Líkfundur í Hvítá

Í leitarflugi Landhelgisgæslu með björgunarsveitarmönnum Eyvindar á Flúðum í dag fannst lík af karlmanni á austurbakka Hvítár, neðan Brúarhlaða.

Líkið hefur verið flutt til rannsóknar á Rannsóknarstofu Háskólans í réttarmeinafræði þar sem fram fer krufning á því ásamt því að Kennslanefnd ríkislögreglustjóra mun vinna með réttarmeinafræðingi að því að bera kennsl á það.

Samkvæmt tilkynningu frá lögreglunni á Suðurlandi eru sterkar líkur á því að líkið sé af Nika Begadze sem féll í Hvítá við Gullfoss þann 19. júlí síðastliðinn.