Athugasemd send til HSÍ: „Fokkaðu þér, Óskar"

ÍBV er komið með yfirhöndina í einvíginu gegn Val í Olís-deild karla eftir öruggan sigur í Vestmannaeyjum en leikurinn fór 29-21.

Þessi lið mættust á dögunum og þá sauða allt gjörsamlega uppúr og sagði til að mynda Arnar Pétursson, þjálfari ÍBV, „fokkaðu þér“ við Óskar Bjarna Óskarsson, þjálfara Vals, eins og fjallað var um á Vísi.

Sjá einnig:Arnar: Hagaði mér eins og tíu ára krakki í tíu sekúndur

Eftir leikinn í dag gáfu dómararnir út sérstaka skýrslu þar sem þeir gerðu athugasemd við stuðningsmenn ÍBV en í skýrslunni segir: „Athugasemd vegna framkomu stuðningsmanna ÍBV í garð þjálfara Vals á meðan leik stóð send á HSÍ.“

Blaðamaður Vísis sem staddur var á leiknum segir að stuðningsmennirnir hafi kallað „Fokkaður þér, Óskar“ og um það snýst málið.

Sjá einnig: „Fokkaðu þér“

„Það er allt komið í gott mál. Hann var að verja sinn leikmann og við aðeins að takast á sem við höfum gert síðan við vorum 13-14 ára og orðið rólegir strax á eftir,“ segir Óskar Bjarni í samtali við Smára Jökul Jónsson, blaðamann Vísis, eftir leikinn.

„Helst viljum við ekkert vera að ræða þetta heldur leyfa leikmönnum að eiga sviðið. Strax eftir leikinn um daginn var þetta ekkert vandamál.“

Óskar segist hafa húmor fyrir þessu.

„Eyjamenn voru eitthvað að kalla í dag og blessaður vertu, ég hef húmor fyrir þessu. Þetta er skemmtilegur þjóðflokkur hérna og yndislegt fólk. Við þurfum bara að koma hérna aftur því það er svo hrikalega gaman að vera hérna.“