmáli. „Ég er ekki búin að sjá þetta en mæti á styrktarsýninguna. Ég fékk nokkur skilaboð eftir frumsýninguna um að þetta hefði verið mjög átakanleg en falleg sena og er bara spennt að sjá.“Elísabete Brynjarsdóttir, hjúkrunarfræðingur.Óvæntur jólaglaðningur Elísabet segir að þótt Frú Ragnheiður sé í grunninn nálaskiptiþjónusta með áherslu á skaðaminnkun þá sé mannlegi þátturinn öllum sem að verkefninu koma efstur í huga. „Hann er rosalega mikilvægur hluti af verkefninu okkar og það er ótrúlega fallegt og snertir við okkur í Ragnheiði að leikstjórinn og framleiðendurnir hafi viljað halda sérstaka styrktarsýningu fyrir okkur. Við erum auðvitað bara fjármögnuð á styrkjum og þurfum á öllum peningum að halda og erum að fara að undirbúa jólin en undanfarin ár höfum við verið með jólagjafir í bílnum og dreifum þeim til skjólstæðinga okkar viku fyrir jól og á aðfangadag,“ segir Elísabet og bendir á að Ragnheiður ekur alltaf sinn rúnt, sex sinnum í viku, virka daga sem og stórhátíðisdaga. „Þau vissu að Frú Ragnheiður keyrir um jólin og aðstoðar skjólstæðinga og þess vegna hugsuðu þau til okkar þar sem myndin á í raun að endurspegla jólin frá mismunandi sjónarhornum.“ Frú Ragnheiður dreifir einnig mat og hlýjum fatnaði til skjólstæðinga sinna en Elísabet segir velvilja fjölda fólks og fyrirtækja úti um allan bæ gera þeim þetta mögulegt. „Við erum með þessar jólagjafir og mikið um góðhjartað fólk úti um allan bæ sem er að prjóna fyrir okkur þannig að við gefum húfur, vettlinga, sokka og svona.“ Að ógleymdum þessum „félagsskap, sálræna stuðningi og mannlegu nánd sem allir þurfa“.Einstakur hópur á ferð „Þessi hugmynd kviknaði fyrst í raun bara alveg strax eftir tökurnar,“ segir Lilja Ósk Snorradóttir, framleiðandi hjá Pegasus, um sýninguna á morgun. „Þetta blundaði svo bara í okkur þangað til við sáum fyrsta klippið og fundum að við bara yrðum að gera þetta. Vegna þess að okkur fannst senan svo sterk og hún sat svo í okkur,“ segir Lilja sem telur óhætt að fullyrða að aldrei áður hafi verið gerð „önnur eins kvikmynd, hvað þá jólamynd“, og Bergmál. „Jólin eru ótrúlega sérstakur og ð mínu mati bara yndislegur tími hjá okkur í Frú Ragnheiði,“ segir Elísabet þegar talið berst að þeim um um það bil 100 sjálfboðaliðum em skiptast á að standa vaktina í bílnum. „Við erum með alveg einstakan hóp sem stendur vaktina sama hvaða dagur er og vill allt fyrir skjólstæðingana okkar gera,“ segir Elísabet og bætir við að fyrst og fremst treysti heimilislausir og sprautufíklar með fjölþættan vímuefnavanda á Frú Ragnheiði.Harmurinn í fegurðinni Jólavaktir Frú Ragnheiðar vega þungt í huga Elísabetar vegna þess að skortur og sárar tilfinningar hafa tilhneigingu til að magnast í birtu jólaljósanna. „Þess vegna finnst mér svo dýrmætt að sjálf boðaliðarnir okkar séu tilbúnir að standa vaktina óháð því hvaða dagur er til þess að geta veitt þessa mannlegu nánd og sálrænan stuðning. Jólin eru einstakur tími og ég kemst alla vega ekki í jólaskap án þess að taka vakt í Frúnni í kringum jólin.“ Elísabet segir tilfinningatenginguna milli sjálfboðaliðanna og skjólstæðinganna mögulega vegna þess einstaka trausts sem Rauði krossinn og Frú Ragnheiður hafa náð að byggja upp í gegnum árin. „Skjólstæðingarnir okkar treysta okkur mjög vel og það er alveg ómetanlegt og dýrmætt fyrir verkefnið okkar. Við gætum náttúrlega ekki starfað án þess að hafa traust þeirra. Þau vilja leita til okkar á sínum forsendum og það er svo dýrmætt í öllum þessum samskiptum, sérstaklega einmitt svona í kringum jólin þegar erfiðar aðstæður geta mögulega oft orðið ennþá erfiðari í ljósi þess hvernig allt á að vera.“Fyrirsögn fréttarinnar hefur verið uppfærð. Birtist í Fréttablaðinu Fíkn Mest lesið Aldrei of seint að prófa sig áfram Tíska og hönnun Fékk lífið til baka á korteri eftir tólf ár af sársauka Lífið Troðningur á yfirfullri opnun: „Þetta var svolítið kreisí“ Lífið Pétur Kr. og Ingibjörg selja 270 fermetra eign við Ægisíðu Lífið „Fallegasti drengur í heimi“ er látinn Bíó og sjónvarp Upplifði stöðugan ótta við helvíti í samfélagi múslima í Svíþjóð Lífið Þórdís Dröfn hlaut Bókmenntaverðlaun Tómasar Guðmundssonar Menning „Get ekki hætt að hugsa um bragðarefinn sem hann pantaði“ Lífið Stjörnulífið: „Dagur sem mun aldrei gleymast“ Lífið Betra að vera blankur nemi í New York Lífið Fleiri fréttir Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða „Get ekki hætt að hugsa um bragðarefinn sem hann pantaði“ Langþráður draumur verður að veruleika Samsæriskenningar notaðar sem stjórntæki Stjörnulífið: „Dagur sem mun aldrei gleymast“ Gisti hálft ár á sófum hjá bekkjarfélögum Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sjá meira
Leikstjórinn og handritshöfundurinn Rúnar Rúnarsson fléttar í sinni nýjustu kvikmynd saman 58 örsögur sem allar eiga sér stað á aðventunni og síðustu dögum ársins 2018 og endurspegla íslenskan veruleika í brotakenndri heild skyndimynda. Eitt þessara spegilbrota sýnir samskipti skjólstæðings og hjúkrunarfræðings í skaðaminnkunarbílnum Frú Ragnheiði. „Þetta er auðvitað leikin sena þar sem reynt er að endurspegla á raunsæjan hátt komu fólks í bílinn til okkar í kringum jólin,“ segir Elísabet Brynjarsdóttir, hjúkrunarfræðingur Frú Ragnheiðar, sem segja má að leiki einhvers konar útgáfu af sjálfri sér í Bergmáli. „Ég er ekki búin að sjá þetta en mæti á styrktarsýninguna. Ég fékk nokkur skilaboð eftir frumsýninguna um að þetta hefði verið mjög átakanleg en falleg sena og er bara spennt að sjá.“Elísabete Brynjarsdóttir, hjúkrunarfræðingur.Óvæntur jólaglaðningur Elísabet segir að þótt Frú Ragnheiður sé í grunninn nálaskiptiþjónusta með áherslu á skaðaminnkun þá sé mannlegi þátturinn öllum sem að verkefninu koma efstur í huga. „Hann er rosalega mikilvægur hluti af verkefninu okkar og það er ótrúlega fallegt og snertir við okkur í Ragnheiði að leikstjórinn og framleiðendurnir hafi viljað halda sérstaka styrktarsýningu fyrir okkur. Við erum auðvitað bara fjármögnuð á styrkjum og þurfum á öllum peningum að halda og erum að fara að undirbúa jólin en undanfarin ár höfum við verið með jólagjafir í bílnum og dreifum þeim til skjólstæðinga okkar viku fyrir jól og á aðfangadag,“ segir Elísabet og bendir á að Ragnheiður ekur alltaf sinn rúnt, sex sinnum í viku, virka daga sem og stórhátíðisdaga. „Þau vissu að Frú Ragnheiður keyrir um jólin og aðstoðar skjólstæðinga og þess vegna hugsuðu þau til okkar þar sem myndin á í raun að endurspegla jólin frá mismunandi sjónarhornum.“ Frú Ragnheiður dreifir einnig mat og hlýjum fatnaði til skjólstæðinga sinna en Elísabet segir velvilja fjölda fólks og fyrirtækja úti um allan bæ gera þeim þetta mögulegt. „Við erum með þessar jólagjafir og mikið um góðhjartað fólk úti um allan bæ sem er að prjóna fyrir okkur þannig að við gefum húfur, vettlinga, sokka og svona.“ Að ógleymdum þessum „félagsskap, sálræna stuðningi og mannlegu nánd sem allir þurfa“.Einstakur hópur á ferð „Þessi hugmynd kviknaði fyrst í raun bara alveg strax eftir tökurnar,“ segir Lilja Ósk Snorradóttir, framleiðandi hjá Pegasus, um sýninguna á morgun. „Þetta blundaði svo bara í okkur þangað til við sáum fyrsta klippið og fundum að við bara yrðum að gera þetta. Vegna þess að okkur fannst senan svo sterk og hún sat svo í okkur,“ segir Lilja sem telur óhætt að fullyrða að aldrei áður hafi verið gerð „önnur eins kvikmynd, hvað þá jólamynd“, og Bergmál. „Jólin eru ótrúlega sérstakur og ð mínu mati bara yndislegur tími hjá okkur í Frú Ragnheiði,“ segir Elísabet þegar talið berst að þeim um um það bil 100 sjálfboðaliðum em skiptast á að standa vaktina í bílnum. „Við erum með alveg einstakan hóp sem stendur vaktina sama hvaða dagur er og vill allt fyrir skjólstæðingana okkar gera,“ segir Elísabet og bætir við að fyrst og fremst treysti heimilislausir og sprautufíklar með fjölþættan vímuefnavanda á Frú Ragnheiði.Harmurinn í fegurðinni Jólavaktir Frú Ragnheiðar vega þungt í huga Elísabetar vegna þess að skortur og sárar tilfinningar hafa tilhneigingu til að magnast í birtu jólaljósanna. „Þess vegna finnst mér svo dýrmætt að sjálf boðaliðarnir okkar séu tilbúnir að standa vaktina óháð því hvaða dagur er til þess að geta veitt þessa mannlegu nánd og sálrænan stuðning. Jólin eru einstakur tími og ég kemst alla vega ekki í jólaskap án þess að taka vakt í Frúnni í kringum jólin.“ Elísabet segir tilfinningatenginguna milli sjálfboðaliðanna og skjólstæðinganna mögulega vegna þess einstaka trausts sem Rauði krossinn og Frú Ragnheiður hafa náð að byggja upp í gegnum árin. „Skjólstæðingarnir okkar treysta okkur mjög vel og það er alveg ómetanlegt og dýrmætt fyrir verkefnið okkar. Við gætum náttúrlega ekki starfað án þess að hafa traust þeirra. Þau vilja leita til okkar á sínum forsendum og það er svo dýrmætt í öllum þessum samskiptum, sérstaklega einmitt svona í kringum jólin þegar erfiðar aðstæður geta mögulega oft orðið ennþá erfiðari í ljósi þess hvernig allt á að vera.“Fyrirsögn fréttarinnar hefur verið uppfærð.
Birtist í Fréttablaðinu Fíkn Mest lesið Aldrei of seint að prófa sig áfram Tíska og hönnun Fékk lífið til baka á korteri eftir tólf ár af sársauka Lífið Troðningur á yfirfullri opnun: „Þetta var svolítið kreisí“ Lífið Pétur Kr. og Ingibjörg selja 270 fermetra eign við Ægisíðu Lífið „Fallegasti drengur í heimi“ er látinn Bíó og sjónvarp Upplifði stöðugan ótta við helvíti í samfélagi múslima í Svíþjóð Lífið Þórdís Dröfn hlaut Bókmenntaverðlaun Tómasar Guðmundssonar Menning „Get ekki hætt að hugsa um bragðarefinn sem hann pantaði“ Lífið Stjörnulífið: „Dagur sem mun aldrei gleymast“ Lífið Betra að vera blankur nemi í New York Lífið Fleiri fréttir Ljúffengar banana- og kakóbollakökur í nestisboxið Troðningur á yfirfullri opnun: „Þetta var svolítið kreisí“ Pétur Kr. og Ingibjörg selja 270 fermetra eign við Ægisíðu Barist upp á líf og dauða „Get ekki hætt að hugsa um bragðarefinn sem hann pantaði“ Langþráður draumur verður að veruleika Samsæriskenningar notaðar sem stjórntæki Stjörnulífið: „Dagur sem mun aldrei gleymast“ Gisti hálft ár á sófum hjá bekkjarfélögum Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sjá meira