Aron Pálmarsson búinn að semja við Barcelona

Aron Pálmarsson er orðinn leikmaður spænska stórliðsins Barcelona og getur loksins farið að spila handbolta á nýjan leik.

Barcelona tilkynnti þetta á níunda tímanum í morgun en félagið kaupir upp samning hans við ungverska liðið Veszprém.

Aron Pálmarsson refuerza la primera línia del @FCBhandbol . ¡Bienvenido, Aron!

https://t.co/ezska9hzHB#ForçaBarçapic.twitter.com/UzIeVilkRX

— FCB Handbol (@FCBhandbol) October 23, 2017

Samkvæmt heimildum Íþróttadeildar 365 þá nemur kaupverðið 87 milljónum íslenskra króna. Allir samingar eru klárir á milli liðanna en viðræður hafa staða yfir í nokkrar vikur.

Aron hefur ekkert spilað með Veszprém-liðinu á þessu tímabili og mikil óvissa hefur verið með hans framtíð.

Aron er búinn að ganga frá fjögurra ára samningi við Barcelona sem gildir til ársins 2021.

Aron skrifaði undir samning við Barcelona síðastliðinn föstudag samkvæmt heimildum íþróttadeildar en félagið kaus að tilkynna ekki um hann fyrr en í morgun.

Aron hefur verið við æfingar hjá Barcelona liðinu undanfarna viku og hann er að æfa með liðinu nú í morgun. Það styttist því í fyrsta leik hans með Barcelona.