Elvar æfir með Stuttgart

Elvar Ásgeirsson, leikmaður Aftureldingar í Olísdeild karla, mun æfa með þýska liðinu Stuttgart á næstu dögum.

Samkvæmt heimildum íþróttadeildar fer Elvar í þessari viku í skoðun hjá Stuttgart og mun æfa með liðinu.

Elvar hefur farið vel af stað með Aftureldingu á tímabilinu og er með 40 mörk í fyrstu sjö leikjunum. Elvar er fæddur árið 1994, uppalinn hjá Aftureldingu og hefur spilað með liðinu allan sinn feril. 

Stuttgart er í 10. sæti þýsku Bundesligunnar eftir 11 leiki.