Dagur nánast búinn að velja HM-hópinn

Dagur Sigurðsson, þjálfari þýska karlalandsliðsins í handbolta, er búinn að velja leikmannahópinn sem fer á HM í Frakklandi sem hefst á miðvikudaginn.

Dagur ætlar reyndar að halda einu sæti opnu fram að fyrsta leik Þýskalands sem er gegn Ungverjalandi á föstudaginn.

Þeir Philipp Weber, Erik Schmidt og Jens Schöngarth keppast um þetta eina lausa sæti og þá er reynsluboltinn Holger Glandorf einnig til taks.

Uwe Gensheimer fer ekki með þýska liðinu til Frakklands en faðir hans lést í gær. Gensheimer lék ekki með þýska liðinu í stórsigrinum á Austurríki í kvöld. Eftir leikinn sagði Dagur að Gensheimer kæmi aftur til móts við þýska liðið þegar hann vildi.

Þýskaland er í riðli með Króatíu, Hvíta-Rússlandi, Ungverjalandi, Síle og Sádí-Arabíu á HM.

Þýski hópurinn er þannig skipaður:

Markverðir:

Andreas Wolff, Kiel

Silvio Heinevetter, Füchse Berlin

Vinstra horn:

Uwe Gensheimer, PSG

Rune Dahmke, Kiel

Hægra horn:

Tobias Reichmann, Kielce

Patrick Groetzki, Rhein-Neckar Löwen

Vinstri skyttur:

Julius Kühn, Gummersbach

Paul Drux, Füchse Berlin

Finn Lemke, Magdeburg

Hægri skytta:

Kai Häfner, Hannover-Burgdorf

Miðjumenn:

Steffen Fäth, Füchse Berlin

Niclas Pieczkowski, Leipzig

Simon Ernst, Gummersbach

Línumenn:

Patrick Wiencek, Kiel

Jannik Kohlbacher, Wetzlar