Björn Lúkas Haraldsson, bardagakappi úr Mjölni, heldur áfram að sýna styrk sinn í búrinu en hann er kominn í undanúrslit á Heimsmeistaramóti áhugamanna í blönduðum bardagaíþróttum.
Björn Lúkas hefur á leið sinni slegið út bardagakappa frá Spáni, Írlandi og Nýja-Sjálandi.
Björn Lúkas, sem keppir fyrir Íslands hönd, hefur þegar keppt þrjá bardaga á jafn mörgum dögum og unnið þá alla strax í fyrstu lotu.
Heimsmeistaramót áhugamanna í blönduðum bardagaíþróttum (MMA) fer fram í Barein um þessar mundir og keppir Björn Lúkas í millivigt.
Björn mætti Spánverjanum Ian Kuchler í fyrstu umferð og sigraði með armlás í fyrstu lotu þegar tvær mínútur voru liðnar af bardaganum.
Í annarri umferðinni í gær vamm Björn Lúkas Fionn Healy-Magwa frá Írlandi og tryggði sér sigurinn með tæknilegu rothöggi.
Björn Lúkas mætti svo Stacy Waikato frá Nýja-Sjálandi í átta manna úrslitum í dag og sigraði með armlás. Hann er því kominn í undanúrslit á heimsmeistaramótinu áhugamanna sem fram fara á morgun.
Björn Lúkas í undanúrslit á HM
Tengdar fréttir
Björn Lúkas kominn í 8-manna úrslit á HM í MMA
Björn Lúkas Haraldsson er kominn áfram í 8-manna úrslit á Heimsmeistaramóti áhugamanna í MMA. Björn hefur unnið tvo bardaga á fyrstu tveimur dögum mótsins.
