Kvöldfréttir Stöðvar 2 í beinni útsendingu

Skúli Mogensen, forstjóri WOW air, segir að starfsmenn muni fá útborgað um næstu mánaðamót og að óhætt sé að kaupa sér flugmiða með félaginu. Greint var frá því í dag að kröfuhafar WOW air hafi samþykkt að breyta skuldabréfum sínum í hlutafé og að formlegar viðræður væru hafnar við fjárfesta um mögulega aðkomu að rekstri WOW air. Í kvöldfréttum Stöðvar 2 á eftir verður auk Skúla rætt við fulltrúa Samgöngustofu og Seðlabanka Íslands um þá óvissu sem ríkt hefur um framtíð flugfélagsins.

Samningafundi sex verkalýðsfélaga og Samtaka atvinnulífsins var frestað aftur í dag en verkalýðsforingjar höfnuðu beiðni Samtaka atvinnulífsins um að fresta þeim verkfallsaðgerðum sem að óbreyttu hefjast á fimmtudag.

Fyrsta umræða um fjármálaáætlun ríkisstjórnarinnar fór fram á Alþingi í dag en fulltrúar stjórnarandstöðunnar segja ýmsar forsendur áætlunarinnar vera brostnar.

Þá verður rætt við fjórtán ára stúlku frá Afganistan segist hafa orðið undrandi á stuðningi skólasystkina sinna í Hagaskóla vegna umsóknar fjölskyldu hennar um dvalarleyfi á Íslandi. Hún er þakklát fyrir stuðninginn og vonar að fjölskylda hennar fáið að vera áfram hér á landi.

Þetta og margt fleira í kvöldfréttum í opinni dagskrá klukkan 18:30 sem horfa má hér fyrir neðan.