„Væntingarnar eru að við vinnum alla leiki sem við spilum“

Íslenska karlalandsliðið kom saman til æfinga í dag, en hópurinn heldur til Króatíu á Evrópumótið í janúar.

Arnar Björnsson kíkti á æfingu landsliðsins í morgun og heyrði í Geir Sveinssyni, landsliðsþjálfara.

„Væntingarnar eru alltaf þær að við stöndum okkur,“ sagði Geir. „Við erum að fara í mjög erfitt og krefjandi verkefni. Við erum að byggja upp lið og þróa þetta lið áfram.“

Ísland hefur leik gegn Svíum 12. janúar í Split í Króatíu.

Guðjón Valur Sigurðsson, fyrirliði landsliðsins, segir væntingarnar vera þær að liðið vinni alla þá leiki sem það spili.

Innslag Arnars úr Sportpakkanum í kvöldfréttum Stöðvar 2 í kvöld má sjá í spilaranum hér að ofan.