Pitsurisi greiðir Birgi Bieltvedt 62 milljónir á ári fyrir ráðgjöf Haraldur Guðmundsson skrifar 20. desember 2017 07:30 Domino's í Bretlandi á nú 95 prósent í rekstrinum hér á landi en hér eru 22 pitsustaðir. vísir/eyþór Fjárfestingafélagið B2B, í eigu Birgis Þórs Bieltvedt, mun fá greitt árlega um 500 þúsund evrur, jafnvirði 62 milljóna króna, fyrir ráðgjafarstörf fyrir Domino’s í Bretlandi (Domino’s Pizza Group, DPG). Birgir mun samkvæmt nýju samkomulagi veita DPG ráðgjöf varðandi rekstur og frekari uppbyggingu pitsukeðjunnar hér á landi út maí 2024, tveimur árum skemur í Noregi og Svíþjóð, og fyrirhugaða útrás til Finnlands og Eystrasaltsríkjanna. Þetta kemur fram í nýrri hluthafakynningu DPG, sem er skráð í bresku kauphöllinni, en það keypti í síðustu viku 44,3 prósent til viðbótar í íslenska einkahlutafélaginu Pizza Pizza, eiganda og sérleyfishafa Domino’s á Íslandi, Noregi og Svíþjóð. Samkvæmt henni telur stjórn DPG mikilvægt að Birgir komi áfram að uppbyggingu vörumerkisins í ljósi reynslu hans og tengsla við sérleyfishafann á heimsvísu, Domino’s Pizza International Franchising (DPIF). Því hafi félagið samið við Birgi þann 14. desember síðastliðinn um að hann haldi áfram ráðgjafarstörfum og vinni í samstarfi við DPG að því að tryggja sérleyfissamning fyrir Finnland og Eystrasaltsríkin fyrir júní 2021. Fari svo að Birgir landi þeim samningi við DPIF verða tvö ný dótturfélög stofnuð utan um útrásina. DPG mun eiga 90 prósenta hlut en Birgir eða félag á hans vegum hin tíu prósentin. Fjárfestirinn mun þá fá greiddar 500 þúsund evrur í ráðgjafarþóknun sem geta einungis farið upp í kaup hans á hlutafénu í dótturfélögunum tveimur. Þá mun Birgir einnig eiga kauprétt á fimm prósentum til viðbótar í báðum félögunum. Kynningin inniheldur einnig upplýsingar um rekstur Domino’s á Íslandi á fyrri helmingi þessa árs. Tekjur félagsins námu þá 2,7 milljörðum króna samanborið við 2,4 milljarða á sama tímabili í fyrra. Rekstrarhagnaður (EBITDA) batnaði um fjórðung milli ára og nam 382 milljónum. Þá var hagnaður félagsins eftir skatta tæplega 300 milljónir og jókst um 38 prósent en pitsustöðum keðjunnar fjölgaði milli áranna úr 19 í 22. Þá er bent á að veltan jókst um 260 prósent milli 2010 og 2016. Domino’s á Íslandi státi þar að auki af mestri sölu per fermetra (e. sales density) af öllum þeim löndum þar sem pitsur Domino’s séu bakaðar, en þau eru alls 91.Birgir Þór Bieltvedt steig niður úr stóli stjórnarformanns Domino´s á Íslandi fyrr á árinu.Samkvæmt fréttatilkynningu síðasta fimmtudag um kaup DPG á 44,3 prósenta hlut í Pizza Pizza greiðir fyrirtækið jafnvirði 3,7 milljarða króna fyrir bréfin. Breska félagið á nú 95,3 prósenta hlut en það keypti upphaflega 49 prósent haustið 2016, á 4,2 milljarða króna á þáverandi gengi. Bætti það svo við öðrum tveimur prósentum í mars síðastliðnum og greiddi 180 milljónir fyrir hlutinn. Birgir steig þá niður úr stóli stjórnarformanns og með nýjustu sölunni hverfur fjárfestingarfélagið Eyja, í eigu Birgis og eiginkonu hans, Eyglóar Kjartansdóttur, út úr hluthafahópnum ásamt Högna Sigurðssyni. Aðalfundur DPG verður haldinn 11. janúar og kaupsamningurinn, og þar af leiðandi nýi ráðgjafarsamningurinn við Birgi, verður þá borinn undir hluthafa breska félagsins. Það á einnig rekstur keðjunnar í Bretlandi, 17 pitsustaði í Sviss og þriðjungshlut í þýskum sérleyfishafa Domino’s.Fréttin birtist fyrst í Markaðnum, fylgiriti Fréttablaðsins um viðskipti og fjármál. Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Segir að Play sé og verði áfram með höfuðstöðvar á Íslandi Viðskipti innlent Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Fjárfestingafélagið B2B, í eigu Birgis Þórs Bieltvedt, mun fá greitt árlega um 500 þúsund evrur, jafnvirði 62 milljóna króna, fyrir ráðgjafarstörf fyrir Domino’s í Bretlandi (Domino’s Pizza Group, DPG). Birgir mun samkvæmt nýju samkomulagi veita DPG ráðgjöf varðandi rekstur og frekari uppbyggingu pitsukeðjunnar hér á landi út maí 2024, tveimur árum skemur í Noregi og Svíþjóð, og fyrirhugaða útrás til Finnlands og Eystrasaltsríkjanna. Þetta kemur fram í nýrri hluthafakynningu DPG, sem er skráð í bresku kauphöllinni, en það keypti í síðustu viku 44,3 prósent til viðbótar í íslenska einkahlutafélaginu Pizza Pizza, eiganda og sérleyfishafa Domino’s á Íslandi, Noregi og Svíþjóð. Samkvæmt henni telur stjórn DPG mikilvægt að Birgir komi áfram að uppbyggingu vörumerkisins í ljósi reynslu hans og tengsla við sérleyfishafann á heimsvísu, Domino’s Pizza International Franchising (DPIF). Því hafi félagið samið við Birgi þann 14. desember síðastliðinn um að hann haldi áfram ráðgjafarstörfum og vinni í samstarfi við DPG að því að tryggja sérleyfissamning fyrir Finnland og Eystrasaltsríkin fyrir júní 2021. Fari svo að Birgir landi þeim samningi við DPIF verða tvö ný dótturfélög stofnuð utan um útrásina. DPG mun eiga 90 prósenta hlut en Birgir eða félag á hans vegum hin tíu prósentin. Fjárfestirinn mun þá fá greiddar 500 þúsund evrur í ráðgjafarþóknun sem geta einungis farið upp í kaup hans á hlutafénu í dótturfélögunum tveimur. Þá mun Birgir einnig eiga kauprétt á fimm prósentum til viðbótar í báðum félögunum. Kynningin inniheldur einnig upplýsingar um rekstur Domino’s á Íslandi á fyrri helmingi þessa árs. Tekjur félagsins námu þá 2,7 milljörðum króna samanborið við 2,4 milljarða á sama tímabili í fyrra. Rekstrarhagnaður (EBITDA) batnaði um fjórðung milli ára og nam 382 milljónum. Þá var hagnaður félagsins eftir skatta tæplega 300 milljónir og jókst um 38 prósent en pitsustöðum keðjunnar fjölgaði milli áranna úr 19 í 22. Þá er bent á að veltan jókst um 260 prósent milli 2010 og 2016. Domino’s á Íslandi státi þar að auki af mestri sölu per fermetra (e. sales density) af öllum þeim löndum þar sem pitsur Domino’s séu bakaðar, en þau eru alls 91.Birgir Þór Bieltvedt steig niður úr stóli stjórnarformanns Domino´s á Íslandi fyrr á árinu.Samkvæmt fréttatilkynningu síðasta fimmtudag um kaup DPG á 44,3 prósenta hlut í Pizza Pizza greiðir fyrirtækið jafnvirði 3,7 milljarða króna fyrir bréfin. Breska félagið á nú 95,3 prósenta hlut en það keypti upphaflega 49 prósent haustið 2016, á 4,2 milljarða króna á þáverandi gengi. Bætti það svo við öðrum tveimur prósentum í mars síðastliðnum og greiddi 180 milljónir fyrir hlutinn. Birgir steig þá niður úr stóli stjórnarformanns og með nýjustu sölunni hverfur fjárfestingarfélagið Eyja, í eigu Birgis og eiginkonu hans, Eyglóar Kjartansdóttur, út úr hluthafahópnum ásamt Högna Sigurðssyni. Aðalfundur DPG verður haldinn 11. janúar og kaupsamningurinn, og þar af leiðandi nýi ráðgjafarsamningurinn við Birgi, verður þá borinn undir hluthafa breska félagsins. Það á einnig rekstur keðjunnar í Bretlandi, 17 pitsustaði í Sviss og þriðjungshlut í þýskum sérleyfishafa Domino’s.Fréttin birtist fyrst í Markaðnum, fylgiriti Fréttablaðsins um viðskipti og fjármál.
Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Segir að Play sé og verði áfram með höfuðstöðvar á Íslandi Viðskipti innlent Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira