Logi Geirs býður Hauki hálfa milljón fyrir umboðssamning

Selfyssingurinn Haukur Þrastarsson spilaði sinn fyrsta landsleik með A-landsliði Íslands í handbolta í dag þegar Ísland tapaði fyrir Noregi í Gulldeildinni.

Haukur byrjaði landsliðsferilinn svo sannarlega með krafti, skoraði þrjú mörk og átti laglega stoðsendingu á Arnar Frey Arnarsson.

Þessi frábæra innkoma Hauks fór ekki framhjá handboltaáhugamönnum á Íslandi og hafa menn skiptst á að lofa hann á samfélagsmiðlum. Þar á meðal er silfurdrengurinn Logi Geirsson.

Er barnið að skora 2 mörk aðeins 16 ára. Fyrsta A-Landsleik í jöfnum leik á móti “Top 6” Landsliðum í heiminum. Þessi gæji er svakalegur. Haukur Þrastarson, leggið þetta á minnið, gæti orðið næsti Karabatic.

— Logi Geirsson (@logigeirsson) April 5, 2018

Logi ber þarna Hauk saman við Nikola Karabatic, mann sem hefur verið af mörgum talinn einn besti handboltamaður heims síðasta áratuginn.

Hann gekk svo enn lengra og bauð Hauki hálfa milljón íslenskra króna ef hann semur undir umboðsmannasamning við Loga fyrir miðnætti í kvöld.

btw þetta er ekki grín!

— Logi Geirsson (@logigeirsson) April 5, 2018