Ísland endar árið á leik gegn Katar í Belgíu

Íslenska landsliðið í fótbolta mætir Katar í vináttuleik 19. nóvember í Belgíu sem verður síðasti leikur ársins hjá strákunum okkar.

Ísland spilar tvo leiki í Belgíu í nóvember en það mætir einmitt Belgíu í lokaumferð Þjóðadeildarinnar þar í landi 15. nóvember.

Síðan verður haldið til Eupen í Belgíu þar sem spilaður verður vináttuleikur við Katar en okkar menn mættu Katar í vináttuleik á þeirra heimavelli í nóvember á síðasta ári.

Þá gerðu liðin 1-1 jafntefli en Viðar Örn Kjartansson skoraði mark Íslands á 26. mínútu áður en að Katar-menn jöfnuðu svo á lokamínútu leiksins.