María stendur við bakið á pabba sínum: Fyrir mér ertu alltaf konungurinn

María Þórisdóttir, landsliðskona Noregs og leikmaður Chelsea í knattspyrnu, sendi pabba sínum kveðju eftir að norska kvennalandsliðið þurfti að sætta sig við silfur á HM í handbolta.

Undir stjórn Þóris hefur norska landsliðið sankað að sér verðlaunum og en hann hefur stýrt því til sigurs á HM, EM og Ólympíuleikunum.

Noregur þurfti að horfa á eftir gullverðlaununum til Frakklands í dag eftir 20-22 tap í Þýskalandi en Noregur hafði titil að verja á mótinu.

Fyrir vikið er mikil pressa á honum fyrir hvert mót og virðist hann hafa sett sjálfur pressu á sjálfan sig fyrir mótið er marka má skrif Maríu á Twitter rétt í þessu. Segir hún:

„Á hverju ári segir þú annað hvort kem ég heim sem hálfviti eða konungur. Fyrir mér ertu alltaf konungur. Til hamingju með silfrið og góða ferð heim.“