Sjáðu Jón Arnar dansa vals við Hrefnu með slitinn kálfa

Dansparið Jón Arnar Magnússon og Hrefna Dís Halldórsdóttir féllu úr leik í skemmtiþættinum Allir geta dansað á Stöð 2 í gærkvöldi.

Jón og Hrefna dönsuðu vals undir laginu Open arms með Journey. Dómararnir gáfu þeim alls 15 stig sem var það lægsta í gærkvöldi.

Í þáttunum Allir geta dansað keppa þjóðþekktir Íslendingar í dansi en þeir dansa við fagdansara og stendur eitt par uppi sem sigurvegari.

Í gærkvöldi komu sjö danspör fram og þóttu þau öll standa sig nokkuð vel. Hér að neðan má sjá dansinn sem var Jóni og Hrefnu að falli.