Hetjan úr oddaleiknum framlengir við Val

Ingvi Þór Sæmundsson skrifar 23. maí 2017 13:45

Sigurður Ingiberg verður áfram hjá Val. vísir/andri marinó

Sigurður Ingiberg Ólafsson hefur skrifað undir nýjan tveggja ára samning við Íslands- og bikarmeistara Vals.

Sigurður var frábær í úrslitaeinvíginu við FH um Íslandsmeistaratitilinn og átti t.a.m. eftirminnilega innkomu í oddaleiknum á sunnudaginn þar sem hann hreinlega lokaði markinu.

Sigurður, sem er 24 ára, kom til Vals frá FH í 3. flokki og er að hefja sitt sjöunda tímabil á Hlíðarenda, fyrir utan tvö tímabil þar sem hann lék sem lánsmaður með Stjörnunni.

Sigurður varði mark Vals í vetur ásamt Hlyni Morthens. Valsmenn eru einnig búnir að semja við unglingalandsliðsmarkvörðinn Einar Baldvin Baldvinsson.

Valsmenn eru ríkjandi Íslands- og bikarmeistarar auk þess sem liðið komst í undanúrslit Áskorendabikar Evrópu í vetur.

Olís-deild karla

Tengdar fréttir

Ísak: Ætla ekki að koma með neinar afsakanir, betra liðið vann einfaldlega

"Við náum engum takti í seinni hálfleik og leyfum þeim að stjórna ferðinni,“ segir Ísak Rafnsson, leikmaður FH, eftir tapið gegn Val í hreinum úrslitaleik um Íslandsmeistaratitilinn í handknattleik sem fram fór í Kaplakrika. Valur vann einvígið 3-2.

21. maí 2017 18:04

Bræðurnir sem eru hjartað í vörninni

Valur varð Íslandsmeistari í 22. sinn í sögu félagsins í gær. Varnarleikur á heimsmælikvarða og einstök markvarsla skóp sigur á FH í oddaleik í troðfullum Kaplakrika. Bræðurnir Orri Freyr og Ýmir Örn Gíslasynir voru frábærir í vörninni og leiddu Valsmenn til sigurs.

22. maí 2017 06:00

Gísli Þorgeir valinn besti leikmaður úrslitakeppninnar

Gísli Þorgeir Kristjánsson var fyrr í dag útnefndur besti leikmaður úrslitakeppninnar í Olís-deild karla af HSÍ þrátt fyrir tap FH gegn Valsmönnum í úrslitum Olís-deildarinnar.

21. maí 2017 20:45

Hlynur: Ég elska að spila handbolta

Eftir rúmlega 20 ára eyðimerkurgöngu náði markvörðurinn geðþekki Hlynur Morthens loksins að verða Íslandsmeistari. Hlynur ætlaði ekki að hætta fyrr en hann yrði Íslandsmeistari og hann gæti haldið áfram.

23. maí 2017 06:00

Umfjöllun og viðtöl: FH - Valur 20-27 | Valsmenn eru Íslandsmeistarar

Valur er Íslandsmeistari í handknattleik karla eftir 27-20 sigur á FH í oddaleik í Kaplakrika. Valsmenn tryggðu sér titilinn með frábærum seinni hálfleik en staðan í hálfleik var 11-9 fyrir FH.

21. maí 2017 18:45

Anton: Við slátruðum þeim

"Þetta er ótrúlega sætt og líka í ljósi þess að við erum bæði Íslands- og bikarmeistarar.

21. maí 2017 18:36

Ýmir Örn: Liðsheildin skilaði þessu

"Tilfinningin er auðvitað alveg mögnuð. Ég veit ekki hvað ég á að segja, það var erfitt að vera útaf seinustu átta mínúturnar en þeir bara kláruðu þetta. Þetta er ótrúlegt,“ sagði Ýmir Örn Gíslason leikmaður Vals í samtali við Vísi eftir sigurinn á FH í dag þar sem Valsmenn tryggðu sér Íslandsmeistaratitilinn í handknattleik.

21. maí 2017 18:09

HB Statz gerir upp lokaúrslitin á skemmtilegan hátt | Þessir voru bestir

Valsmenn tryggðu sér í gær Íslandsmeistaratitil karla í handbolta eftir sigur á FH í oddaleik í Kaplakrika.

22. maí 2017 21:30

Valsmenn endurtóku leikinn frá 1998

Sem kunnugt er urðu Valsmenn Íslandsmeistar karla í handbolta í 22. sinn í sögu félagsins í dag. Valur vann einnig bikarkeppnina og er því handhafi tveggja stærstu titlanna sem í boði eru á Íslandi.

21. maí 2017 21:26

Guðlaugur og Óskar: Erum með besta varnarlið landsins

Valsmenn tryggðu sér Íslandsmeistaratitilinn í handknattleik eftir sjö marka sigur á FH í oddaleik í Kaplakrika í dag. Þjálfarar Vals, þeir Guðlaugur Arnarsson og Óskar Bjarni Óskarsson, voru vitaskuld hæstánægðir þegar Vísir hitti þá að leik loknum í dag.

21. maí 2017 18:24