Viðskipti innlent

Íslenskt verktakafyrirtæki segir upp öllum starfsmönnum sínum í Noregi

Sunna Kristín Hilmarsdóttir skrifar
Myndin er frá gerð Kárahnjúkavirkjunar sem er vatnsaflsvirkjun eins og þær virkjanir sem IC vann að í Noregi.
Myndin er frá gerð Kárahnjúkavirkjunar sem er vatnsaflsvirkjun eins og þær virkjanir sem IC vann að í Noregi. vísir/vilhelm
Iceland Construction ehf. (IC), áður Ístak hf., hefur í dag sagt upp ráðningarsamningum við alla starfsmenn sína í Noregi en þeir eru um 140. Þetta kemur fram í tilkynningu frá fyrirtækinu en þar segir að þetta sé gert í varúðarskyni vegna erfiðrar rekstrarstöðu. Norskum vinnumálayfirvöldum hefur verið tilkynnt um uppsagnirnar.

Um helmingur starfsmanna IC eru Íslendingar og um helmingur Pólverjar en á næstu dögum mun fyrirtækið vinna að endursamningum við verkkaupa og er vonast til þess að þá verði hægt að draga uppsagnirnar til baka. Félagið vinnur að einu verkefni í Noregi en það felst í byggingu fimm vatnsaflsvirkjana. Um 80 prósentum af verkinu er lokið en afkoma þess hefur verið undir væntingum og er það rekið með tapi.

„Uppsagnirnar eru gerðar í varúðarskyni. Við erum í viðræðum við verkkaupa um endurskoðun samninga. Á næstu dögum kemur í ljós hvort hægt verði að afturkalla uppsagnirnar, eins og við vonumst til. Starfsmenn IC verða áfram við störf í Tosbotn þar til framhald verkefnisins skýrist betur,“ er haft eftir Jóni Steingrímssyni, framkvæmdastjóra IC, í tilkynningu.

Landsbankinn eignaðist IC, áður Ístak hf., þegar móðurfélag þess, danska verktakafyrirtækið Pihl & Søn var tekið til gjaldþrotaskipta í lok ágúst 2013. Þegar umsvifin voru mest á árunum 2012–2014 störfuðu um 450 starfsmenn að verkefnum félagsins í Noregi.

Haustið 2013 var félagið auglýst til sölu, án árangurs. Árið 2015 var stærsti hluti félagsins seldur undir nafninu Ístak hf. en IC hélt áfram starfseminni í Noregi. Rekstur IC í dag er Ístaki óviðkomandi. IC hefur undanfarið unnið að því að ljúka verkefnum sínum og er verkefnið í Tosbotn síðasta verkefni félagsins.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
1,71
6
16.791
VIS
1,53
9
300.468
REITIR
1,21
5
111.540
SJOVA
1,09
8
81.238
FESTI
0,93
6
457.400

Mesta lækkun dagsins


Félag
Br.%
Fjöldi
Velta*
SKEL
-2,82
8
9.870
KVIKA
-1,48
20
452.744
ICEAIR
-1,47
14
9.616
SYN
-0,78
5
70.590
ICESEA
-0,66
4
5.955
Velkomin á Vísi. Þessi vefur notar vafrakökur. Sjá nánar.