Sjáðu upphitunarþátt fyrir úrslitakeppni Domino's deildar kvenna

Úrslitakeppni Domino's deildar kvenna í körfubolta hefst á morgun.

Í tilefni af því var sérstakur upphitunarþáttur af Domino's Körfuboltakvöldi á dagskrá Stöðvar 2 Sports HD í kvöld.

Þar fóru þau Pálína Gunnlaugsdóttir og Ágúst Björgvinsson yfir úrslitakeppnina með Kjartani Atla Kjartanssyni.

Í úrslitakeppninni mætast annars vegar Snæfell og Stjarnan og hins vegar Keflavík og Skallagrímur.

Á morgun mætast Snæfell og Stjarnan í Stykkishólmi og á miðvikudaginn tekur Keflavík á móti Skallagrími.

Allir leikirnir í úrslitakeppninni verða sýndir í beinni útsendingu á Stöð 2 Sport HD.

Upphitunarþáttinn má sjá í heild sinni í spilaranum hér að ofan.