Hundruð vísindamanna saka Trump-stjórnina um að sverta vísindi Kjartan Kjartansson skrifar 24. apríl 2018 16:28 Scott Pruitt (t.v.) hefur verið dyggasti fótgönguliði Trump forseta í að rifta umhverfisreglugerðum. Það er talið hafa bjargað honum fram að þessu frá skugga spillingarmála af ýmsu tagi. Vísir/AFP Á sjötta hundrað félagsmanna í Vísindaakademíu Bandaríkjanna skrifa undir yfirlýsingu sem þeir birtu í gær þar sem þeir saka ríkisstjórn Donalds Trump um að „sverta vísindalega sérfræðiþekkingu og áreita vísindamenn“. Sérstaklega gagnrýna þeir ríkisstjórnina fyrir að hafna vísindalegri þekkingu á loftslagsbreytingum. Ríkisstjórn Trump hefur stigið markviss skref til þess að fella úr gildi og hætta við reglugerðir sem áttu að takmarka losun gróðurhúsalofttegunda sem valda loftslagsbreytingum auk fjölda annarra umhverfisreglugerða. Þá hafa ýmsar ríkisstofnanir og ráðuneyti eytt öllum tilvísunum í loftslagsbreytingar og hnattræna hlýnun af vefsíðum sínum. Sú stefna byggist á höfnun leiðtoga Repúblikanaflokksins á vísindalegum staðreyndum um hnattræna hlýnun af völdum manna. Trump sjálfur hefur kallað loftslagsbreytingar „gabb“ á vegum kínverskra stjórnvalda. Hann ákvað í fyrra að draga Bandaríkin út úr Parísarsamkomulaginu þegar það verður hægt árið 2020.Hætti ritskoðun og ógnunum í garð vísindamanna Vísindamennirnir sem skrifa undir yfirlýsinguna krefjast þess að bandarísk stjórnvöld móti stefnu sína aftur á vísindalegum grundvelli. Alríkisstjórnin ætti einnig að halda vísindalegu efni á vefsíðum sem eru aðgengilegar almenningi og að skipa hæft fólk í stöður sem krefjast vísindalegrar sérþekkingar. „Höfnun vísindalegra staðreynda við stefnumótun hefur haft áhrif á vítt svið félags-, líf-, umhverfis og raunvísinda,“ segir í yfirlýsingunni. Þá vilja vísindamennirnir 475 að ríkisstjórnin hætti ritskoðun og ógnunum í garð vísindamanna sem vinna fyrir alríkisstjórnina og að ákvörðuninni um að hætta við Parísarsamkomulagið verði snúið við. Þetta er annað árið í röð sem stór hópur félaga í Vísindaakademíunni sendir slíka yfirlýsingu frá sér vegna framferðis Trump-stjórnarinnar. Í fyrra skrifuðu 375 vísindamenn undir sambærilega yfirlýsingu þar sem þeir vöruðu við hættunni sem fylgdi því að hætta þátttöku í Parísarsamkomulaginu.Auglýsing þar sem gert er grín að Pruitt, forstjóra EPA. Hann leigði hjá málsvara hagsmunaaðila á vildarkjörum í Washington-borg. Hann hefur einnig verið sakaður um að fara frjálslega með fé skattborgara á skrifstofu sinni og á ferðalögum.Vísir/AFPTalsmaður kolaiðnaðar og lögfræðingur yfir Umhverfisstofnun Trump hefur í mörgum tilfellum tilnefnt fyrrverandi málsvara hagsmunaaðila til að gegna stöðum sem tengjast umhverfisvísindum. Þannig er Andrew Wheeler, sem nýlega var staðfestur í embætti sem aðstoðarforstjóri Umhverfisstofnunarinnar (EPA), fyrrverandi málafylgjumaður fyrir kolafyrirtæki. Wheeler gæti brátt orðið forstjóri EPA en núverandi forstjórinn Scott Pruitt er nú á kafi í ásökunum um ýmis konar spillingu. Pruitt var dómsmálaráðherra Oklahoma-ríkis þar sem hann höfðaði fjölda mála gegn EPA í samstarfi við jarðefnaeldsneytisfyrirtæki. Hann hefur gengið hart fram í að byrja að vinda ofan af reglum sem er ætlað að draga úr losun gróðurhúsalofttegunda en einnig fleiri reglum sem eiga að takmarka getu fyrirtækja til að losa mengandi efni út í náttúruna. Gætu þurft að hætta að styðjast við lýðheilsurannsóknir Nýjasta útspil Pruitt er tillaga að reglu sem myndi verulega takmarka getu Umhverfisstofnunarinnar til þess að byggja reglur sínar á vísindalegum rannsóknum. Samkvæmt reglunni sem Pruitt vill setja mætti stofnunin aðeins notast við rannsóknir þar sem undirliggjandi gögn eru opinber. Það myndi þýða að EPA gæti ekki nýtt rannsóknir sem byggjast á læknisfræðilegum gögnum um sjúklinga sem ekki má birta opinberlega. Þannig gæti stofnunin ekki lengur reitt sig á rannsóknir sem hafa sýnt fram á tengsl loftmengunar eða skordýraeiturs við skaðleg áhrif á heilsu manna. Pruitt segir að markmið reglunnar sé gegnsæi. Hún myndi þó ganga mun lengra en kröfu ritrýndra vísindarita þar sem ekki þarf að birta opinberlega sjúkraskýrslur sem rannsóknir á sviði lýðheilsu og umhverfis byggjast oft á. Hátt í þúsund vísindamenn skrifuðu undir yfirlýsingu á vegum Sambands áhyggjufulltra vísindamanna [e. Union of Concerned Scientists] í gær þar sem Pruitt var hvattur til þess að falla frá reglunni. Bandaríkin Donald Trump Loftslagsmál Vísindi Tengdar fréttir Bandaríkjaforseti ruglar um loftslagsvísindi í viðtali Auk þess að endurtaka rangtúlkun á eðli Parísarsamkomulagsins fór Trump með hrein ósannindi um vísindalegar staðreyndir í viðtali við Piers Morgan. 28. janúar 2018 07:24 Ríkisstjórn Trump vill vinda ofan af reglum um sparneytni bíla Mögulegt er að tvö ólík markaðssvæði með bíla verði til í Bandaríkjunum í framhaldinu en Kalifornía ætlar að standa fast á hertum reglum um sparneytni og umhverfisáhrif bíla. 31. mars 2018 18:46 Mest lesið Ferðamaður fannst látinn og þriggja saknað á eyjum Grikklands Erlent Hver er þessi 28 ára maður sem gæti orðið forsætisráðherra Frakka? Erlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Netanjahú leysir stríðsráðið upp Erlent Stútfull hátíðardagskrá um allt land á 17. júní Innlent Rafmagn er komið á í Mosfellsbæ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Fleiri fréttir Netanjahú leysir stríðsráðið upp Ferðamaður fannst látinn og þriggja saknað á eyjum Grikklands Hver er þessi 28 ára maður sem gæti orðið forsætisráðherra Frakka? Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Sjá meira
Á sjötta hundrað félagsmanna í Vísindaakademíu Bandaríkjanna skrifa undir yfirlýsingu sem þeir birtu í gær þar sem þeir saka ríkisstjórn Donalds Trump um að „sverta vísindalega sérfræðiþekkingu og áreita vísindamenn“. Sérstaklega gagnrýna þeir ríkisstjórnina fyrir að hafna vísindalegri þekkingu á loftslagsbreytingum. Ríkisstjórn Trump hefur stigið markviss skref til þess að fella úr gildi og hætta við reglugerðir sem áttu að takmarka losun gróðurhúsalofttegunda sem valda loftslagsbreytingum auk fjölda annarra umhverfisreglugerða. Þá hafa ýmsar ríkisstofnanir og ráðuneyti eytt öllum tilvísunum í loftslagsbreytingar og hnattræna hlýnun af vefsíðum sínum. Sú stefna byggist á höfnun leiðtoga Repúblikanaflokksins á vísindalegum staðreyndum um hnattræna hlýnun af völdum manna. Trump sjálfur hefur kallað loftslagsbreytingar „gabb“ á vegum kínverskra stjórnvalda. Hann ákvað í fyrra að draga Bandaríkin út úr Parísarsamkomulaginu þegar það verður hægt árið 2020.Hætti ritskoðun og ógnunum í garð vísindamanna Vísindamennirnir sem skrifa undir yfirlýsinguna krefjast þess að bandarísk stjórnvöld móti stefnu sína aftur á vísindalegum grundvelli. Alríkisstjórnin ætti einnig að halda vísindalegu efni á vefsíðum sem eru aðgengilegar almenningi og að skipa hæft fólk í stöður sem krefjast vísindalegrar sérþekkingar. „Höfnun vísindalegra staðreynda við stefnumótun hefur haft áhrif á vítt svið félags-, líf-, umhverfis og raunvísinda,“ segir í yfirlýsingunni. Þá vilja vísindamennirnir 475 að ríkisstjórnin hætti ritskoðun og ógnunum í garð vísindamanna sem vinna fyrir alríkisstjórnina og að ákvörðuninni um að hætta við Parísarsamkomulagið verði snúið við. Þetta er annað árið í röð sem stór hópur félaga í Vísindaakademíunni sendir slíka yfirlýsingu frá sér vegna framferðis Trump-stjórnarinnar. Í fyrra skrifuðu 375 vísindamenn undir sambærilega yfirlýsingu þar sem þeir vöruðu við hættunni sem fylgdi því að hætta þátttöku í Parísarsamkomulaginu.Auglýsing þar sem gert er grín að Pruitt, forstjóra EPA. Hann leigði hjá málsvara hagsmunaaðila á vildarkjörum í Washington-borg. Hann hefur einnig verið sakaður um að fara frjálslega með fé skattborgara á skrifstofu sinni og á ferðalögum.Vísir/AFPTalsmaður kolaiðnaðar og lögfræðingur yfir Umhverfisstofnun Trump hefur í mörgum tilfellum tilnefnt fyrrverandi málsvara hagsmunaaðila til að gegna stöðum sem tengjast umhverfisvísindum. Þannig er Andrew Wheeler, sem nýlega var staðfestur í embætti sem aðstoðarforstjóri Umhverfisstofnunarinnar (EPA), fyrrverandi málafylgjumaður fyrir kolafyrirtæki. Wheeler gæti brátt orðið forstjóri EPA en núverandi forstjórinn Scott Pruitt er nú á kafi í ásökunum um ýmis konar spillingu. Pruitt var dómsmálaráðherra Oklahoma-ríkis þar sem hann höfðaði fjölda mála gegn EPA í samstarfi við jarðefnaeldsneytisfyrirtæki. Hann hefur gengið hart fram í að byrja að vinda ofan af reglum sem er ætlað að draga úr losun gróðurhúsalofttegunda en einnig fleiri reglum sem eiga að takmarka getu fyrirtækja til að losa mengandi efni út í náttúruna. Gætu þurft að hætta að styðjast við lýðheilsurannsóknir Nýjasta útspil Pruitt er tillaga að reglu sem myndi verulega takmarka getu Umhverfisstofnunarinnar til þess að byggja reglur sínar á vísindalegum rannsóknum. Samkvæmt reglunni sem Pruitt vill setja mætti stofnunin aðeins notast við rannsóknir þar sem undirliggjandi gögn eru opinber. Það myndi þýða að EPA gæti ekki nýtt rannsóknir sem byggjast á læknisfræðilegum gögnum um sjúklinga sem ekki má birta opinberlega. Þannig gæti stofnunin ekki lengur reitt sig á rannsóknir sem hafa sýnt fram á tengsl loftmengunar eða skordýraeiturs við skaðleg áhrif á heilsu manna. Pruitt segir að markmið reglunnar sé gegnsæi. Hún myndi þó ganga mun lengra en kröfu ritrýndra vísindarita þar sem ekki þarf að birta opinberlega sjúkraskýrslur sem rannsóknir á sviði lýðheilsu og umhverfis byggjast oft á. Hátt í þúsund vísindamenn skrifuðu undir yfirlýsingu á vegum Sambands áhyggjufulltra vísindamanna [e. Union of Concerned Scientists] í gær þar sem Pruitt var hvattur til þess að falla frá reglunni.
Bandaríkin Donald Trump Loftslagsmál Vísindi Tengdar fréttir Bandaríkjaforseti ruglar um loftslagsvísindi í viðtali Auk þess að endurtaka rangtúlkun á eðli Parísarsamkomulagsins fór Trump með hrein ósannindi um vísindalegar staðreyndir í viðtali við Piers Morgan. 28. janúar 2018 07:24 Ríkisstjórn Trump vill vinda ofan af reglum um sparneytni bíla Mögulegt er að tvö ólík markaðssvæði með bíla verði til í Bandaríkjunum í framhaldinu en Kalifornía ætlar að standa fast á hertum reglum um sparneytni og umhverfisáhrif bíla. 31. mars 2018 18:46 Mest lesið Ferðamaður fannst látinn og þriggja saknað á eyjum Grikklands Erlent Hver er þessi 28 ára maður sem gæti orðið forsætisráðherra Frakka? Erlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Netanjahú leysir stríðsráðið upp Erlent Stútfull hátíðardagskrá um allt land á 17. júní Innlent Rafmagn er komið á í Mosfellsbæ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Fleiri fréttir Netanjahú leysir stríðsráðið upp Ferðamaður fannst látinn og þriggja saknað á eyjum Grikklands Hver er þessi 28 ára maður sem gæti orðið forsætisráðherra Frakka? Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Sjá meira
Bandaríkjaforseti ruglar um loftslagsvísindi í viðtali Auk þess að endurtaka rangtúlkun á eðli Parísarsamkomulagsins fór Trump með hrein ósannindi um vísindalegar staðreyndir í viðtali við Piers Morgan. 28. janúar 2018 07:24
Ríkisstjórn Trump vill vinda ofan af reglum um sparneytni bíla Mögulegt er að tvö ólík markaðssvæði með bíla verði til í Bandaríkjunum í framhaldinu en Kalifornía ætlar að standa fast á hertum reglum um sparneytni og umhverfisáhrif bíla. 31. mars 2018 18:46