Formaður Sjálfstæðisflokks vill ljúka þingstörfum á þriðjudag Heimir Már Pétursson skrifar 22. september 2017 19:30 Formaður Sjálfstæðisflokksins telur að hægt væri að ljúka þingstörfum á tveimur dögum í næstu viku en segir formenn annarra flokka ekki deila þeirri skoðun með honum. Formennirnir virðast þó nokkuð samstíga varðandi frumvarp dómsmálaráðherra um afnám uppreistar æru í lögum fyrir kosningar. Ríkisstjórn Bjarna Benediktssonar kom saman til eins af sínum síðustu fundum í Stjórnarráðshúsinu í dag, aðallega til að ræða EES gerðir sem nauðsynlegt var að afgreiða en auðvitað er ríkisstjórnin núna starfsstjórn. En dómsmálaráðherra kynnti einnig lítillega hugmyndir sínar um breytingar á lögum um uppreist æru og hvernig fólk geti aftur öðlast borgaraleg réttindi en þau mál voru síðan rædd á formannafundi í dag. Formennirnir fóru að tínast í alþingishúsiðhús rétt fyrir klukkan tvö til að ræða málin nánar við forseta Alþingis og freista þess að ná samkomulagi um þinglok og hvaða mál verði afgreidd fyrir kosningar og með hvaða hætti. Formennirnir funduðu í rúma eina og hálfa klukkustund en náðu ekki samkomulagi. Birgitta Jónsdóttir þingflokksformaður Pírata virtist ekki vongóð um samkomulag að fundi loknum. „Fundi var frestað fram á mánudag. Þá kemur væntanlega í ljós hvort við náum endanlegu samkomulagi eða ekki,“ sagði Birgitta. Ef það tekst ekki gæti þing dregist á langinn þar sem baráttan um afgreiðslu mál yrði þá tekin í þingsal. Logi Einarsson formaður Samfylkingarinnar telur að samkomulag geti náðst um niðurstöðu varðandi uppreisn æru. En hann leggur líka áherslu á að þingið bregðist við í útlendingamálum sem taki á vanda flóttabarna á Íslandi þótt hann sé ekki fyllilega sáttur við þær hugmyndir sem eru á borðinu.Logi Már Einarsson, formaður Samfylkingarinnar.vísir/anton brink„En við náum hugsanlega lendingu um afgreiðslu sem tryggir alla vega þeim börnum sem eru hér á landi, þessum tveimur sem mikið hefur verið rætt um, og öðrum sem eru í svipaðri stöðu nauðsynlega vernd.“Þannig að þau verði ekki rekin úr landi?„Nei, það ætla ég svo sannarlega að vona ekki,“ sagði Logi. Katrín Jakobsdóttir formaður Vinstri grænna segir stöðuna nú verða rædda í þingflokki.Hvernig líst þér á hugmyndir sitjandi dómsmálaráðherra varðandi uppreist æru og þau mál öll?„Það er meðal þess sem ég ætla að fara yfir í mínum þingflokki á eftir. Við vorum bara að fá það frumvarp í hendurnar núna. En þetta virðist við fyrstu sýn vera í takt við það sem allir flokkar hafa verið að ræða.“Hvað gengur frumvarpið langt?„Það liggur fyrir að það tekur á hluta málsins. En það liggur líka fyrir að það er heilmikið verk óunnið til að ljúka þeirri vinnu,“ segir Katrín og vísar til þess að breyta þarf fjölda laga varðandi það hvernig fólk myndi öðlast borgaraleg réttindi á ný að aflokinni afplánun refsivistar.En í frumvarpi dómsmálaráðherra er gert ráð fyrir að uppreist æru verði afnumin. Bjarni Benediktsson formaður Sjálfstæðisflokksins telur að hægt sé að ljúka þingstörfum á skömmum tíma. „Ég myndi vilja vinna að því að þingið þyrfti bara að koma saman í einn tvo daga og svo væri hægt að ganga til kosninga. En svo eru aðrir sem vilja berjast fyrir einhverjum einstaka málum. Það getur orðið mjög flókið að ljúka þinginu þegar þannig er,“ segir Bjarni. En hann hefur lagt tillögur fyrir hina formennina um aðferð við að breyta stjórnarskránni í áföngum á þremur kjörtímabilum. „Jú því var nú upphaflega ágætlega tekið. Þetta var eingöngu um verklag. Engin efnisatriði sem voru inni í þessum tillögum. En mér sýnist að það sé að fjara undan því öllu saman.“Þannig að það gerist kannski ekkert varðandi stjórnarskrána fyrir kosningar?„Það er einmitt eitt af því sem við erum að ræða. Ég er þeirrar skoðunar að við eigum ekkert að vera að hrófla við henni fyrir kosningar,“ segir Bjarni Benediktsson. Alþingi Mest lesið Gul viðvörun: Fyrsta trampólínið þegar fokið Veður Neyðarlínan lýsir eftir börnum sem komu færandi hendi Innlent Enginn málefnalegur ágreiningur skýri brotthvarf bæjarstjóra Innlent Ákærður fyrir að nauðga barnungri hálfsystur sinni Innlent Segir yfirlýsingar um að FBI hafi mátt skjóta Trump stórhættulegar Erlent Forsetavaktin 2024: Hver verður sjöundi forseti lýðveldisins? Innlent Kostnaður vegna uppkaupa fjórtán milljörðum meiri en áætlað var Innlent Allsherjarsigur gegn Hamas ólíklegur Erlent Réðst í tvígang á starfsmann verslunar í Skeifunni Innlent Augljóst að fylgið er enn á verulegri hreyfingu Innlent Fleiri fréttir Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Talsvert í að kíghóstinn gangi niður Rýna í aðgerðir almannavarna síðustu sex mánuði á Reykjanesi Fjóla felldi hreinan meirihluta Hvalveiðar og húsnæðismál í hádegisfréttum „Ég skil vel að einhverjir séu óþolinmóðir“ Enginn axli ábyrgð á mistökum sem leiddu til andláts ungra barna Sjá meira
Formaður Sjálfstæðisflokksins telur að hægt væri að ljúka þingstörfum á tveimur dögum í næstu viku en segir formenn annarra flokka ekki deila þeirri skoðun með honum. Formennirnir virðast þó nokkuð samstíga varðandi frumvarp dómsmálaráðherra um afnám uppreistar æru í lögum fyrir kosningar. Ríkisstjórn Bjarna Benediktssonar kom saman til eins af sínum síðustu fundum í Stjórnarráðshúsinu í dag, aðallega til að ræða EES gerðir sem nauðsynlegt var að afgreiða en auðvitað er ríkisstjórnin núna starfsstjórn. En dómsmálaráðherra kynnti einnig lítillega hugmyndir sínar um breytingar á lögum um uppreist æru og hvernig fólk geti aftur öðlast borgaraleg réttindi en þau mál voru síðan rædd á formannafundi í dag. Formennirnir fóru að tínast í alþingishúsiðhús rétt fyrir klukkan tvö til að ræða málin nánar við forseta Alþingis og freista þess að ná samkomulagi um þinglok og hvaða mál verði afgreidd fyrir kosningar og með hvaða hætti. Formennirnir funduðu í rúma eina og hálfa klukkustund en náðu ekki samkomulagi. Birgitta Jónsdóttir þingflokksformaður Pírata virtist ekki vongóð um samkomulag að fundi loknum. „Fundi var frestað fram á mánudag. Þá kemur væntanlega í ljós hvort við náum endanlegu samkomulagi eða ekki,“ sagði Birgitta. Ef það tekst ekki gæti þing dregist á langinn þar sem baráttan um afgreiðslu mál yrði þá tekin í þingsal. Logi Einarsson formaður Samfylkingarinnar telur að samkomulag geti náðst um niðurstöðu varðandi uppreisn æru. En hann leggur líka áherslu á að þingið bregðist við í útlendingamálum sem taki á vanda flóttabarna á Íslandi þótt hann sé ekki fyllilega sáttur við þær hugmyndir sem eru á borðinu.Logi Már Einarsson, formaður Samfylkingarinnar.vísir/anton brink„En við náum hugsanlega lendingu um afgreiðslu sem tryggir alla vega þeim börnum sem eru hér á landi, þessum tveimur sem mikið hefur verið rætt um, og öðrum sem eru í svipaðri stöðu nauðsynlega vernd.“Þannig að þau verði ekki rekin úr landi?„Nei, það ætla ég svo sannarlega að vona ekki,“ sagði Logi. Katrín Jakobsdóttir formaður Vinstri grænna segir stöðuna nú verða rædda í þingflokki.Hvernig líst þér á hugmyndir sitjandi dómsmálaráðherra varðandi uppreist æru og þau mál öll?„Það er meðal þess sem ég ætla að fara yfir í mínum þingflokki á eftir. Við vorum bara að fá það frumvarp í hendurnar núna. En þetta virðist við fyrstu sýn vera í takt við það sem allir flokkar hafa verið að ræða.“Hvað gengur frumvarpið langt?„Það liggur fyrir að það tekur á hluta málsins. En það liggur líka fyrir að það er heilmikið verk óunnið til að ljúka þeirri vinnu,“ segir Katrín og vísar til þess að breyta þarf fjölda laga varðandi það hvernig fólk myndi öðlast borgaraleg réttindi á ný að aflokinni afplánun refsivistar.En í frumvarpi dómsmálaráðherra er gert ráð fyrir að uppreist æru verði afnumin. Bjarni Benediktsson formaður Sjálfstæðisflokksins telur að hægt sé að ljúka þingstörfum á skömmum tíma. „Ég myndi vilja vinna að því að þingið þyrfti bara að koma saman í einn tvo daga og svo væri hægt að ganga til kosninga. En svo eru aðrir sem vilja berjast fyrir einhverjum einstaka málum. Það getur orðið mjög flókið að ljúka þinginu þegar þannig er,“ segir Bjarni. En hann hefur lagt tillögur fyrir hina formennina um aðferð við að breyta stjórnarskránni í áföngum á þremur kjörtímabilum. „Jú því var nú upphaflega ágætlega tekið. Þetta var eingöngu um verklag. Engin efnisatriði sem voru inni í þessum tillögum. En mér sýnist að það sé að fjara undan því öllu saman.“Þannig að það gerist kannski ekkert varðandi stjórnarskrána fyrir kosningar?„Það er einmitt eitt af því sem við erum að ræða. Ég er þeirrar skoðunar að við eigum ekkert að vera að hrófla við henni fyrir kosningar,“ segir Bjarni Benediktsson.
Alþingi Mest lesið Gul viðvörun: Fyrsta trampólínið þegar fokið Veður Neyðarlínan lýsir eftir börnum sem komu færandi hendi Innlent Enginn málefnalegur ágreiningur skýri brotthvarf bæjarstjóra Innlent Ákærður fyrir að nauðga barnungri hálfsystur sinni Innlent Segir yfirlýsingar um að FBI hafi mátt skjóta Trump stórhættulegar Erlent Forsetavaktin 2024: Hver verður sjöundi forseti lýðveldisins? Innlent Kostnaður vegna uppkaupa fjórtán milljörðum meiri en áætlað var Innlent Allsherjarsigur gegn Hamas ólíklegur Erlent Réðst í tvígang á starfsmann verslunar í Skeifunni Innlent Augljóst að fylgið er enn á verulegri hreyfingu Innlent Fleiri fréttir Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Talsvert í að kíghóstinn gangi niður Rýna í aðgerðir almannavarna síðustu sex mánuði á Reykjanesi Fjóla felldi hreinan meirihluta Hvalveiðar og húsnæðismál í hádegisfréttum „Ég skil vel að einhverjir séu óþolinmóðir“ Enginn axli ábyrgð á mistökum sem leiddu til andláts ungra barna Sjá meira