Venus skemmdi endurkomu Serenu

Systurnar Venus og Serena Williams mættust í nótt á Indian Wells. Þetta er fyrsta mót Serenu eftir að hún eignaðist barn fyrir hálfu ári síðan.

Serena á skiljanlega nokkuð í land með að ná fyrri styrk og það sýndi sig í nótt því stóra systir pakkaði henni saman, 6-3 og 6-4.

„Ég á langt í land og þetta var augljóslega ekki auðvelt,“ sagði Serena en hún lagði Venus í úrslitum Opna ástralska mótsins á síðasta ári er hún var ólétt.

Þetta var 29. viðureign systranna á ferlinum og er Serena enn yfir, 17-12.