Conor kominn með keppnisbúnaðinn og segist vera tilbúinn í stríð

Það er fjör í nýjasta upphitunarþættinum fyrir UFC 229. Þá mætir Conor McGregor á Rolls Royce á æfingu og sækir einnig keppnisbúnaðinn fyrir stóra kvöldið.

Þjálfari Conors, John Kavanagh, segir að það séu sífelldir endurtekningar á æfingum og lofar því að boxið hans sé betra en síðast. Hann hafi lært það mikið af Mayweather-bardaganum.

Khabib Nurmagomedov fer í myndatöku fyrir kvöldið og fær einnig gefins skartgripi.

Einnig er kíkt í heimsókn til þungavigtarkappanna sem berjast um kvöldið og Tony Ferguson skellir sér í ljós. Eðlilega.