Bílasérfræðingur Fréttablaðsins gripinn af umferðarlögreglu Jakob Bjarnar skrifar 18. apríl 2018 13:50 Finnur Orri Thorlacius segir engan leik annan hafa verið í stöðunni, hann þurfti að höggva á umferðarhnút. Finnur Orri Thorlacius, bílablaðamaður Fréttablaðsins með meiru, var gripinn glóðvolgur í morgun af umferðarlögreglunni. Og sektaður fyrir að hafa brotið lög um akstursreinar. Finnur, sem hlýtur að teljast einn helsti sérfræðingur landsins um umferðarmál, segist í samtali við Vísi, ekki hafa átt neinn kost annan í stöðunni. Hann var að höggva á umferðarhnút. Og það sem meira er, lögregluþjóninn sem greip hann, var honum hjartanlega sammála. Að sögn Finns. Lögreglan sendi frá sér svohljóðandi tilkynningu fyrir stundu: „Í morgun voru 12 ökumenn kærðir fyrir að nota strætóakreinar – en þær akreinar eru bara fyrir ökutæki sem hópferðaleyfi. Þessir ökumenn mega prísa sig sæla að hafa fengið sektina nú en ekki síðar, en sektin mun hækka eftir nokkra daga í 20 þúsund krónur.“Finnur sleppur með fimm þúsund króna sekt Finnur var sem sagt einn af þeim. Hann sleppur með fimm þúsund króna sekt, 3.750 krónur ef hann borgar innan þriggja daga. Sem áður sagði, einhver má heita sérfróður í akstri og ökutækjum er það einmitt Finnur Thorlacius.Hvernig má þetta vera, að hann af öllum mönnum hafi verið gripinn af umferðarlöggunni? „Ég er með mjög einfalda skýringu á þessu. Og hún er sú að þegar ég kom yfir Kringlumýrarbraut/Miklabraut, sem eru umferðarþyngstu gatnamót landsins, þá var ég þriðji fjórði bíll að fara yfir á grænu ljósi. En, ég verð síðan stopp, vegna umferðarinnar og er fyrir umferðinni sem er að fara úr norðri til suðurs Kringlumýrarbraut,“ segir Finnur og lýsir hinni þröngu stöðu. En, þetta er skömmu fyrir klukkan níu í morgun.Löggan sammála Finni Finnur heldur áfram að lýsa aðstæðum: „Það verður til þess að ég sé mér bara einn leik á borði sem er að nota einu akreinina sem laus var og var þá búinn að sannfæra sjálfan mig um að hún væri algerlega auð fram að horninu hér í Skaftahlíð.“ Finnur segist hafa tjáð löggunni það að hann vonaðist til að sem flestir ökumenn gerðu nákvæmlega þetta sem hann gerði, þrátt fyrir að mega við það heita brotlegir við umferðarlögin.Finnur Orri er einn þekktasti bílasérfræðingur landsins en hann var meðal annars annar umsjónarmanna bílaþáttarins Á fullu gazi.„Því vandinn er sá að það er algjör tappi milli Lönguhlíðar og Kringlumýrarbrautar, frá átta til níu, jafnvel fyrr. Ég hef brotið þetta mörgum sinnum, og það er einföld skýring á því: ég verð að gera það til að liðka fyrir umferð. Auk þess sem ég er ekki að stefna neinum í hættu. Ef einhvern tíma er hægt að nota frasann nauðsyn brýtur lög þá er það í þessu tilfelli. Ég var fyrir. Aðrir ökumenn komust ekki áfram vegna mín, þó var ég einn sá fyrsti yfir ljósin. Það er allt fast.“Skotleyfi löggunnar á almenna ökumenn Almennt segir Finnur umferðarlög mörg hver ekki í neinu samræmi við nútímann og honum finnst sem verið sé að gefa út skotleyfi á ökumenn af trénuðum og hræddum pólitíkusum og embættismönnum. „Mér finnst það dapurt fyrirkomulag, getur vel verið að réttlætanlegt sé að vera með sérakreinar fyrir forgangsakstur, en þó finnst mér undarlegt að leigubílsstjórar skuli njóta einhverra fríðinda umfram almenna umferð, það skýtur skökku við, og rútur líka. Mér finnst verið að brjóta á almenningi og það þarf að finna lausn á þessum umferðarvanda sem er gríðarlega slæmur hér og þarf að finna lausn á þeim vanda sem fylgir umferð um þessi Kringlumýrarbraut/Miklubraut-umferðarljós. Þau bera þetta ekki og teppurnar eru í allar höfuðáttir.“Úrelt lög um hámarkshraða Finnur hefur stúderað akstur og ökutæki og lesið sig til um umferðarmál árum saman. Hann nefnir sem dæmi úrelt lög um hámarkshraða. Bæði vegna betra vegakerfis og betri ökutækja. Sem hann segir víða fáránleg og þannig að þau ali á óvirðingu fyrir þeim lögum sem eiga fullan rétt á sér. Finnur segir að þegar fyrir liggi að 70 prósent ökumanna brjóti lög, til dæmis um hámarkshraða, þá sé ljóst að lögin eru ekki að þjóna tilgangi sínum. Og, þar sem hámarkshraði hafi verið aukinn þá hafi umferðarslysum fækkað. Ástæðan sé sú að þegar ökumenn eru neyddir til að aka of hægt þá missi þeir einbeitingu við aksturinn. Samgöngur Mest lesið Loka aftur fyrir umferð á slóðum Vítisengla Innlent Rak frá Bretlandi til Íslands á einum mánuði Innlent „Það verður boðið fram í nafni VG“ Innlent Ellilífeyrisþegar sá hópur sem hafi það einna best Innlent Rándýr og stórbrotin afmæli hitta ekki í mark hjá krökkunum Innlent Bátur sekkur við Hafnarfjarðarhöfn Innlent „Þjóðaröryggisráð er ekki upp á punt“ Innlent Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Aftur flagnar Vesturbæjarlaug: „Eins og hún sé með skallablett“ Innlent Fleiri fréttir „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Sjá meira
Finnur Orri Thorlacius, bílablaðamaður Fréttablaðsins með meiru, var gripinn glóðvolgur í morgun af umferðarlögreglunni. Og sektaður fyrir að hafa brotið lög um akstursreinar. Finnur, sem hlýtur að teljast einn helsti sérfræðingur landsins um umferðarmál, segist í samtali við Vísi, ekki hafa átt neinn kost annan í stöðunni. Hann var að höggva á umferðarhnút. Og það sem meira er, lögregluþjóninn sem greip hann, var honum hjartanlega sammála. Að sögn Finns. Lögreglan sendi frá sér svohljóðandi tilkynningu fyrir stundu: „Í morgun voru 12 ökumenn kærðir fyrir að nota strætóakreinar – en þær akreinar eru bara fyrir ökutæki sem hópferðaleyfi. Þessir ökumenn mega prísa sig sæla að hafa fengið sektina nú en ekki síðar, en sektin mun hækka eftir nokkra daga í 20 þúsund krónur.“Finnur sleppur með fimm þúsund króna sekt Finnur var sem sagt einn af þeim. Hann sleppur með fimm þúsund króna sekt, 3.750 krónur ef hann borgar innan þriggja daga. Sem áður sagði, einhver má heita sérfróður í akstri og ökutækjum er það einmitt Finnur Thorlacius.Hvernig má þetta vera, að hann af öllum mönnum hafi verið gripinn af umferðarlöggunni? „Ég er með mjög einfalda skýringu á þessu. Og hún er sú að þegar ég kom yfir Kringlumýrarbraut/Miklabraut, sem eru umferðarþyngstu gatnamót landsins, þá var ég þriðji fjórði bíll að fara yfir á grænu ljósi. En, ég verð síðan stopp, vegna umferðarinnar og er fyrir umferðinni sem er að fara úr norðri til suðurs Kringlumýrarbraut,“ segir Finnur og lýsir hinni þröngu stöðu. En, þetta er skömmu fyrir klukkan níu í morgun.Löggan sammála Finni Finnur heldur áfram að lýsa aðstæðum: „Það verður til þess að ég sé mér bara einn leik á borði sem er að nota einu akreinina sem laus var og var þá búinn að sannfæra sjálfan mig um að hún væri algerlega auð fram að horninu hér í Skaftahlíð.“ Finnur segist hafa tjáð löggunni það að hann vonaðist til að sem flestir ökumenn gerðu nákvæmlega þetta sem hann gerði, þrátt fyrir að mega við það heita brotlegir við umferðarlögin.Finnur Orri er einn þekktasti bílasérfræðingur landsins en hann var meðal annars annar umsjónarmanna bílaþáttarins Á fullu gazi.„Því vandinn er sá að það er algjör tappi milli Lönguhlíðar og Kringlumýrarbrautar, frá átta til níu, jafnvel fyrr. Ég hef brotið þetta mörgum sinnum, og það er einföld skýring á því: ég verð að gera það til að liðka fyrir umferð. Auk þess sem ég er ekki að stefna neinum í hættu. Ef einhvern tíma er hægt að nota frasann nauðsyn brýtur lög þá er það í þessu tilfelli. Ég var fyrir. Aðrir ökumenn komust ekki áfram vegna mín, þó var ég einn sá fyrsti yfir ljósin. Það er allt fast.“Skotleyfi löggunnar á almenna ökumenn Almennt segir Finnur umferðarlög mörg hver ekki í neinu samræmi við nútímann og honum finnst sem verið sé að gefa út skotleyfi á ökumenn af trénuðum og hræddum pólitíkusum og embættismönnum. „Mér finnst það dapurt fyrirkomulag, getur vel verið að réttlætanlegt sé að vera með sérakreinar fyrir forgangsakstur, en þó finnst mér undarlegt að leigubílsstjórar skuli njóta einhverra fríðinda umfram almenna umferð, það skýtur skökku við, og rútur líka. Mér finnst verið að brjóta á almenningi og það þarf að finna lausn á þessum umferðarvanda sem er gríðarlega slæmur hér og þarf að finna lausn á þeim vanda sem fylgir umferð um þessi Kringlumýrarbraut/Miklubraut-umferðarljós. Þau bera þetta ekki og teppurnar eru í allar höfuðáttir.“Úrelt lög um hámarkshraða Finnur hefur stúderað akstur og ökutæki og lesið sig til um umferðarmál árum saman. Hann nefnir sem dæmi úrelt lög um hámarkshraða. Bæði vegna betra vegakerfis og betri ökutækja. Sem hann segir víða fáránleg og þannig að þau ali á óvirðingu fyrir þeim lögum sem eiga fullan rétt á sér. Finnur segir að þegar fyrir liggi að 70 prósent ökumanna brjóti lög, til dæmis um hámarkshraða, þá sé ljóst að lögin eru ekki að þjóna tilgangi sínum. Og, þar sem hámarkshraði hafi verið aukinn þá hafi umferðarslysum fækkað. Ástæðan sé sú að þegar ökumenn eru neyddir til að aka of hægt þá missi þeir einbeitingu við aksturinn.
Samgöngur Mest lesið Loka aftur fyrir umferð á slóðum Vítisengla Innlent Rak frá Bretlandi til Íslands á einum mánuði Innlent „Það verður boðið fram í nafni VG“ Innlent Ellilífeyrisþegar sá hópur sem hafi það einna best Innlent Rándýr og stórbrotin afmæli hitta ekki í mark hjá krökkunum Innlent Bátur sekkur við Hafnarfjarðarhöfn Innlent „Þjóðaröryggisráð er ekki upp á punt“ Innlent Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Aftur flagnar Vesturbæjarlaug: „Eins og hún sé með skallablett“ Innlent Fleiri fréttir „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Sjá meira