Íslendingur sat tíma hjá Angelinu Jolie í LSE Sunna Kristín Hilmarsdóttir skrifar 14. mars 2017 19:30 Álfrún Perla Baldursdóttir sat tíma hjá bandarísku leikkonunni Angelinu Jolie í LSE í dag. vísir Álfrún Perla Baldursdóttir, meistaranemi í átakafræðum í London School of Economics and Political Science (LSE), segir að það hafi verið mjög áhugavert að sitja tíma hjá kvikmyndastjörnunni Angelinu Jolie í dag en Jolie, sem er gestaprófessor við LSE, hélt fyrirlestur í dag í námskeiðinu Women, Peace and Security (ísl. Konur, friður og öryggi). Er þetta í fyrsta skipti sem Jolie heldur fyrirlestur við háskólann en tæpt ár er síðan tilkynnt var um að Jolie væri orðin gestaprófessor í sérstöku meistaranámi sem snýr einmitt að konum, friði og öryggi. Áður en Jolie hélt fyrirlesturinn í dag sagði hún við dagblaðið London Evening Standard að hún væri dálítið stressuð og með fiðrildi í maganum. Álfrún segir að Jolie hafi einmitt minnst á það við upphaf fyrirlestursins að hún væri dálítið stressuð. Sjálf hefði hún ekki lagt mikla áherslu á að mennta sig og ekki verið mikið inni í akademíunni en auk þess að vera ein þekktasta kvikmyndaleikkona heims í dag er Jolie sérstakur sendiherra Sameinuðu þjóðanna í málefnum flóttamanna og hefur hún stöðu diplómata innan samtakanna. Áður var hún velgjörðarsendiherra hjá Flóttamannastofnuninni sem hún hefur starfað fyrir allt frá árinu 2001.Ræddi mikilvægi forgangsröðunar verkefna í mannúðarstarfsemi „Þetta var mjög áhugavert og hún var að segja mjög skemmtilega hluti. Hún talaði um hversu blaut hún hafi verið á bak við eyrun þegar hún byrjaði að vinna fyrir Sameinuðu þjóðirnar og sagði til dæmis frá því þegar hún kom í flóttamannabúðir í Darfúr þar sem voru 250 þúsund manns en engin sápa. Hún spurði af hverju það væri ekki bara keypt sápa og komst þá að því að það kostaði 250 þúsund dollara. Þá spurði hún hvort að fólkið í flóttamannabúðunum gæti ekki bara búið sápuna til og benti á að það væri atvinnuskapandi. Á móti var henni þá bent á að slík framleiðsla gæti haft slæm áhrif á efnahag landsins,“ segir Álfrún.Jolie með nemendum LSE í dag.mynd/facebook-síða LSEÞá segir hún að Jolie hafi mikið rætt mikilvægi þess að forgangsraða verkefnum í mannúðarstarfsemi og það þyrfti að breyta og bæta forgangsröðunina. Auk þess ræddi hún um stöðu kvenna í átökum og í flóttamannabúðum. Fyrirlesturinn stóð í um einn og hálfan tíma og sátu hann um 50 nemendur við LSE.En hvernig var stemningin fyrir tímann og í tímanum? „Okkur var ekki sagt að hún væri að koma fyrr en mínútu áður en hún kom inn í stofuna. Það eina sem var búið að segja fyrir tímann var að það myndi koma gestaprófessor og svo kom í Daily Mail í gær að Angelina Jolie væri í London. Þá fór fólk svona að pæla hvort að hún myndi koma í tímann í dag og svo þegar okkur var sagt það mínútu áður en hún kom þá urðu smá læti en síðan var það bara búið. Það var svo kannski dálítil spenna fyrstu tíu mínúturnar,“ segir Álfrún.Jolie táraðist þegar hún rifjaði upp reynslusögu 13 ára stúlku frá Íran Aðspurð hvort það hafi verið öðruvísi að vera í tíma hjá kvikmyndastjörnu heldur en háskólaprófessor segir Álfrún: „Já og nei. Það sem var öðruvísi var kannski að hún viðurkenndi sína veikleika þegar hún fékk til dæmis tvær spurningar sem hún vissi ekki nákvæmlega svarið við. Þá sagði hún það bara, að hún vissi ekki svarið við nákvæmlega þessu en hún gæti hins vegar sagt frá öðru. Það er eitthvað sem háskólaprófessorar og stjórnmálamenn eru ekki mikið í heldur tala þeir bara um það sem þeir vita. Svo var hún auðvitað mjög sjarmerandi, fyndin og skemmtilegt. Hún er greinilega performer og það er augljóst að það liggur fyrir henni að tala fyrir framan fólk.“ Þá segir að Jolie hafi verið einlæg. „Hún er auðvitað aktívisti og náttúrulega mjög innblásin af þessu öllu saman. Hún táraðist til dæmis þegar hún sagði okkar reynslusögu 13 ára stelpu frá Íran. Það er ekki eitthvað sem maður myndi sjá háskólaprófessor gera í tíma.“ Mest lesið Sáu ekki andlit huldumanns sem þeir telja vera Pétur Jökul Innlent „Erum hér í kvöld svo þetta gerist ekki í þögn“ Innlent Vænsti maður og harðduglegur Innlent Var í símanum á 142 kílómetra hraða áður en hann lést Innlent Heimafæðingum fjölgar og teljast eðlilegri en áður Innlent Forsetavaktin 2024: Hver verður sjöundi forseti lýðveldisins? Innlent Dæmdur fyrir manndráp af gáleysi vegna ofsaaksturs undir áhrifum Innlent „Mig langaði bara að drepa þennan mann“ Innlent Bíllinn í happdrætti Ástþórs úr hans eigin smiðju Innlent Næsta gos gæti hafist á hverri stundu Innlent Fleiri fréttir Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Aftur barist í norðurhluta Gasa á meðan þúsundir flýja Rafah Aðskilnaðarsinnar að missa þingmeirihluta í Katalóníu Pútín skiptir um varnarmálaráðherra Fjölbýlishús hrundi í Belgorod Fyrsti lifandi svínsnýrnaþeginn er látinn Mótmælin gegn „rússnesku“ lögunum stækka enn Palestína fær aukna þáttöku á allsherjarþingi SÞ Hundruð létust í flóðum Fyrirskipa þúsundum að yfirgefa Rafah Hollenska söngvaranum bannað að keppa í kjölfar „hótana“ Evrópa böðuð bleiku Líklegt að Ísraelar hafi brotið alþjóðalög með bandarískum vopnum Hefja árásir nærri Karkív Selenskí bauð Bjarna á friðarfund í Sviss Reyndu aftur að fá málið fellt niður vegna Stormy Daniels Segja lögregluþjón hafa bankað á rangar dyr og skotið ungan mann Ísraelsstjórn vígreif þrátt fyrir viðsnúning Bandaríkjamanna Færeyingar áforma 4.500 króna aðgangseyri á alla ferðamenn Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Sjá meira
Álfrún Perla Baldursdóttir, meistaranemi í átakafræðum í London School of Economics and Political Science (LSE), segir að það hafi verið mjög áhugavert að sitja tíma hjá kvikmyndastjörnunni Angelinu Jolie í dag en Jolie, sem er gestaprófessor við LSE, hélt fyrirlestur í dag í námskeiðinu Women, Peace and Security (ísl. Konur, friður og öryggi). Er þetta í fyrsta skipti sem Jolie heldur fyrirlestur við háskólann en tæpt ár er síðan tilkynnt var um að Jolie væri orðin gestaprófessor í sérstöku meistaranámi sem snýr einmitt að konum, friði og öryggi. Áður en Jolie hélt fyrirlesturinn í dag sagði hún við dagblaðið London Evening Standard að hún væri dálítið stressuð og með fiðrildi í maganum. Álfrún segir að Jolie hafi einmitt minnst á það við upphaf fyrirlestursins að hún væri dálítið stressuð. Sjálf hefði hún ekki lagt mikla áherslu á að mennta sig og ekki verið mikið inni í akademíunni en auk þess að vera ein þekktasta kvikmyndaleikkona heims í dag er Jolie sérstakur sendiherra Sameinuðu þjóðanna í málefnum flóttamanna og hefur hún stöðu diplómata innan samtakanna. Áður var hún velgjörðarsendiherra hjá Flóttamannastofnuninni sem hún hefur starfað fyrir allt frá árinu 2001.Ræddi mikilvægi forgangsröðunar verkefna í mannúðarstarfsemi „Þetta var mjög áhugavert og hún var að segja mjög skemmtilega hluti. Hún talaði um hversu blaut hún hafi verið á bak við eyrun þegar hún byrjaði að vinna fyrir Sameinuðu þjóðirnar og sagði til dæmis frá því þegar hún kom í flóttamannabúðir í Darfúr þar sem voru 250 þúsund manns en engin sápa. Hún spurði af hverju það væri ekki bara keypt sápa og komst þá að því að það kostaði 250 þúsund dollara. Þá spurði hún hvort að fólkið í flóttamannabúðunum gæti ekki bara búið sápuna til og benti á að það væri atvinnuskapandi. Á móti var henni þá bent á að slík framleiðsla gæti haft slæm áhrif á efnahag landsins,“ segir Álfrún.Jolie með nemendum LSE í dag.mynd/facebook-síða LSEÞá segir hún að Jolie hafi mikið rætt mikilvægi þess að forgangsraða verkefnum í mannúðarstarfsemi og það þyrfti að breyta og bæta forgangsröðunina. Auk þess ræddi hún um stöðu kvenna í átökum og í flóttamannabúðum. Fyrirlesturinn stóð í um einn og hálfan tíma og sátu hann um 50 nemendur við LSE.En hvernig var stemningin fyrir tímann og í tímanum? „Okkur var ekki sagt að hún væri að koma fyrr en mínútu áður en hún kom inn í stofuna. Það eina sem var búið að segja fyrir tímann var að það myndi koma gestaprófessor og svo kom í Daily Mail í gær að Angelina Jolie væri í London. Þá fór fólk svona að pæla hvort að hún myndi koma í tímann í dag og svo þegar okkur var sagt það mínútu áður en hún kom þá urðu smá læti en síðan var það bara búið. Það var svo kannski dálítil spenna fyrstu tíu mínúturnar,“ segir Álfrún.Jolie táraðist þegar hún rifjaði upp reynslusögu 13 ára stúlku frá Íran Aðspurð hvort það hafi verið öðruvísi að vera í tíma hjá kvikmyndastjörnu heldur en háskólaprófessor segir Álfrún: „Já og nei. Það sem var öðruvísi var kannski að hún viðurkenndi sína veikleika þegar hún fékk til dæmis tvær spurningar sem hún vissi ekki nákvæmlega svarið við. Þá sagði hún það bara, að hún vissi ekki svarið við nákvæmlega þessu en hún gæti hins vegar sagt frá öðru. Það er eitthvað sem háskólaprófessorar og stjórnmálamenn eru ekki mikið í heldur tala þeir bara um það sem þeir vita. Svo var hún auðvitað mjög sjarmerandi, fyndin og skemmtilegt. Hún er greinilega performer og það er augljóst að það liggur fyrir henni að tala fyrir framan fólk.“ Þá segir að Jolie hafi verið einlæg. „Hún er auðvitað aktívisti og náttúrulega mjög innblásin af þessu öllu saman. Hún táraðist til dæmis þegar hún sagði okkar reynslusögu 13 ára stelpu frá Íran. Það er ekki eitthvað sem maður myndi sjá háskólaprófessor gera í tíma.“
Mest lesið Sáu ekki andlit huldumanns sem þeir telja vera Pétur Jökul Innlent „Erum hér í kvöld svo þetta gerist ekki í þögn“ Innlent Vænsti maður og harðduglegur Innlent Var í símanum á 142 kílómetra hraða áður en hann lést Innlent Heimafæðingum fjölgar og teljast eðlilegri en áður Innlent Forsetavaktin 2024: Hver verður sjöundi forseti lýðveldisins? Innlent Dæmdur fyrir manndráp af gáleysi vegna ofsaaksturs undir áhrifum Innlent „Mig langaði bara að drepa þennan mann“ Innlent Bíllinn í happdrætti Ástþórs úr hans eigin smiðju Innlent Næsta gos gæti hafist á hverri stundu Innlent Fleiri fréttir Færeyingar fjölga vindmyllum til að draga úr olíukyndingu Ein blóðugasta kosningabarátta í manna minnum „Rússneskum lögum“ hraðað áfram þrátt fyrir hávær mótmæli Þrír menn ákærðir í Bretlandi vegna tengsla sinna við Hong Kong Staðfestir flokkun AfD sem öfgasamtaka Sló eigið met á Everest Kórónuveirufaraldurinn ekkert miðað við sýklalyfjaónæmi Aftur barist í norðurhluta Gasa á meðan þúsundir flýja Rafah Aðskilnaðarsinnar að missa þingmeirihluta í Katalóníu Pútín skiptir um varnarmálaráðherra Fjölbýlishús hrundi í Belgorod Fyrsti lifandi svínsnýrnaþeginn er látinn Mótmælin gegn „rússnesku“ lögunum stækka enn Palestína fær aukna þáttöku á allsherjarþingi SÞ Hundruð létust í flóðum Fyrirskipa þúsundum að yfirgefa Rafah Hollenska söngvaranum bannað að keppa í kjölfar „hótana“ Evrópa böðuð bleiku Líklegt að Ísraelar hafi brotið alþjóðalög með bandarískum vopnum Hefja árásir nærri Karkív Selenskí bauð Bjarna á friðarfund í Sviss Reyndu aftur að fá málið fellt niður vegna Stormy Daniels Segja lögregluþjón hafa bankað á rangar dyr og skotið ungan mann Ísraelsstjórn vígreif þrátt fyrir viðsnúning Bandaríkjamanna Færeyingar áforma 4.500 króna aðgangseyri á alla ferðamenn Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Sjá meira