Jamie Foxx segir ótrúlega sögu af sambandi hans og Ed Sheeran

Leikarinn Jamie Foxx var á dögunum gestur í breska spjallþættinum The Graham Norton Show með sjálfum Graham Norton.

Leikarinn er þeim hæfileikum gæddur að hann segir frábærar sögur og hefur greinilega upplifað margt.

Foxx leyfði einu sinni breska tónlistarmanninum Ed Sheeran að gista á sófanum.

„Hann svaf á sófanum hjá mér í sex vikur áður en hann varð frægur,“ sagði Foxx.

Á þessum tíma kom Foxx fram einu sinni í viku og fór með uppistand í Los Angeles og það á mánudagskvöldum.

„Ég reif hann með mér eitt kvöldið og lét hann koma fram fyrir framan átta hundruð blökkumenn.“

Foxx segir að það hafi tekið Sheeran tólf mínútur til að fá standandi lófaklapp í salnum og í dag er hann einn allra vinsælasti tónlistarmaður heims.