Daði Lár fer frá Keflavík

Daði Lár Jónsson mun ekki spila með Keflavík á komandi leiktíð í Domino's deild karla. Hann staðfesti þetta við Karfan.is í kvöld.

Daði er uppalinn hjá Stjörnunni en skipti yfir til Keflavíkur fyrir tveimur árum. Hann spilaði 27 leiki fyrir Keflavík á síðasta tímabili þar sem hann fékk 18 mínútur að meðaltali í leik og skoraði 7 stig, tók 3 fráköst og gaf 2 stoðsendingar.

Samkvæmt frétt Körfunnar er samningur Daða við Keflavík runninn út og hafi verið ákveðið að endurnýja hann ekki. Hann hafi þó ekki ákveðið hvar hann muni spila á næstu leiktíð.

Tímabilið í Domino's deild karla hefst að nýju 4. október.