Gummi Ben ætlar að komast að því hvernig maður verður heimsmeistari Kolbeinn Tumi Daðason skrifar 10. janúar 2018 09:15 Gummi og Garðar munu aldrei komast að niðurstöðu um það hvor er betri, Messi eða Ronaldo, en vonir standa til að það spilli ekki samvinnunni. Vísir/Ernir Garðar Örn Arnarson og Guðmundur Benediktsson eru á leiðinni á flakk. Heilmikið flakk enda stendur mikið til. Upphitun fyrir HM í Rússlandi er framundan á Stöð 2 og ætla félagarnir að taka púlsinn á landsliðsmönnum Íslands erlendis, sækja þá heim og ræða við þá um stóru stundina sem framundan er. Alls verða þættirnar átta sem verða sýndir á Stöð 2. Garðar leikstýrir og Gummi spjallar við strákana. Þeir framleiða þættina saman. Gummi segir hugmyndina hafa komið svo til sjálfkrafa þegar strákarnir tryggðu sig inn á HM í haust. Að framleiða skemmtilegt efni tengt strákunum. „Úr varð að gera þáttaröð þar sem við förum víða og hittum leikmenn, samherja leikmanna, nokkra fyrrverandi heimsmeistara, þar sem við ætlum meðal annars að fá ráð: Hvernig maður verður heimsmeistari?“ segir Gummi. Þeir ætla því ekki aðeins að ræða við okkar menn og þjálfarana heldur fólk í kring sem hefur kynnst HM. „Sjá hvort við getum ekki lært eitthvað. Því við kunnum ekkert, við erum að fara í fyrsta skipti.“Garðar og Gummi unnu meðal annars saman við þættina 1á1. Í einum slíkum voru landsliðsstrákarnir reyndar fimm og rifjuðu upp 2-1 sigurinn á Englandi í Nice. Spennan virðist mikil hjá þjóðinni þótt enn séu fimm mánuðir í fyrsta leik, gegn Argentínu í Moskvu 16. júní. Okkar menn komu á óvart á EM og mætti kannski ætla að lið væru hætt að vanmeta okkar stráka og fallið verði mögulega hátt á HM. „Kannski héldum við það líka eftir EM, að þetta væri bara komið. En við erum einhvern veginn með svo magnað lið sem ég myndi aldrei treysta mér til þess að afskrifa það. Maður sér það á öllum viðtölum við strákana, að það er ákveðið æðruleysi. Þeir eru til að mynda að fara að mæta leikmanni sem mjög margir telja besta leikmann sögunnar. En leikmenn virðast almennt spenntari en kvíðnir,“ segir Gummi. „Við náðum náttúrlega 1-1 á móti þeim besta,“ skýtur Garðar inn í og á við jafnteflið gegn Cristiano Ronaldo í St. Etienne á EM 2016. „Ekki setja hann í sama flokk,“ segir Gummi. „Titlarnir tala sínu máli,“ svarar Garðar og fær „er það…“ frá Gumma.Heimildarmynd Garðars um Örlyg heitinn Sturluson vakti verðskuldaða athygli á sínum tíma. Þrátt fyrir að vera ekki sammála í hinu eilífa deilumáli um gæði þeirra Messi og Ronaldo þá hafa þeir enga trú á öðru en að geta unnið vel saman. Það hafa þeir gert hingað til í Messunni, Teignum og viðtalsþáttunum Einn og einn. Auk þess hefur Garðar getið sér gott orð fyrir þættina Domino’s Körfuboltakvöld og Seinni bylgjuna þar sem hann ræður ferðinni. „Ég held að það verði mjög gaman að heimsækja strákana,“ segir Gummi sem er greinilega spenntur fyrir ferðalaginu framundan. „Þó við séum að fara að ræða háalvarlegt mál þá eru þetta miklir höfðingjar upp til hópa. Ég á ekki von á því að það verði annað en gaman hjá okkur, og fræðandi.“ Þættirnir verða átta talsins og munu sýningar hefjast í apríl.UppfærtÍ fyrri útgáfu stóð að þættirnir yrðu sýndir á sunnudagskvöldum. Sýningarkvöld hafa hins vegar ekki verið staðfest. HM 2018 í Rússlandi Mest lesið Eltihrellirinn í Baby Reindeer íhugar að leita réttar síns Bíó og sjónvarp Bitcoin fjárfestar gerðu sér glaðan dag í Grósku Lífið Disneydraumurinn varð loks að veruleika Lífið Maikai-hjónin eignuðust stúlku Lífið Gæsahúð og allur tilfinningaskalinn á forsýningu Mari Bíó og sjónvarp Halda samstöðutónleika á sama tíma og Ísland keppir í Eurovision Lífið Álfa- og jólahúsið í Laugardalnum heyrir sögunni til Lífið „Spurði hversu mörgum stelpum hann væri búinn að senda þessa línu“ Makamál Langþráður draumur Völu Eiríks rættist Lífið Hvernig á að kenna hundi að rekja spor og slaka á Lífið Fleiri fréttir Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Baldurs og Felix-fáni falur Menningarunnendur nutu veðurblíðunnar í miðborginni Andstaða frá Íslandi og vera Ísraelsmanna litar keppnina í ár Allt það besta úr þáttaröðinni Öll þessi ár Fyrstu kaupendur hafi þessi atriði í huga Rikki G svaraði kallinu og lét draum Ólafs Jóhanns rætast Stjörnulífið: Allt á útopnu í sólinni Hera í gylltum galla á fyrstu æfingunni Ósáttir karlar flautuðu á Fríðu Dulin blessun að missa Baðhúsið „Oft sést ekki nógu vel út á við það sem gerist á bakvið tjöldin“ Atli Örvarsson hlaut BAFTA verðlaunin Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Sjá meira
Garðar Örn Arnarson og Guðmundur Benediktsson eru á leiðinni á flakk. Heilmikið flakk enda stendur mikið til. Upphitun fyrir HM í Rússlandi er framundan á Stöð 2 og ætla félagarnir að taka púlsinn á landsliðsmönnum Íslands erlendis, sækja þá heim og ræða við þá um stóru stundina sem framundan er. Alls verða þættirnar átta sem verða sýndir á Stöð 2. Garðar leikstýrir og Gummi spjallar við strákana. Þeir framleiða þættina saman. Gummi segir hugmyndina hafa komið svo til sjálfkrafa þegar strákarnir tryggðu sig inn á HM í haust. Að framleiða skemmtilegt efni tengt strákunum. „Úr varð að gera þáttaröð þar sem við förum víða og hittum leikmenn, samherja leikmanna, nokkra fyrrverandi heimsmeistara, þar sem við ætlum meðal annars að fá ráð: Hvernig maður verður heimsmeistari?“ segir Gummi. Þeir ætla því ekki aðeins að ræða við okkar menn og þjálfarana heldur fólk í kring sem hefur kynnst HM. „Sjá hvort við getum ekki lært eitthvað. Því við kunnum ekkert, við erum að fara í fyrsta skipti.“Garðar og Gummi unnu meðal annars saman við þættina 1á1. Í einum slíkum voru landsliðsstrákarnir reyndar fimm og rifjuðu upp 2-1 sigurinn á Englandi í Nice. Spennan virðist mikil hjá þjóðinni þótt enn séu fimm mánuðir í fyrsta leik, gegn Argentínu í Moskvu 16. júní. Okkar menn komu á óvart á EM og mætti kannski ætla að lið væru hætt að vanmeta okkar stráka og fallið verði mögulega hátt á HM. „Kannski héldum við það líka eftir EM, að þetta væri bara komið. En við erum einhvern veginn með svo magnað lið sem ég myndi aldrei treysta mér til þess að afskrifa það. Maður sér það á öllum viðtölum við strákana, að það er ákveðið æðruleysi. Þeir eru til að mynda að fara að mæta leikmanni sem mjög margir telja besta leikmann sögunnar. En leikmenn virðast almennt spenntari en kvíðnir,“ segir Gummi. „Við náðum náttúrlega 1-1 á móti þeim besta,“ skýtur Garðar inn í og á við jafnteflið gegn Cristiano Ronaldo í St. Etienne á EM 2016. „Ekki setja hann í sama flokk,“ segir Gummi. „Titlarnir tala sínu máli,“ svarar Garðar og fær „er það…“ frá Gumma.Heimildarmynd Garðars um Örlyg heitinn Sturluson vakti verðskuldaða athygli á sínum tíma. Þrátt fyrir að vera ekki sammála í hinu eilífa deilumáli um gæði þeirra Messi og Ronaldo þá hafa þeir enga trú á öðru en að geta unnið vel saman. Það hafa þeir gert hingað til í Messunni, Teignum og viðtalsþáttunum Einn og einn. Auk þess hefur Garðar getið sér gott orð fyrir þættina Domino’s Körfuboltakvöld og Seinni bylgjuna þar sem hann ræður ferðinni. „Ég held að það verði mjög gaman að heimsækja strákana,“ segir Gummi sem er greinilega spenntur fyrir ferðalaginu framundan. „Þó við séum að fara að ræða háalvarlegt mál þá eru þetta miklir höfðingjar upp til hópa. Ég á ekki von á því að það verði annað en gaman hjá okkur, og fræðandi.“ Þættirnir verða átta talsins og munu sýningar hefjast í apríl.UppfærtÍ fyrri útgáfu stóð að þættirnir yrðu sýndir á sunnudagskvöldum. Sýningarkvöld hafa hins vegar ekki verið staðfest.
HM 2018 í Rússlandi Mest lesið Eltihrellirinn í Baby Reindeer íhugar að leita réttar síns Bíó og sjónvarp Bitcoin fjárfestar gerðu sér glaðan dag í Grósku Lífið Disneydraumurinn varð loks að veruleika Lífið Maikai-hjónin eignuðust stúlku Lífið Gæsahúð og allur tilfinningaskalinn á forsýningu Mari Bíó og sjónvarp Halda samstöðutónleika á sama tíma og Ísland keppir í Eurovision Lífið Álfa- og jólahúsið í Laugardalnum heyrir sögunni til Lífið „Spurði hversu mörgum stelpum hann væri búinn að senda þessa línu“ Makamál Langþráður draumur Völu Eiríks rættist Lífið Hvernig á að kenna hundi að rekja spor og slaka á Lífið Fleiri fréttir Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Baldurs og Felix-fáni falur Menningarunnendur nutu veðurblíðunnar í miðborginni Andstaða frá Íslandi og vera Ísraelsmanna litar keppnina í ár Allt það besta úr þáttaröðinni Öll þessi ár Fyrstu kaupendur hafi þessi atriði í huga Rikki G svaraði kallinu og lét draum Ólafs Jóhanns rætast Stjörnulífið: Allt á útopnu í sólinni Hera í gylltum galla á fyrstu æfingunni Ósáttir karlar flautuðu á Fríðu Dulin blessun að missa Baðhúsið „Oft sést ekki nógu vel út á við það sem gerist á bakvið tjöldin“ Atli Örvarsson hlaut BAFTA verðlaunin Brynja og Þórhallur kveðja Nýlendugötuna „Það var alltaf draumur hjá honum að heimsækja Ísland aftur“ 23 hvolpar á heimili í Þorlákshöfn Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Sjá meira