Strákarnir okkar hafa bara einu sinni endaði neðar á HM | Ísland í 14. sæti

Íslenska handboltalandsliðið endaði í fjórtánda sæti á HM í Frakklandi en þetta varð ljóst eftir að keppni í sextán liða úrslitunum lauk í gær.

Makedónía og Brasilía eru bæði fyrir neðan Ísland en þau komust líka ekki lengra en í sextán liða úrslitin.

Íslenska liðið vann aðeins einn leik á mótinu (á móti Angóla) en með því að tapa með bara einu marki á móti Slóveníu og gera jafntefli við Makedóníu þá skilar hagstæð markatala íslenska liðsins liðinu upp fyrir Makedóníu og Brasilíu.

Ísland tapaði með aðeins samtals sjö mörkum samanlagt á móti Spánverjum og Slóvenum en Makedóníubúar voru í mínus ellefu í þessum tveimur leikjum.

Brasilíumenn töpuðu öllum þremur leikjum sínum á móti efstu þremur liðunum í riðlinum og þrátt fyrir góða frammistöðu og aðeins eins marks tap á móti Spáni í sextán liða úrslitunum þá þurfa Brassarnir að sætta sig við sextánda sætið.

Hvít-Rússa töpuðu kannski með 19 marka mun á móti Svíum í sextán liða úrslitunum í gær en sigur liðsins á móti Ungverjum í riðlinum skilar liðinu alla leið upp í 11. sætið.

Liðunum í níunda til sextánda sæti er raðað eftir árangri þeirra á móti liðum í þeirra riðli sem komust áfram í sextán liða úrslit keppninnar.

Ísland hefur aðeins einu sinni endaði neðar á heimsmeistaramóti en það var undir stjórn Viggós Sigurðssonar á HM í Túnis fyrir tólf árum síðan.

Viggó var þá, eins og Geir Sveinsson, á fyrsta stórmóti sínu með íslenska landsliðið og tók inn marga nýliða sem áttu eftir að vera í stórum hlutverkum á gullárunum sem tóku við.

Ísland hefur tvisvar áður endað í 14. sæti á HM þar á meðal á HM á Íslandi þegar Geir Sveinsson var fyrirliði íslenska landsliðið. Geir komst í úrvalsliðið HM 1995.

Röð landsliða sem duttu út úr sextán liða úrslitunum:

(Innan sviga er árangur á móti liðum 1 til 4 í riðlinum)

9. sæti Þýskaland  (6 stig, +17)

10.sæti Danmörk  (6 stig, +12)

11. sæti Hvíta-Rússland  (2 stig, -10)

12. sæti Rússland (2 stig, -11)

13. sæti Egyptaland (2 stig, -12)

14. sæti Ísland (1 stig, -7)

15. sæti Makedónía (1 stig, -11)

16. sæti Brasilía (0 stig, -32)

Slakasta frammistaða Íslands í sögu HM

15. sæti - HM í Túnis 2005 (Viggó Sigurðsson þjálfaði liðið)

14. sæti - HM í Frakklandi 2017 (Geir Sveinsson)

14. sæti - HM á Íslandi 1995 (Þorbergur Aðalsteinsson)

14. sæti - HM í Austur-Þýskalandi 1974 (Karl G. Benediktsson

13. sæti - HM í Danmörku 1978 (Birgir Björnsson)

12. sæti - HM á Spáni (Aron Kristjánsson)

11. sæti - HM í Katar 2015 (Aron Kristjánsson)

11. sæti - HM í Frakklandi 2001 (Þorbjörn Jensson)

11. sæti - HM í Frakklandi 1970 (Hilmar Björnsson)

10. sæti - HM í Tékkóslóvakíu 1990 (Bogdan Kowalczyk)

10. sæti - HM í Austur-Þýskalandi 1958 (Hallsteinn Hinriksson)