Alec Baldwin gerði upp viðburðaríka viku Trump

Alec Baldwin mætti aftur sem Donald Trump í nýrri flugu frá Saturday Night Live. Þar gerði hann stólpagrín að fjöldafundi forsetans í Phoenix í Arizona á dögunum þar sem hann lét gamminn geisa eins og hans er von og vísa.

Alec Baldwin varði góðum tíma í að gera grín að glápi forsetans á sólmyrkvann á mánudag sem vakti ómælda athygli - sem og yfirlýsingu forsetans eftir uppþotin í Charlottesville.

Sagði Baldwin til að mynda að eina fórnarlamb átakanna hafi verið Trump sjálfur og að það hafi verið ósanngjarnt af fjölmiðlum að greina frá öllum ummælum hans. Sérstaklega þeim slæmu.

Sprell Baldwins má sjá hér að neðan.