Aprílspá Siggu Kling – Vogin: Ekkert lauslæti hjá voginni á næstunni

Elsku Vogin mín, það er aldeilis búið að vera mikið brambolt í kringum þig, en núna er eins og veröldin standi kyrr. Það er einhvern veginn sú orka yfir þér að þú sért að bíða og bíða, en sért kannski ekki alveg viss um hverju þú ert að bíða eftir. Þú verður svolítið í því að fresta ákvörðunum, vegna þess að þú ert ekki alveg viss um hvernig þú eigir að taka næstu skref.

Þú horfir fram hjá streitugefandi öflum og þér á eftir að líða bara svo dásamlega vel af því að þú átt það skilið. Það er mikil ást inni hjá þér, elsku Vogin mín, það er eins og þú sjáir ást í hverju horni. Þig fer að langa til að kaupa blóm og breyta á heimili og vinnustað, endurnýja og gefa gömlum hlutum nýtt líf. Í þessari orku laðarðu til þín mikið af fólki, því ekkert er sterkara en hugsunin ást.

Þeir sem eru svo heppnir að vera á lausu lenda á mörgum sénsum, en ekkert getur samt fengið þig til að fara í ástartangó nema alvöru ást. Ekkert lauslæti hjá voginni á næstunni, það er alveg ljóst. Auðvitað heldurðu áfram að gera allt of margar kröfur til þín, það mun ekkert breytast. En þú átt eftir að njóta þín svo svakalega vel þetta vorið og upplifa dásemdir lífsins eins og nýfætt barn. Það sem einkennir vorið er að þú ert alls staðar svo vel liðin.

Allir vilja vera í nánd við þig sem er alveg dásamlegt, og fólk mun segja já, en þú þarft bara að spyrja. En þú átt það til að útiloka fólk úr lífi þínu, alls ekki viljandi, það er bara eins og þú gleymir að þú þurfir að sinna svona mörgu. Það er mjög mikilvægt til þess að allt gangi betur fyrir þig að skrifa niður, helst á hverjum degi, við hvern þú ætlar að tala og hvað þú ætlar að framkvæma. Þetta verður til þess að þú sérð augnablikið og daginn svo dásamlega skýrt, er það ekki það sem skiptir öllu máli?

Mottó – Þar sem er vog, þar er vegur

Frægir í Voginni: Kári Árnason landsliðsmaður, Glúmur Baldvinsson stjórnmálafræðingur, Hjalti flugþjónn, Ingi í Sign, Jón Axel Ólafsson athafnamaður, Matt Damon leikari, Íris Berg, fatahönnuðurinn minn, Mary Poppins, Svanhildur Hólm Valsdóttir, aðstoðarmaður ráðherra og sjónvarpskona, Hanna Birna Kristjánsdóttir, Lilja Dögg Alfreðsdóttir alþingiskona, Ósk Gunnarsdóttir útvarpskona, María Einarsdóttir ritari stjörnuspánnar, Arnþrúður Karlsdóttir útvarp Saga, Skúli Mogensen, Walter Matthau, Olavia Newton John, Ragga Gísla, Steinn Steinarr, Margret Tatcher.