Dónakallar og reiðar konur til vandræða Guðný Hrönn skrifar 28. mars 2017 09:30 Margrét Erla Maack hefur oft orðið fyrir áreitni í vinnunni. Vísir/Eyþór Að verða fyrir áreitni af ýmsu tagi er ömurlegur partur af starfi skemmtikrafta að sögn Margrétar Erlu Maack. Salka Sól sagði frá áreitni á Twitter um helgina og Margrét Erla hefur lent í svipuðu. Söngkonan Salka Sól Eyfeld var á laugardagskvöldið áreitt af gesti á árshátíð Icelandair sem fram fór í Laugardalshöll. Salka greindi frá áreitninni á Twitter og viðbrögðin létu ekki á sér standa enda virðast margir skemmtikraftar og fólk almennt hafa lent í álíka atvikum. Plötusnúðurinn og skemmtikrafturinn Margrét Erla Maack er ein þeirra. Margrét hefur starfað sem plötusnúður og skemmtikraftur í rúman áratug og snemma á ferlinum áttaði hún sig á að áreitni af ýmsum toga af hálfu drukkinna einstaklinga væri partur af starfinu. „Þetta er alveg helmingur af þeim giggum sem ég tek, þá lendi ég í einhvers konar káfi, áreitni eða óviðeigandi athugasemdum,“ segir Margrét.Kostar meira ef dónakall abbast upp á hana „Í langan tíma tók ég ekki plötusnúðagigg ein, ég fór sem sagt alltaf í fylgd með karlkyns plötusnúð,“ útskýrir Margrét. Hún segir það hafa verið bölvað vesen. „Já, það er vesen. Og maður fær auðvitað minna borgað því það þurfa tveir að deila laununum. En núna þegar ég er ráðin þá segi ég oft í gríni: „Ég kosta þetta en ef það kemur dónakall þá er það 30.000 krónur auka.“ Þá eru allir meðvitaðir um hver staðan er.“ Margrét segir algeng viðbrögð fólks við „dónaköllum“ eins og hún kýs að kalla þá að fólk reyni að þagga umræðuna niður. „Maður hefur oft lent í því að fólk segir: „Æi, hann er bara alltaf svona. Það vita það allir.“ Þannig að má hann þetta bara? Af því að allir vita það?“ spyr Margrét. Hún segir líklegast að um einhverja meðvirkni sé að ræða, þegar fólk bregst svona við. „Ég hef verið á samkomu þar sem hópur af stelpum var búinn að sammælast um að taka fimm mínútur af dónakallinum. Þannig að ef hann mætti þá myndu þær hjálpast að við að hafa ofan af honum, svo hann væri ekki að éta einhverja eina alveg upp. Í staðinn fyrir að stoppa hann bara alveg af og mögulega banna honum að mæta.“ Þess má geta að fyrir um tíu árum var Margrét Erla ráðin sem plötusnúður á árshátíð Icelandair og lenti þá í svipuðu atviki og Salka Sól um síðustu helgi. Það sem kom Margréti helst á óvart voru viðbrögð talsmanna fyrirtækisins þegar hún bloggaði um atvikið, án þess þó að nafngreina manninn sem áreitti hana. „Ég skrifaði á bloggið mitt eitthvað álíka: „Var að taka ógeðslega skemmtilegt gigg, allir í rosa stuði, en eins og gengur og gerist var einn dónakall sem var ógeðslega leiðinlegur og skemmdi fyrir öllum hinum.“ Þá fékk ég símtal frá Icelandair og mér var sagt að manneskja sem væri ráðin af fyrirtækinu ætti ekki að haga sér svona o.s.frv. Ég hélt náttúrulega að það væri verið að tala um hann. En svo áttaði ég á mig að það var verið að tala um mig. Mér var sagt að taka bloggfærsluna út og mér var hótað að ég yrði aldrei ráðin aftur. Ég vona heitt og innilega að Salka Sól fái afsökunarbeiðni, að hún fái ekki sama skít og ég fékk á sínum tíma.“Reiðar miðaldra konur líka vandamál Margrét Erla skrifaði á sínum tíma pistil um áreitni sem hún hefur orðið fyrir, m.a. í vinnunni sem skemmtikraftur. Margt fólk í svipaðri vinnu brást við og hafði svipaða sögu að segja. „Til dæmis, þegar maður er að dj-a, þá ertu fastur á bak við borð og kemst ekkert í burtu. Þú getur ekkert hlaupið í burtu og ákveðið að fara heim, því þú ert bara ráðin til klukkan eitthvað x,“ segir Margrét sem hefur orðið vör við að karlkyns skemmtikraftar verði líka fyrir áreitni í vinnunni.Reiðar konur verða oft á vegi Atla Viðars í starfi hans sem plötusnúður.Plötusnúðurinn Atli Viðar Þorsteinsson, gjarnan kallaður Atli Kanill, kannast við það. „Ég lendi sjaldnast í einhverju kynferðislegu, fyrir utan eina konu á Thorvaldsen sem kleif yfir pottaplöntu og upp á pall til að geta klipið í rassinn á mér,“ útskýrir Atli sem verður oftar fyrir barðinu á reiðum konum í vinnunni. „Á árshátíðum og fínni skemmtistöðum leynist oftar en ekki ein virkilega reið kona um fertugt. Þær eru fínt klæddar og þær krefjast þess að þú spilir öll lögin sem þær biðja um. Ef þú gerir það ekki þá verða þær reiðar, alveg svakalega reiðar og láta jafnvel fingur renna yfir háls eins og þær séu að fremja sjálfsmorð úr leiðindum. Ég var með um 250 manns dansandi um daginn, fullur salur, fyrir utan eina konu um fertugt sem öskraði á mig að spila eitthvað „mainstream“ sem allir fíla því það væri enginn að dansa. Lagið sem ég var að spila á þeim tímapunkti var 9 to 5 með Dolly Parton. Önnur sturlaðist af reiði þegar hún heyrði í Aron Can. Það komu tár.“ „Konurnar virðast frekar leyfa sér að verða reiðar við okkur karlkyns plötusnúðana, karlmennirnir láta sjaldnast á sér bera og þetta gerist aldrei á skemmtistöðum og samkomum yngra fólksins. Ég tek fram að langflestir gestir eru komnir til að skemmta sér og gera það af krafti, en það virðist alltaf leynast þessi eina reiða, fulla frænka í hópnum og þá er plötusnúðurinn hentugasta skotmarkið,“ segir Atli. Mest lesið Fer fótgangandi tæpa 800 kílómetra Lífið Skönnuðu Aldísi frá toppi til táar og gleymdu ekki tönnunum Lífið Millie Bobby Brown og sonur Bon Jovi orðin hjón Lífið Af vængjum fram: Ekki viss um að hann myndi þekkja lyktina af hassi Lífið Tónleikum Nicki Minaj aflýst vegna fíkniefnahandtöku Tónlist Forsetaáskorunin: Lærbraut sig út í móa og beið lengi eftir aðstoð Lífið Krakkatían: Ljón, líffæri og landafræði Lífið Sitt sýnist hverjum um nýja mynd af Katrínu Lífið Af vængjum fram: Borðaði vængi með hníf og gaffli og sagðist vera saddur Lífið Balti hélt að Pálmi myndi aldrei mæta Bíó og sjónvarp Fleiri fréttir Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Sjá meira
Að verða fyrir áreitni af ýmsu tagi er ömurlegur partur af starfi skemmtikrafta að sögn Margrétar Erlu Maack. Salka Sól sagði frá áreitni á Twitter um helgina og Margrét Erla hefur lent í svipuðu. Söngkonan Salka Sól Eyfeld var á laugardagskvöldið áreitt af gesti á árshátíð Icelandair sem fram fór í Laugardalshöll. Salka greindi frá áreitninni á Twitter og viðbrögðin létu ekki á sér standa enda virðast margir skemmtikraftar og fólk almennt hafa lent í álíka atvikum. Plötusnúðurinn og skemmtikrafturinn Margrét Erla Maack er ein þeirra. Margrét hefur starfað sem plötusnúður og skemmtikraftur í rúman áratug og snemma á ferlinum áttaði hún sig á að áreitni af ýmsum toga af hálfu drukkinna einstaklinga væri partur af starfinu. „Þetta er alveg helmingur af þeim giggum sem ég tek, þá lendi ég í einhvers konar káfi, áreitni eða óviðeigandi athugasemdum,“ segir Margrét.Kostar meira ef dónakall abbast upp á hana „Í langan tíma tók ég ekki plötusnúðagigg ein, ég fór sem sagt alltaf í fylgd með karlkyns plötusnúð,“ útskýrir Margrét. Hún segir það hafa verið bölvað vesen. „Já, það er vesen. Og maður fær auðvitað minna borgað því það þurfa tveir að deila laununum. En núna þegar ég er ráðin þá segi ég oft í gríni: „Ég kosta þetta en ef það kemur dónakall þá er það 30.000 krónur auka.“ Þá eru allir meðvitaðir um hver staðan er.“ Margrét segir algeng viðbrögð fólks við „dónaköllum“ eins og hún kýs að kalla þá að fólk reyni að þagga umræðuna niður. „Maður hefur oft lent í því að fólk segir: „Æi, hann er bara alltaf svona. Það vita það allir.“ Þannig að má hann þetta bara? Af því að allir vita það?“ spyr Margrét. Hún segir líklegast að um einhverja meðvirkni sé að ræða, þegar fólk bregst svona við. „Ég hef verið á samkomu þar sem hópur af stelpum var búinn að sammælast um að taka fimm mínútur af dónakallinum. Þannig að ef hann mætti þá myndu þær hjálpast að við að hafa ofan af honum, svo hann væri ekki að éta einhverja eina alveg upp. Í staðinn fyrir að stoppa hann bara alveg af og mögulega banna honum að mæta.“ Þess má geta að fyrir um tíu árum var Margrét Erla ráðin sem plötusnúður á árshátíð Icelandair og lenti þá í svipuðu atviki og Salka Sól um síðustu helgi. Það sem kom Margréti helst á óvart voru viðbrögð talsmanna fyrirtækisins þegar hún bloggaði um atvikið, án þess þó að nafngreina manninn sem áreitti hana. „Ég skrifaði á bloggið mitt eitthvað álíka: „Var að taka ógeðslega skemmtilegt gigg, allir í rosa stuði, en eins og gengur og gerist var einn dónakall sem var ógeðslega leiðinlegur og skemmdi fyrir öllum hinum.“ Þá fékk ég símtal frá Icelandair og mér var sagt að manneskja sem væri ráðin af fyrirtækinu ætti ekki að haga sér svona o.s.frv. Ég hélt náttúrulega að það væri verið að tala um hann. En svo áttaði ég á mig að það var verið að tala um mig. Mér var sagt að taka bloggfærsluna út og mér var hótað að ég yrði aldrei ráðin aftur. Ég vona heitt og innilega að Salka Sól fái afsökunarbeiðni, að hún fái ekki sama skít og ég fékk á sínum tíma.“Reiðar miðaldra konur líka vandamál Margrét Erla skrifaði á sínum tíma pistil um áreitni sem hún hefur orðið fyrir, m.a. í vinnunni sem skemmtikraftur. Margt fólk í svipaðri vinnu brást við og hafði svipaða sögu að segja. „Til dæmis, þegar maður er að dj-a, þá ertu fastur á bak við borð og kemst ekkert í burtu. Þú getur ekkert hlaupið í burtu og ákveðið að fara heim, því þú ert bara ráðin til klukkan eitthvað x,“ segir Margrét sem hefur orðið vör við að karlkyns skemmtikraftar verði líka fyrir áreitni í vinnunni.Reiðar konur verða oft á vegi Atla Viðars í starfi hans sem plötusnúður.Plötusnúðurinn Atli Viðar Þorsteinsson, gjarnan kallaður Atli Kanill, kannast við það. „Ég lendi sjaldnast í einhverju kynferðislegu, fyrir utan eina konu á Thorvaldsen sem kleif yfir pottaplöntu og upp á pall til að geta klipið í rassinn á mér,“ útskýrir Atli sem verður oftar fyrir barðinu á reiðum konum í vinnunni. „Á árshátíðum og fínni skemmtistöðum leynist oftar en ekki ein virkilega reið kona um fertugt. Þær eru fínt klæddar og þær krefjast þess að þú spilir öll lögin sem þær biðja um. Ef þú gerir það ekki þá verða þær reiðar, alveg svakalega reiðar og láta jafnvel fingur renna yfir háls eins og þær séu að fremja sjálfsmorð úr leiðindum. Ég var með um 250 manns dansandi um daginn, fullur salur, fyrir utan eina konu um fertugt sem öskraði á mig að spila eitthvað „mainstream“ sem allir fíla því það væri enginn að dansa. Lagið sem ég var að spila á þeim tímapunkti var 9 to 5 með Dolly Parton. Önnur sturlaðist af reiði þegar hún heyrði í Aron Can. Það komu tár.“ „Konurnar virðast frekar leyfa sér að verða reiðar við okkur karlkyns plötusnúðana, karlmennirnir láta sjaldnast á sér bera og þetta gerist aldrei á skemmtistöðum og samkomum yngra fólksins. Ég tek fram að langflestir gestir eru komnir til að skemmta sér og gera það af krafti, en það virðist alltaf leynast þessi eina reiða, fulla frænka í hópnum og þá er plötusnúðurinn hentugasta skotmarkið,“ segir Atli.
Mest lesið Fer fótgangandi tæpa 800 kílómetra Lífið Skönnuðu Aldísi frá toppi til táar og gleymdu ekki tönnunum Lífið Millie Bobby Brown og sonur Bon Jovi orðin hjón Lífið Af vængjum fram: Ekki viss um að hann myndi þekkja lyktina af hassi Lífið Tónleikum Nicki Minaj aflýst vegna fíkniefnahandtöku Tónlist Forsetaáskorunin: Lærbraut sig út í móa og beið lengi eftir aðstoð Lífið Krakkatían: Ljón, líffæri og landafræði Lífið Sitt sýnist hverjum um nýja mynd af Katrínu Lífið Af vængjum fram: Borðaði vængi með hníf og gaffli og sagðist vera saddur Lífið Balti hélt að Pálmi myndi aldrei mæta Bíó og sjónvarp Fleiri fréttir Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Sjá meira