Á leið í fangelsi eftir að hafa verið gripinn með sex kíló af hassi á Mýrdalssandi

Héraðsdómur Suðurlands hefur dæmt 21 árs gamlan karlmann til tólf mánaða fangelsisvistar fyrir að hafa í fórum sínum sex kíló af hassi í bifreið sinni sem hann hugðist flytja til Reykjavíkur síðastliðið haust. 

Dómarinn í málinu ákvað að skilorðsbinda tíu mánuði af refsingunni haldi maðurinn skilorði.

Maðurinn játaði brotið við þingfestingu málsins og taldi dómarinn ekki ástæðu til að draga hana í efa. Dómarinn taldi sýnt að maðurinn hefði ekki verið skipuleggjandi og frumkvöðull að þessum brotum.

Hann var handtekinn þar sem hann var á vesturleið á Suðurlandsvegi um Mýrdalssand um klukkan 20 þann 7. nóvember. Hassið fannst við leit í bílnum og kannaðist maðurinn við að vera flytja en við að öðru leyti ekki skýra hvaðan efnin komu. Maðurinn var próflaus og undir áhrifum fíkniefna þegar hann var handtekinn.