Tom Cruise slasaðist í tökum á Mission Impossible

Leikarinn Tom Cruise slasaðist, að því er virtist, illa þegar hann reyndi að framkvæma glæfrabragð í einni hasarsenunni í væntanlegri mynd Mission Impossible 6. Þetta kemur fram á vef TMZ.

Tökur á hasarmyndinni standa nú yfir í London, hvar leikarinn meiddist í dag. Cruise slasaðist þegar hann stökk fram af einni byggingunni yfir á aðra. Ekki virðist allt hafa gengið sem skyldi því Cruise lenti harkalega í þakskeggi byggingarinnar.

Eftir byltuna haltraði Cruise sárkvalinn af vettangi.

Hér að neðan er hægt að sjá myndband af atvikinu