Minntust unga ferðamannsins sem lést eftir rútuslysið í Eldhrauni

Hópur fólks kom saman í bænahúsi Fossvogskirkju í dag til að minnast Ziyu Duan.

Ziyu lést þann 12. janúar síðastliðinn en hafði verið á gjörgæslu frá 27. desember þegar hann lenti í rútuslysi í Eldhrauni.

Slysið átti sér stað skömmu fyrir hádegi miðvikudaginn 27. desember síðastliðinn. Slysið varð með þeim hætti að hópferðabíll ók aftan á fólksbíl og endaði utan vegar á Suðurlandsvegi skammt frá Kirkjubæjarklaustri.

Ziyu Duan fæddist 20. júní árið 1996 og var því 21 árs gamall. Auk hans dó kínversk kona á þrítugsaldri í slysinu.