Jarðgeranlegar umbúðir, bylting fyrir náttúruna Karl F. Thorarensen skrifar 27. febrúar 2017 07:00 Í dag fer mjög lítill hluti af öllu plasti sem fellur til á heimilum á höfuðborgarsvæðinu í endurvinnslufarveg. Hluti af plastúrgangi sem fellur til á heimilum eru einnota umbúðir utan af tilbúnum matvælum og ferskvöru eins og grænmeti, fiski og kjöti. Kannanir sýna að þessar einnota umbúðir enda oftar en ekki í heimilissorpinu og urðun, í stað þess að vera nýtt til endurvinnslu. Við hjá Odda ætlum að leggja okkar af mörkum til að breyta þessu með því að bjóða íslenskum neytendum, framleiðendum og söluaðilum upp á jarðgeranlegar umbúðir sem eru jákvæðar gagnvart umhverfinu, eru framleiddar úr náttúrulegum jurtaefnum og brotna því hratt og vel niður við góð skilyrði líkt og annar lífrænn úrgangur. Jarðgeranlegt þýðir að þegar umbúðirnar brotna niður verða þær aftur að mold, þær jarðgerast og verða hluti af umhverfinu í eðlilegri hringrás náttúrunnar. Jarðgeranlegu PLA umbúðirnar eru nýung á Íslandi og geta leyst af hólmi flestar af þeim einnota neytendaumbúðum sem við notum í viku hverri. Þar má t.d. nefna einnota kaffiglös, umbúðir um samlokur, salöt og önnur tilbúin matvæli og ílát fyrir ferska innlenda framleiðslu eins og grænmeti, fisk og kjöt. Hér skiptir kolefnissporið einnig miklu máli, en Oddi vill minnka eins og hægt er kolefnisspor framleiðslu og innflutningsvara fyrirtækisins. Hér verður munurinn áþreifanlegur þar sem allt að 60% minni orku þarf til að framleiða einnota jarðgeranlegar PLA vörur en sambærilegar plastvörur og þær eru því mun jákvæðari gagnvart loftslaginu og markmiðum um lægri kolefnislosun en þær einnota umbúðir sem eru almennt nýttar á Íslandi í dag.Hvers vegna jarðgeranlegar umbúðir? Við búum í samfélagi sem notar gríðarmikið af umbúðum. Góðar umbúðir tryggja örugga meðferð, geymslu, flutninga og afhendingu á vörum. Þær veita neytendum mikilvægar upplýsingar um innihald og tryggja að varan komist eins fersk og hægt er í hendur neytenda. Þar sem við nýtum mikið af umbúðum verðum við að gera það á eins ábyrgan hátt og okkur er unnt. Góðar umbúðir verður að hanna á ábyrgan hátt og ætíð verður að vinna markvisst að því að lágmarka sóun og neikvæð umhverfisáhrif þeirra. Jarðgeranlegar PLA umbúðir uppfylla þessi markmið mun betur en aðrar einnota umbúðir sem nýttar eru í dag. Þær eru framleiddar úr jurtasterkju og brotna því eðlilega niður í náttúrunni og nýtast þar á ný. Munurinn er eftirtektarverður þar sem jarðgeranlegar umbúðir eyðast á nokkrum mánuðum við réttar náttúrulegar aðstæður. PLA umbúðir eiga ekki samleið með plasti eða plastumbúðum í endurvinnslu frekar en aðrar umbúðir úr sterkju, svo sem „maíspokar“. Á næsta ári ráðgerir SORPA að opna gas- og jarðgerðarstöð þar sem allur úrgangur frá heimilum á samlagssvæði SORPU verður unninn. Fjöldi sveitarfélaga á landsbyggðinni flokka nú þegar lífrænt sorp og leggja áherslu á jarðgerð í úrvinnslu á lífrænum úrgangi, en PLA umbúðir mega fara í þann farveg. Samspil þessara tveggja þátta, umbúðanna og úrvinnslu, þýðir að neytendur geta með góðri samvisku safnað jarðgeranlegum einnota umbúðum með matarafgöngum og lífrænu sorpi, hvort sem er í moltugerð eða urðun. Þannig leysa jarðgeranlegar umbúðir sem verða náttúrulega að moltu og áburði af hólmi umbúðir úr plastefnum. Möguleikarnir á betri umgengni um náttúruna og minni sóun og mengun af völdum umbúða eru því gríðarlegir ef við breytum nýtingu okkar á einnota umbúðum almennt frá plasti yfir í jarðgeranlegar umbúðir. Því er svo við að bæta að vörurnar eru framleiddar úr sykur- og maíssterkju sem fellur til sem hliðarafurð við matvælaframleiðsluna og framleiðsla þeirra hefur því engin neikvæð áhrif á landnýtingu eða matvælavinnslu að öðru leyti.Sýnum ábyrgð gagnvart náttúrunni Hjá Odda teljum við skyldu okkar að horfa til umhverfisþátta og áhrifa á náttúru og loftslag þegar við tökum ákvarðanir um það hvernig vöru við framleiðum og bjóðum neytendum og viðskiptavinum okkar. Við nálgumst öll viðfangsefni með því hugarfari að gera eins vel og mögulegt er gagnvart umhverfinu. Við höfum framleitt umbúðir á Íslandi í yfir 80 ár og nýtum þá þekkingu og reynslu til að bjóða viðskiptavinum og neytendum upp á bestu og umhverfisvænustu umbúðalausnir sem í boði eru. Með því að kynna jarðgeranlegar PLA umbúðir inn á íslenskan markað viljum við bjóða íslenskum neytendum, fyrirtækjum og framleiðendum að taka þátt í því með okkur að auka umhverfisvitund og minnka sóun og umhverfismengun sem fylgir þeim einnota umbúðum sem eru yfirgnæfandi nýttar í dag. Fjölnota umbúðir draga augljóslega úr sóun og rétt að hvetja til þess að þær séu nýttar þar sem það er hægt. Þar sem það hentar ekki eru jarðgeranlegar sterkjuumbúðir skynsamlegasti og umhverfisvænasti kosturinn. Það er sameiginlegur hagur okkar að sýna ábyrgð og framsýni gagnvart náttúrunni. Hvert lítið skref eykur líkurnar á því að við getum ánægð skilað heimkynnum okkar í hendur næstu kynslóðar. Viltu birta grein á Vísi? Sendu okkur póst. Senda grein Mest lesið Hatur og fyrirlitning Einar Scheving Skoðun Land míns föður, land minnar móður, landið mitt Jón Gnarr Skoðun Takk, Katrín Guðrún Hrefna Guðmundsdóttir Skoðun Yfirtaka orðræðunnar (e. hijacking) Sóley Tómasdóttir Skoðun Má Katrín Jakobsdóttir bjóða sig fram? Jón Ólafsson Skoðun Svona getum komið í veg fyrir að Katrín vinni Björn B. Björnsson Skoðun Að hitta hetjuna sína Gréta Kristín Ómarsdóttir Skoðun Dóttir mín – uppgjör eineltis Ragnheiður Harpa Sveinsdóttir Skoðun Persónan Katrín Jakobsdóttir Sólveig Hildur Björnsdóttir Skoðun Samherjar Hafþór Reynisson Skoðun Skoðun Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Skoðun Auðkenni þarf að passa upp á Eva Valdís Jóhönnudóttir skrifar Skoðun Auðlindir í almannaeigu – Halla Hrund Logadóttir 7. forseti Íslands Kristín Vala Ragnarsdóttir skrifar Skoðun Hver er besti skólastjórinn? Aðalheiður Björk Olgudóttir skrifar Skoðun Vofa húsagans býsnast enn Haukur Már Helgason skrifar Skoðun Nokkrar staðreyndir um Ísland, Katrínu og Gaza Álfheiður Ingadóttir skrifar Skoðun Til þeirra sem hyggjast kjósa Katrínu Jakobsdóttur Guðlaugur Bragason skrifar Skoðun Katrín og kvenhatrið Ólafur Sveinsson skrifar Skoðun Bessastaðir eru ekki fyrir byrjendur Þorbergur Þórsson skrifar Skoðun Ég vil Baldur og því kýs ég Baldur Ólafur Helgi M. Ólafsson / Starína skrifar Skoðun Inngönguspáin Eygló Halldórsdóttir skrifar Sjá meira
Í dag fer mjög lítill hluti af öllu plasti sem fellur til á heimilum á höfuðborgarsvæðinu í endurvinnslufarveg. Hluti af plastúrgangi sem fellur til á heimilum eru einnota umbúðir utan af tilbúnum matvælum og ferskvöru eins og grænmeti, fiski og kjöti. Kannanir sýna að þessar einnota umbúðir enda oftar en ekki í heimilissorpinu og urðun, í stað þess að vera nýtt til endurvinnslu. Við hjá Odda ætlum að leggja okkar af mörkum til að breyta þessu með því að bjóða íslenskum neytendum, framleiðendum og söluaðilum upp á jarðgeranlegar umbúðir sem eru jákvæðar gagnvart umhverfinu, eru framleiddar úr náttúrulegum jurtaefnum og brotna því hratt og vel niður við góð skilyrði líkt og annar lífrænn úrgangur. Jarðgeranlegt þýðir að þegar umbúðirnar brotna niður verða þær aftur að mold, þær jarðgerast og verða hluti af umhverfinu í eðlilegri hringrás náttúrunnar. Jarðgeranlegu PLA umbúðirnar eru nýung á Íslandi og geta leyst af hólmi flestar af þeim einnota neytendaumbúðum sem við notum í viku hverri. Þar má t.d. nefna einnota kaffiglös, umbúðir um samlokur, salöt og önnur tilbúin matvæli og ílát fyrir ferska innlenda framleiðslu eins og grænmeti, fisk og kjöt. Hér skiptir kolefnissporið einnig miklu máli, en Oddi vill minnka eins og hægt er kolefnisspor framleiðslu og innflutningsvara fyrirtækisins. Hér verður munurinn áþreifanlegur þar sem allt að 60% minni orku þarf til að framleiða einnota jarðgeranlegar PLA vörur en sambærilegar plastvörur og þær eru því mun jákvæðari gagnvart loftslaginu og markmiðum um lægri kolefnislosun en þær einnota umbúðir sem eru almennt nýttar á Íslandi í dag.Hvers vegna jarðgeranlegar umbúðir? Við búum í samfélagi sem notar gríðarmikið af umbúðum. Góðar umbúðir tryggja örugga meðferð, geymslu, flutninga og afhendingu á vörum. Þær veita neytendum mikilvægar upplýsingar um innihald og tryggja að varan komist eins fersk og hægt er í hendur neytenda. Þar sem við nýtum mikið af umbúðum verðum við að gera það á eins ábyrgan hátt og okkur er unnt. Góðar umbúðir verður að hanna á ábyrgan hátt og ætíð verður að vinna markvisst að því að lágmarka sóun og neikvæð umhverfisáhrif þeirra. Jarðgeranlegar PLA umbúðir uppfylla þessi markmið mun betur en aðrar einnota umbúðir sem nýttar eru í dag. Þær eru framleiddar úr jurtasterkju og brotna því eðlilega niður í náttúrunni og nýtast þar á ný. Munurinn er eftirtektarverður þar sem jarðgeranlegar umbúðir eyðast á nokkrum mánuðum við réttar náttúrulegar aðstæður. PLA umbúðir eiga ekki samleið með plasti eða plastumbúðum í endurvinnslu frekar en aðrar umbúðir úr sterkju, svo sem „maíspokar“. Á næsta ári ráðgerir SORPA að opna gas- og jarðgerðarstöð þar sem allur úrgangur frá heimilum á samlagssvæði SORPU verður unninn. Fjöldi sveitarfélaga á landsbyggðinni flokka nú þegar lífrænt sorp og leggja áherslu á jarðgerð í úrvinnslu á lífrænum úrgangi, en PLA umbúðir mega fara í þann farveg. Samspil þessara tveggja þátta, umbúðanna og úrvinnslu, þýðir að neytendur geta með góðri samvisku safnað jarðgeranlegum einnota umbúðum með matarafgöngum og lífrænu sorpi, hvort sem er í moltugerð eða urðun. Þannig leysa jarðgeranlegar umbúðir sem verða náttúrulega að moltu og áburði af hólmi umbúðir úr plastefnum. Möguleikarnir á betri umgengni um náttúruna og minni sóun og mengun af völdum umbúða eru því gríðarlegir ef við breytum nýtingu okkar á einnota umbúðum almennt frá plasti yfir í jarðgeranlegar umbúðir. Því er svo við að bæta að vörurnar eru framleiddar úr sykur- og maíssterkju sem fellur til sem hliðarafurð við matvælaframleiðsluna og framleiðsla þeirra hefur því engin neikvæð áhrif á landnýtingu eða matvælavinnslu að öðru leyti.Sýnum ábyrgð gagnvart náttúrunni Hjá Odda teljum við skyldu okkar að horfa til umhverfisþátta og áhrifa á náttúru og loftslag þegar við tökum ákvarðanir um það hvernig vöru við framleiðum og bjóðum neytendum og viðskiptavinum okkar. Við nálgumst öll viðfangsefni með því hugarfari að gera eins vel og mögulegt er gagnvart umhverfinu. Við höfum framleitt umbúðir á Íslandi í yfir 80 ár og nýtum þá þekkingu og reynslu til að bjóða viðskiptavinum og neytendum upp á bestu og umhverfisvænustu umbúðalausnir sem í boði eru. Með því að kynna jarðgeranlegar PLA umbúðir inn á íslenskan markað viljum við bjóða íslenskum neytendum, fyrirtækjum og framleiðendum að taka þátt í því með okkur að auka umhverfisvitund og minnka sóun og umhverfismengun sem fylgir þeim einnota umbúðum sem eru yfirgnæfandi nýttar í dag. Fjölnota umbúðir draga augljóslega úr sóun og rétt að hvetja til þess að þær séu nýttar þar sem það er hægt. Þar sem það hentar ekki eru jarðgeranlegar sterkjuumbúðir skynsamlegasti og umhverfisvænasti kosturinn. Það er sameiginlegur hagur okkar að sýna ábyrgð og framsýni gagnvart náttúrunni. Hvert lítið skref eykur líkurnar á því að við getum ánægð skilað heimkynnum okkar í hendur næstu kynslóðar.
Skoðun Auðlindir í almannaeigu – Halla Hrund Logadóttir 7. forseti Íslands Kristín Vala Ragnarsdóttir skrifar