Topp 5 listi Sebastians: Léttast að lesa þessa

Seinni bylgjan klikkaði ekki á því að bjóða upp á topp fimm lista í þætti sínum í gærkvöldi og að þessi sinni var komið að Sebastian Alexanderssyni. Topp fimm listinn er fastagestur í Seinni bylgjunni.

Tómas Þór Þórðarson, umsjónarmaður Seinni bylgjunnar, hefur í vetur fengið sérfræðinga sína til að setja saman allskonar topp fimm lista en hann ákvað að fara aðeins öðruvísi að málum þegar hann kallaði á Sebastian Alexandersson.

Í stað þessa að tala um erfiðustu eða bestu menn þá fékk Sebastian Alexandersson það verkefni að velja léttustu skotmennina sem hann glímdi við á sínum tíma og eru ennþá að spila í Olís deild karla.

Sebastian Alexandersson var frábær markvörður sem spilaði lengi í úrvalsdeildinni. Hann þekkir því vel til þegar kemur að því að lesa veikleika skotmanna deildarinnar.

Sebastian Alexandersson setti skóna upp á hillu árið 2013 og hann tók það fram að þessir „léttu“ mótherjar hans hefði elflaust þroskast og bætt sig sem leikmenn á þessum fimm árum. Listinn er aftur á móti frá hans tíma í deildinni.

Það má finna allan topp fimm listann hjá Sebastian hér fyrir neðan.