„Þvæla“ að hækkun hámarkshraða leiði til færri slysa Kjartan Kjartansson skrifar 18. apríl 2018 22:15 Ef ökumenn sjá ekki fram á að ná yfir gatnamót áður en grænt ljós kviknar fyrir umferð úr þverstæðri mega þeir ekki aka inn á gatnamótin. Vísir/Vilhelm Beint samhengi er á milli umferðarhraða og fleiri slysa inni í borgum. Samgönguverkfræðingur kallar fullyrðingar bílablaðamanns Fréttablaðsins um það gagnstæða „þvælu“. Uppákoma í umferðinni sem blaðamaðurinn var sektaður fyrir í morgun sýni tilganginn með umferðarreglunum sem hann braut. Vísir sagði frá óánægju Finns Orra Thorlacius, bílablaðamanns Fréttablaðsins, með umferðarsekt sem hann fékk á Miklubrautinni í morgun. Finnur hafði þá ekið inn á forgangsakrein fyrir strætó, leigubíla og neyðarbíla vegna þess að hann var stopp inni á gatnamótunum við Kringlumýrarbraut vegna umferðarteppu á undan honum. Fékk hann 5.000 króna sekt ásamt ellefu öðrum ökumönnum. Í samtali við blaðamann Vísis í morgun var Finnur Orri ekki aðeins ósáttur við sérakreinar fyrir forgangsakstur heldur gagnrýndi hann það sem hann kallaði úrelt lög um hámarkshraða. Fullyrti hann að þar sem hámarkshraði hafi verið hækkaður hafi umferðarslysum fækkað. Lögin væru úrelt þar sem bæði vegakerfi og bílar væru orðnir betri.Ekki sama hraðbraut og stofnbraut inni í borg Enginn fótur er þó fyrir fullyrðingu bílablaðamannsins um tengsl hærri hámarkshraða og færri slysa við þær aðstæður sem eru á Miklubrautinni, að sögn Lilju Guðríðar Karlsdóttur, samgönguverkfræðings. Sambandið er í reynd þveröfugt. „Það er bara þvæla. Hann er ábyggilega vísa í að á hraðbrautum þar sem þú ert ekki með neitt annað, þó svo hraðinn sé meiri þá færðu ekki endilega meiri slys,“ segir hún. Því sé hins vegar ekki að heilsa á Miklubrautinni sem liggur í gegnum kjarna borgarinnar. Alveg sama hversu mikið öryggi bíla hafi aukist þá hafi engin breyting að ráði orðið á öryggi gangandi og hjólandi fólks. „Þú ert náttúrulega bara inni í borg. Það gildir ekki þar. Þar er bara beint samhengi á milli aukins hraða og fleiri slysa því þú ert náttúrulega með svo mikið annað. Þú ert með gangandi, hjólandi, strætó og allt mögulegt sem þú þarft að taka tillit til,“ að sögn Lilju Guðríðar. Hún bendir jafnframt á að þau slys sem verða á hraðbrautum verði enn alvarlegri þegar hraðinn eykst.Lilja Guðríður rekur ráðgjafarfyrirtækið Viaplan í samgöngumálum.ViaplanUmferðarlögin ekki bara til málamynda Varðandi aðstæðurnar á Miklubrautinni í morgun sem Finnur Orri telur að hafi neytt sig til þess að aka ólöglega inn á forgangsakreinina segir Lilja Guðrún að þær sýni fram á tilganginn með reglunum. Finnur Orri lýsti því svo að hann hafi verið þriðji eða fjórði bíll yfir gatnamótin þegar grænt ljós birtist. Vegna umferðarþungans handan gatnamótanna hafi hann ekki komist yfir þau áður en rauða ljósið birtist og bíll hans því stoppað umferð eftir Kringlumýrarbrautinni. Hann hafi því keyrt inn á sérakreinina til þess að liðka fyrir umferðinni. Lilja Guðríður telur Finn hafa með þessu brotið 25. grein umferðarlaga þar sem segir: „Á vegamótum, þar sem umferð er stjórnað með umferðarljósum, má ökumaður eigi aka inn á vegamótin á grænu ljósi, ef honum má vera ljóst af aðstæðum í umferðinni, að hann muni eigi komast yfir vegamótin, áður en grænt ljós kviknar fyrir umferð úr þverstæðri átt.“ Eftir að hafa brotið þá reglu og komið sér í klípu á gatnamótunum fyrir vikið segir Lilja Guðríður að blaðamaðurinn hafi brotið 13. greinina sem kveður á um að ökumenn skuli nota þá akrein sem ökutæki þeirra sé ætluð þar sem sérstakar reinar séu fyrir mismunandi ökutæki. „Umferðarlög eru ekki eitthvað sem er sett til málamynda og gilda bara þegar hentar. Þetta eru lög og okkur ber að fylgja þeim. Ástæðan fyrir því að þessi lög eru sett koma mjög skýrt fram í [tilfelli] Finns: ekki blokka gatnamót því þá býrðu til ennþá meiri umferðarhnút og ekki nota sérakrein því þá blokkarðu fyrir umferð farartækja með mikið meira af fólki innanborðs en þú einn í þínum bíl,“ segir Lilja Guðríður.Finnur Orri Thorlacius virðist hafa brotið gegn tveimur greinum umferðarlaga í morgun. Hann sagði að honum hafi verið það einn kostur nauðugur.Vísir Samgöngur Tengdar fréttir Bílasérfræðingur Fréttablaðsins gripinn af umferðarlögreglu Finnur Orri Thorlacius segir engan leik annan hafa verið í stöðunni, hann þurfti að höggva á umferðarhnút. 18. apríl 2018 13:50 Mest lesið „Lífið heldur áfram eftir svona áfall“ Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Halla Hrund eigi langt í land með að tryggja sér embættið Innlent Sú sem var oftast nefnd ekki ein af fjórum efstu í könnunum Innlent Hvernig ætlar ríkið að sækja milljónirnar 360 sem Haraldur gaf? Innlent Hefur ekki áhuga á slúðurfréttum af öðrum frambjóðendum Innlent Ríflega fjörutíu prósent líst illa á Katrínu Innlent Forsetavaktin 2024: Hver verður sjöundi forseti lýðveldisins? Innlent Varaforsetaefni í bobba vegna hundsdráps og meints fundar með Kim Erlent Fleiri fréttir Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Sjá meira
Beint samhengi er á milli umferðarhraða og fleiri slysa inni í borgum. Samgönguverkfræðingur kallar fullyrðingar bílablaðamanns Fréttablaðsins um það gagnstæða „þvælu“. Uppákoma í umferðinni sem blaðamaðurinn var sektaður fyrir í morgun sýni tilganginn með umferðarreglunum sem hann braut. Vísir sagði frá óánægju Finns Orra Thorlacius, bílablaðamanns Fréttablaðsins, með umferðarsekt sem hann fékk á Miklubrautinni í morgun. Finnur hafði þá ekið inn á forgangsakrein fyrir strætó, leigubíla og neyðarbíla vegna þess að hann var stopp inni á gatnamótunum við Kringlumýrarbraut vegna umferðarteppu á undan honum. Fékk hann 5.000 króna sekt ásamt ellefu öðrum ökumönnum. Í samtali við blaðamann Vísis í morgun var Finnur Orri ekki aðeins ósáttur við sérakreinar fyrir forgangsakstur heldur gagnrýndi hann það sem hann kallaði úrelt lög um hámarkshraða. Fullyrti hann að þar sem hámarkshraði hafi verið hækkaður hafi umferðarslysum fækkað. Lögin væru úrelt þar sem bæði vegakerfi og bílar væru orðnir betri.Ekki sama hraðbraut og stofnbraut inni í borg Enginn fótur er þó fyrir fullyrðingu bílablaðamannsins um tengsl hærri hámarkshraða og færri slysa við þær aðstæður sem eru á Miklubrautinni, að sögn Lilju Guðríðar Karlsdóttur, samgönguverkfræðings. Sambandið er í reynd þveröfugt. „Það er bara þvæla. Hann er ábyggilega vísa í að á hraðbrautum þar sem þú ert ekki með neitt annað, þó svo hraðinn sé meiri þá færðu ekki endilega meiri slys,“ segir hún. Því sé hins vegar ekki að heilsa á Miklubrautinni sem liggur í gegnum kjarna borgarinnar. Alveg sama hversu mikið öryggi bíla hafi aukist þá hafi engin breyting að ráði orðið á öryggi gangandi og hjólandi fólks. „Þú ert náttúrulega bara inni í borg. Það gildir ekki þar. Þar er bara beint samhengi á milli aukins hraða og fleiri slysa því þú ert náttúrulega með svo mikið annað. Þú ert með gangandi, hjólandi, strætó og allt mögulegt sem þú þarft að taka tillit til,“ að sögn Lilju Guðríðar. Hún bendir jafnframt á að þau slys sem verða á hraðbrautum verði enn alvarlegri þegar hraðinn eykst.Lilja Guðríður rekur ráðgjafarfyrirtækið Viaplan í samgöngumálum.ViaplanUmferðarlögin ekki bara til málamynda Varðandi aðstæðurnar á Miklubrautinni í morgun sem Finnur Orri telur að hafi neytt sig til þess að aka ólöglega inn á forgangsakreinina segir Lilja Guðrún að þær sýni fram á tilganginn með reglunum. Finnur Orri lýsti því svo að hann hafi verið þriðji eða fjórði bíll yfir gatnamótin þegar grænt ljós birtist. Vegna umferðarþungans handan gatnamótanna hafi hann ekki komist yfir þau áður en rauða ljósið birtist og bíll hans því stoppað umferð eftir Kringlumýrarbrautinni. Hann hafi því keyrt inn á sérakreinina til þess að liðka fyrir umferðinni. Lilja Guðríður telur Finn hafa með þessu brotið 25. grein umferðarlaga þar sem segir: „Á vegamótum, þar sem umferð er stjórnað með umferðarljósum, má ökumaður eigi aka inn á vegamótin á grænu ljósi, ef honum má vera ljóst af aðstæðum í umferðinni, að hann muni eigi komast yfir vegamótin, áður en grænt ljós kviknar fyrir umferð úr þverstæðri átt.“ Eftir að hafa brotið þá reglu og komið sér í klípu á gatnamótunum fyrir vikið segir Lilja Guðríður að blaðamaðurinn hafi brotið 13. greinina sem kveður á um að ökumenn skuli nota þá akrein sem ökutæki þeirra sé ætluð þar sem sérstakar reinar séu fyrir mismunandi ökutæki. „Umferðarlög eru ekki eitthvað sem er sett til málamynda og gilda bara þegar hentar. Þetta eru lög og okkur ber að fylgja þeim. Ástæðan fyrir því að þessi lög eru sett koma mjög skýrt fram í [tilfelli] Finns: ekki blokka gatnamót því þá býrðu til ennþá meiri umferðarhnút og ekki nota sérakrein því þá blokkarðu fyrir umferð farartækja með mikið meira af fólki innanborðs en þú einn í þínum bíl,“ segir Lilja Guðríður.Finnur Orri Thorlacius virðist hafa brotið gegn tveimur greinum umferðarlaga í morgun. Hann sagði að honum hafi verið það einn kostur nauðugur.Vísir
Samgöngur Tengdar fréttir Bílasérfræðingur Fréttablaðsins gripinn af umferðarlögreglu Finnur Orri Thorlacius segir engan leik annan hafa verið í stöðunni, hann þurfti að höggva á umferðarhnút. 18. apríl 2018 13:50 Mest lesið „Lífið heldur áfram eftir svona áfall“ Innlent „Skrímsladeildin“ hafi skorið upp herör gegn mótframbjóðendum Katrínar Innlent Sló til starfsmanns og beit viðskiptavin Innlent Halla Hrund eigi langt í land með að tryggja sér embættið Innlent Sú sem var oftast nefnd ekki ein af fjórum efstu í könnunum Innlent Hvernig ætlar ríkið að sækja milljónirnar 360 sem Haraldur gaf? Innlent Hefur ekki áhuga á slúðurfréttum af öðrum frambjóðendum Innlent Ríflega fjörutíu prósent líst illa á Katrínu Innlent Forsetavaktin 2024: Hver verður sjöundi forseti lýðveldisins? Innlent Varaforsetaefni í bobba vegna hundsdráps og meints fundar með Kim Erlent Fleiri fréttir Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Sjá meira
Bílasérfræðingur Fréttablaðsins gripinn af umferðarlögreglu Finnur Orri Thorlacius segir engan leik annan hafa verið í stöðunni, hann þurfti að höggva á umferðarhnút. 18. apríl 2018 13:50