Innlent

„Hvaða kynþokkafulli maður á afmæli 8. ágúst og er fæddur 1954?“

Jakob Bjarnar skrifar
Vilhjálmur bendir Finn sem manninn á bak við Dekhill Advisors án þess þó að segja það.
Vilhjálmur bendir Finn sem manninn á bak við Dekhill Advisors án þess þó að segja það.
Vilhjálmur Bjarnason þingmaður gerir því skóna að maðurinn sem er að baki félaginu Dekhill Advisors sé Finnur Ingólfsson. Þetta gerir Vilhjálmur þó án þess að segja það hreint út en hann spyr: „Hvaða kynþokkafulli máður á afmæli 8. ágúst og er fæddur 1954?“ Svarið við þeirri spurningu Vilhjálms fæst á Íslendingabók og er svohljóðandi: Finnur Ingólfsson.

Vilhjálmur vitnar í klásúlu sem finna má á RUV.

„Afar takmarkaðar upplýsingar eru til um félagið Dekhill Advisors sem fékk hluta hagnaðarins af Hauck & Aufhäuser-fléttunni á móti Ólafi Ólafssyni. Félagið fékk 46,5 milljónir dollara í sinn hlut sem á þeim tíma nam 2,9 milljörðum króna. Það eru fjórir milljarðar króna að núvirði. Nafn félagsins fannst í gegnum símagreiðslu en einu upplýsingarnar um það eru skráning um stofnsetningu á Bresku Jómfrúreyjum 25. júlí 2005 með númerinu 668854.“

Finnur Ingólfsson var lengi viðskiptafélagi Ólafs Ólafssonar, sem er í aðalhlutverki í skýrslu rannsóknarnefndar Alþingis um sölu á Búnaðarbankanum. Þar segir að kaupin hafi verið ein allsherjar svikamylla. Finnur var ráðherra Framsóknarflokksins, þá Seðlabankastjóri áður en hann fór út í einkageirann. Finnur skrifaði undir kaupsamninginn á söluna á kjölfestuhlut í Búnaðarbankanum 16. janúar 20103 fyrir hönd VÍS, Valgerður Sverrisdóttir og Geir H. Haarde fyrir hönd íslenska ríkisins en Ólafur Ólafsson fyrir hönd Eglu hf. og Margeir Daníelsson fyrir hönd Samvinnulífeyrissjóðsins.

Ýmsir leggja orð í belg á Facebooksíðu Vilhjálms, þar sem hann setur hina óljósu kenningu sína fram. Meðal annarra Andrés Magnússon blaðamaður sem segir: „F er 6. stafur stafrófsins. 668854 stendur ljóslega fyrir „Finnur fundinn, 8. ágúst 1954.“ Þá er og bent á að á Íslandi tíðkist að menn leiti uppi sérstaka talnaröð við stofnun bankareikninga. Síðustu stafir í kennitölu komi þá gjarnan við sögu.

Vilhjálmur hrósar nú sigri eftir að skýrsla rannsóknarnefnd Alþingis um söluna á Búnaðarbankanum kom fram. Hann gagnrýndi þá sölu harðlega og taldi ljóst að þar væri fiskur undir steini. Stóra spurningin sem eftir stendur, líkt og Kjartan Bjarni Björgvinsson, formaður nefndarinnar hefur sagt, er hver sé raunverulegur eigandi Dekhill Advisors? Vilhjálmur hefur áður haft á réttu að standa varðandi það hvernig kaupin gerast að tjaldabaki.


Tengdar fréttir

Kvöldfréttir Stöðvar 2 í beinni

Vilhjálmur Bjarnason þingmaður segir íslensk skattayfirvöld geta varpað ljósi á huldufélagið sem fékk hagnað á móti Ólafi Ólafssyni í Búnaðarbankafléttunni.




Fleiri fréttir

Sjá meira


×