Uppgjör: Mögnuð endurkoma Mercedes │Taktísk mistök kostuðu Vettel Bragi Þórðarson skrifar 13. maí 2018 21:30 Lewis Hamilton spreyjaði kampavíninu á Spáni í dag vísir/getty Lewis Hamilton og Mercedes stóðu sig frábærlega í spænska kappakstrinum um helgina. Þýska liðið kláraði keppnina með bíla sína í fyrsta og öðru sæti, fullkomin úrslit. Mercedes hefur nú 27 stiga forskot í keppni bílasmiða og er sigurvegari helgarinnar Lewis Hamilton nú 17 stigum á undan Sebastian Vettel í keppni ökuþóra. Tímabilið hefði með réttu átt að byrja vel fyrir Mercedes. Liðið var hraðast í vorprófunum, sem fóru einmitt fram á brautinni í Barcelona, og leit allt út fyrir annað mjög sterkt tímabil fyrir þýska liðið. Það varð þó ekki raunin og tókst liðinu ekki að landa sigri fyrr en í síðustu keppni, fjórða móti ársins. Ferrari hefur verið sterkara liðið það sem af er þessu keppnistímabili og sýndi Sebastian Vettel það með sigri í fyrstu tveimur keppnum ársins. En nú þegar að tímabilið byrjar í Evrópu mega liðin bæta sýna bíla örlítið. Á síðastliðnum árum hafa þessar breytingar litlu breytt. Vissulega fara bílarnir hraðar en öll lið virðast bæta sig jafnt. Nú gæti verið að svo sé ekki, þar sem Mercedes sýndu það nú í fyrsta skiptið á árinu að liðið er hraðara en Ferrari bæði í tímatökum og kappakstrinum.Sebastian Vettel beið skaða vegna taktískra mistakra liðsstjóra sinna í dagvísir/gettyEnn og aftur taktísk mistök hjá FerrariHér á árum áður var Ferrari algjörlega óstöðvandi með Michael Schumacher í ökumannssætinu. Það var þó ekki bara nóg að hafa þýska snillinginn undir stýri þar sem stór partur af þeirri velgengni var vegna taktísku snilligáfu þeirra Ross Brawn og Jean Todd. Þeir virtust alltaf getað snúið ómögulegum aðstæðum upp í sínar hendur, en það virðist ekki vera raunin hjá liðinu í ár. Með Maurizio Arrivabene við stjórnvölin hefur liðið oftar en einu sinni gert taktísk mistök á þessu ári. Sebastian Vettel byrjaði spænska kappaksturinn vel og komst upp í annað sætið úr því þriðja strax í fyrstu beygju. Í fyrsta þjónustuhléinu gerði liðið þau mistök að sleppa Þjóðverjanum út á brautina rétt fyrir aftan Kevin Magnussen, í stað þess að bíða með stoppið í einn hring í viðbót. Þetta gaf Mercedes og Valtteri Bottas möguleika á að komast fram úr Vettel sem tókst þó ekki vegna lélegs þjónustuhlés hjá Finnanum. Þetta voru fyrstu mistök ítalska liðsins í kappakstrinum, önnur mistökin áttu eftir að koma sér enn verr fyrir liðið. Á hring 40 var svokallaður ósýnilegur öryggisbíll kallaður út á brautina. Það þýðir að allir bílar verða að aka hringinn 40 prósent hægar en venjulega sem þýðir að lið tapa minni tíma á að fara inn á þjónustusvæðið en ella. Á þessum fertugasta hring sat Vettel í öðru sæti þegar að liðið ákvað kalla hann inn með þeim afleiðingum að Þjóðverjinn datt niður í fjórða sætið. Aðrir ökumenn kusu að halda sér úti á brautinni og klára keppnina á þeim dekkjum sem voru undir bílum þeirra. Það reyndist hárrétt ákvörðun og gat Vettel ekkert gert úr fjórða sætinu. Til að kóróna slæmt gengi ítalska liðsins um helgina varð Kimi Raikkonen frá að hverfa með vélarbilun á 25. hring, þrátt fyrir að liðið setti nýja vél í bíl Finnans á föstudeginum fyrir kappaksturinn.Útsýni Hamilton var ekkert nema auð braut megnið af deginumvísir/gettyMercedes einfaldlega betriÞrátt fyrir öll þau mistök og alla þá óheppni sem hreppti Ferrari um helgina var Mercedes bara einfaldlega betra liðið á brautinni í Barcelona. Þýska liðið náði í fyrsta skiptið á árinu að læsa efstu röðinni á ráspól og fullkomnaði svo helgina með því að klára í fyrsta og öðru sæti. Með árangrinum er Lewis Hamilton nú efstur á lista þeirra sem sigrað hafa kappakstur frá ráspól. Afrek sem Bretinn hefur alls náð 41 sinni á ferlinum og tekur því metið af Michael Schumacher. „Við verðum að horfa á þetta sem byrjunina á í tímabilinu, nú verðum við að byggja ofan á þessa frammistöðu með fleiri sigrum,“ sagði fjórfaldi heimsmeistarinn eftir kappaksturinn. Red Bull náði ágætum úrslitum í Barcelona, Max Verstappen kláraði á verðlaunapalli og liðsfélagi hans Daniel Ricciardo varð fimmti. Vissulega vill liðið gera betur en eftir síðasta kappakstur þegar Daniel og Max keyrðu hvorn annan út tekur liðið þessum úrslitum fagnandi. Það er þó ljóst að nægur hraði er í Red Bull bílnum til að berjast á toppnum, eins og Ricciardo sýndi með að ná hraðasta tíma kappakstursins. Undarlegt þar sem Daniel kláraði keppnina rúmum 50 sekúndum á eftir sigurvegaranum. Baráttan um sæti þar fyrir neðan heldur áfram að magnast. Það lítur út fyrir að Renault og McLaren mun berjast um fjórða sæti bílasmiða en þó má ekki taka lið eins og Haas og Force India úr myndinni. Monaco kappaksturinn er sá næsti á tímabilinu. Keppnina þekkja allir, enda einn frægasti akstursíþróttaviðburður ár hvert. Þar ætla Mercedes svo sannarlega að berja járnið meðan það er heitt og verður Ferrari að stoppa blæðinguna ef þeir ætla ekki að missa þýska liðið of langt frá sér. Formúla Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Ákærður fyrir að slá barn sitt með blautu handklæði Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Skilur af hverju fólk hættir að horfa á leiðinlega Formúlu 1 Verstappen vann í Kína Verstappen átján sætum á undan Hamilton á ráspólnum á morgun Hamilton segir enn langt í það að hann hætti Verstappen aftur á sigurbraut eftir árekstur á fyrsta hring Liðsfélagarnir fremstir eftir tímatökur í Japan Fjórfaldi heimsmeistarinn íhugar að hætta við að hætta Eigandi Formúlu 1 festir kaup á MotoGP Verstappen efstur á óskalista Mercedes: Ummæli Toto kynda undir sögusagnir Verstappen óvænt úr leik eftir örfáar mínútur og Ferrari fagnaði Getur ekki keppt í formúlu 1 af því að liðið gaf öðrum bílinn hans Forseti FIA hreinsaður af ásökunum um hagræðingu úrslita Stal senunni en vill meira Krefst ellefu milljarða króna í skaðabætur Munu ekki standa í vegi fyrir Verstappen vilji hann fara Heimsmeistarinn á verðlaunapalli í hundraðasta sinn Áfall fyrir Ferrari: Sainz á leið í aðgerð - Keppir ekki um helgina Ráku konuna sem sakar Horner um óviðeigandi hegðun Forsetinn reyndi að koma í veg fyrir að keppt yrði í Vegas Friðarviðræður milli umboðsmanns Verstappens og Horners Forsetinn til rannsóknar fyrir meinta tilraun til að eiga við úrslit Faðir Verstappens vill losna við Horner Heimsmeistarinn Verstappen byrjar á sigri Horner heldur áfram að hneyksla og gæti misst starfið Stefnir í spennandi keppni í Barein: „Nánast ekkert þarna á milli“ Sjá meira
Lewis Hamilton og Mercedes stóðu sig frábærlega í spænska kappakstrinum um helgina. Þýska liðið kláraði keppnina með bíla sína í fyrsta og öðru sæti, fullkomin úrslit. Mercedes hefur nú 27 stiga forskot í keppni bílasmiða og er sigurvegari helgarinnar Lewis Hamilton nú 17 stigum á undan Sebastian Vettel í keppni ökuþóra. Tímabilið hefði með réttu átt að byrja vel fyrir Mercedes. Liðið var hraðast í vorprófunum, sem fóru einmitt fram á brautinni í Barcelona, og leit allt út fyrir annað mjög sterkt tímabil fyrir þýska liðið. Það varð þó ekki raunin og tókst liðinu ekki að landa sigri fyrr en í síðustu keppni, fjórða móti ársins. Ferrari hefur verið sterkara liðið það sem af er þessu keppnistímabili og sýndi Sebastian Vettel það með sigri í fyrstu tveimur keppnum ársins. En nú þegar að tímabilið byrjar í Evrópu mega liðin bæta sýna bíla örlítið. Á síðastliðnum árum hafa þessar breytingar litlu breytt. Vissulega fara bílarnir hraðar en öll lið virðast bæta sig jafnt. Nú gæti verið að svo sé ekki, þar sem Mercedes sýndu það nú í fyrsta skiptið á árinu að liðið er hraðara en Ferrari bæði í tímatökum og kappakstrinum.Sebastian Vettel beið skaða vegna taktískra mistakra liðsstjóra sinna í dagvísir/gettyEnn og aftur taktísk mistök hjá FerrariHér á árum áður var Ferrari algjörlega óstöðvandi með Michael Schumacher í ökumannssætinu. Það var þó ekki bara nóg að hafa þýska snillinginn undir stýri þar sem stór partur af þeirri velgengni var vegna taktísku snilligáfu þeirra Ross Brawn og Jean Todd. Þeir virtust alltaf getað snúið ómögulegum aðstæðum upp í sínar hendur, en það virðist ekki vera raunin hjá liðinu í ár. Með Maurizio Arrivabene við stjórnvölin hefur liðið oftar en einu sinni gert taktísk mistök á þessu ári. Sebastian Vettel byrjaði spænska kappaksturinn vel og komst upp í annað sætið úr því þriðja strax í fyrstu beygju. Í fyrsta þjónustuhléinu gerði liðið þau mistök að sleppa Þjóðverjanum út á brautina rétt fyrir aftan Kevin Magnussen, í stað þess að bíða með stoppið í einn hring í viðbót. Þetta gaf Mercedes og Valtteri Bottas möguleika á að komast fram úr Vettel sem tókst þó ekki vegna lélegs þjónustuhlés hjá Finnanum. Þetta voru fyrstu mistök ítalska liðsins í kappakstrinum, önnur mistökin áttu eftir að koma sér enn verr fyrir liðið. Á hring 40 var svokallaður ósýnilegur öryggisbíll kallaður út á brautina. Það þýðir að allir bílar verða að aka hringinn 40 prósent hægar en venjulega sem þýðir að lið tapa minni tíma á að fara inn á þjónustusvæðið en ella. Á þessum fertugasta hring sat Vettel í öðru sæti þegar að liðið ákvað kalla hann inn með þeim afleiðingum að Þjóðverjinn datt niður í fjórða sætið. Aðrir ökumenn kusu að halda sér úti á brautinni og klára keppnina á þeim dekkjum sem voru undir bílum þeirra. Það reyndist hárrétt ákvörðun og gat Vettel ekkert gert úr fjórða sætinu. Til að kóróna slæmt gengi ítalska liðsins um helgina varð Kimi Raikkonen frá að hverfa með vélarbilun á 25. hring, þrátt fyrir að liðið setti nýja vél í bíl Finnans á föstudeginum fyrir kappaksturinn.Útsýni Hamilton var ekkert nema auð braut megnið af deginumvísir/gettyMercedes einfaldlega betriÞrátt fyrir öll þau mistök og alla þá óheppni sem hreppti Ferrari um helgina var Mercedes bara einfaldlega betra liðið á brautinni í Barcelona. Þýska liðið náði í fyrsta skiptið á árinu að læsa efstu röðinni á ráspól og fullkomnaði svo helgina með því að klára í fyrsta og öðru sæti. Með árangrinum er Lewis Hamilton nú efstur á lista þeirra sem sigrað hafa kappakstur frá ráspól. Afrek sem Bretinn hefur alls náð 41 sinni á ferlinum og tekur því metið af Michael Schumacher. „Við verðum að horfa á þetta sem byrjunina á í tímabilinu, nú verðum við að byggja ofan á þessa frammistöðu með fleiri sigrum,“ sagði fjórfaldi heimsmeistarinn eftir kappaksturinn. Red Bull náði ágætum úrslitum í Barcelona, Max Verstappen kláraði á verðlaunapalli og liðsfélagi hans Daniel Ricciardo varð fimmti. Vissulega vill liðið gera betur en eftir síðasta kappakstur þegar Daniel og Max keyrðu hvorn annan út tekur liðið þessum úrslitum fagnandi. Það er þó ljóst að nægur hraði er í Red Bull bílnum til að berjast á toppnum, eins og Ricciardo sýndi með að ná hraðasta tíma kappakstursins. Undarlegt þar sem Daniel kláraði keppnina rúmum 50 sekúndum á eftir sigurvegaranum. Baráttan um sæti þar fyrir neðan heldur áfram að magnast. Það lítur út fyrir að Renault og McLaren mun berjast um fjórða sæti bílasmiða en þó má ekki taka lið eins og Haas og Force India úr myndinni. Monaco kappaksturinn er sá næsti á tímabilinu. Keppnina þekkja allir, enda einn frægasti akstursíþróttaviðburður ár hvert. Þar ætla Mercedes svo sannarlega að berja járnið meðan það er heitt og verður Ferrari að stoppa blæðinguna ef þeir ætla ekki að missa þýska liðið of langt frá sér.
Formúla Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Ákærður fyrir að slá barn sitt með blautu handklæði Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Skilur af hverju fólk hættir að horfa á leiðinlega Formúlu 1 Verstappen vann í Kína Verstappen átján sætum á undan Hamilton á ráspólnum á morgun Hamilton segir enn langt í það að hann hætti Verstappen aftur á sigurbraut eftir árekstur á fyrsta hring Liðsfélagarnir fremstir eftir tímatökur í Japan Fjórfaldi heimsmeistarinn íhugar að hætta við að hætta Eigandi Formúlu 1 festir kaup á MotoGP Verstappen efstur á óskalista Mercedes: Ummæli Toto kynda undir sögusagnir Verstappen óvænt úr leik eftir örfáar mínútur og Ferrari fagnaði Getur ekki keppt í formúlu 1 af því að liðið gaf öðrum bílinn hans Forseti FIA hreinsaður af ásökunum um hagræðingu úrslita Stal senunni en vill meira Krefst ellefu milljarða króna í skaðabætur Munu ekki standa í vegi fyrir Verstappen vilji hann fara Heimsmeistarinn á verðlaunapalli í hundraðasta sinn Áfall fyrir Ferrari: Sainz á leið í aðgerð - Keppir ekki um helgina Ráku konuna sem sakar Horner um óviðeigandi hegðun Forsetinn reyndi að koma í veg fyrir að keppt yrði í Vegas Friðarviðræður milli umboðsmanns Verstappens og Horners Forsetinn til rannsóknar fyrir meinta tilraun til að eiga við úrslit Faðir Verstappens vill losna við Horner Heimsmeistarinn Verstappen byrjar á sigri Horner heldur áfram að hneyksla og gæti misst starfið Stefnir í spennandi keppni í Barein: „Nánast ekkert þarna á milli“ Sjá meira