Fótbolti

Fyrrverandi leikmaður Man. Utd. látinn eftir baráttu við krabbamein

Magnús Ellert Bjarnason skrifar
Miller í leik með Manchester United.
Miller í leik með Manchester United. Vísir / Getty
Liam Miller, fyrrverandi leikmaður Manchester United og írska landsliðsins, er látinn, 36 ára aldri, eftir baráttu við krabbamein.

Miller, sem á að baki 21 landsleik fyrir Írland, greindist með krabbamein í brisi í nóvember á síðasta ári og hefur síðan þá verið í lyfjameðferð í Bandaríkjunum og heimalandi sínu.

Miller hóf atvinnumannaferil sinn hjá skoska stórveldinu Celtic árið 2004 og lék 26 leiki fyrir félagið.

Árið 2004 fékk Sir Alex Ferguson hann til liðs við Manchester United á frjálsri sölu. Hann náði aldrei að festa sig í sessi hjá United og lék aðeins 22 leiki fyrir félagið áður en hann hélt til Sunderland.

Miller lagði skóna á hilluna árið 2016 en hann lék síðast með hálfatvinnumannaliðinu Wilmington Hammerheads í Norður-Karólínu í Bandaríkjunum.

Manchester United og fjölmargir fyrrum samherjar Miller, þar á meðal David Beckham, hafa minnst hans á samfélagsmiðlum í dag.  

 
Our thoughts are with Liam’s family .. Rest In Peace @manchesterunited

A post shared by David Beckham (@davidbeckham) on Feb 9, 2018 at 7:48pm PST








Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.