Meiðsli van Dijk ekki alvarleg

Jurgen Klopp er bjartsýnn á að meiðsli Virgil van Dijk séu ekki alvarleg. Hollenski varnarmaðurinn þurfti að fara af velli í seinni hálfleik í sigri Liverpool á Southampton í gær.

Liverpool vann nokkuð öruggan 3-0 sigur á Southampton á Anfield í gær. Öll mörk Liverpool komu í fyrri hálfleik. Van Dijk fór af velli snemma í seinni hálfleik en kom svo aftur út og horfði á lok leiksins af varamannabekknum.

„Fyrir leikinn við PSG var hann nú þegar með marið rifbein. Það er mjög óþægilegt,“ sagði Klopp eftir leikinn.

„Í dag þá fékk hann högg á rifbeinin. Það er ekki gott, en ætti ekki að vera neitt of alvarlegt. Hann sagðist ekki geta kallað lengur, en hann ætti að vera í lagi.“

Liverpool mætir Chealsea í enska deildarbikarnum á miðvikudag.