Eins leiks bann fyrir punghöggið

Aganefnd HSÍ dæmdi FH-inginn Jóhann Birgi Ingvarsson í eins leiks bann í dag fyrir að slá andstæðing sinn í punginn.

Atvikið átti sér stað í leik FH og Fram. Eftir að Jóhann Birgir hafði skorað mark ákvað hann á leið sinni til baka í vörn að dangla hendinni á viðkvæmasta svæði eins leikmanns Fram sem lá óvígur eftir.

„Þó höggið virðist ekki hafa verið þungt er ljóst að leikmaðurinn sló annan leikmann af ásetningi og afleiðingar urðu allnokkrar. Niðurstaða aganefndar er að Jóhann Birgir Ingvarsson leikmaður FH er úrskurðaður í eins leiks bann,“ segir í dómi aganefndar.

Sjá má atvikið hér að neðan.