Pétur og úlfurinn í Langholtskirkju Magnús Guðmundsson skrifar 4. mars 2017 12:15 Sinfóníuhljómsveit unga fólksins. Mynd/Ólafur Haakansson Sinfóníuhljómsveit unga fólksins flytur Pétur og úlfinn eftir Sergej Prokofiev í Langholtskirkju laugardaginn 4. mars kl. 17.00. Sögumaður er Aðalsteinn Ásberg Sigurðsson. Tónlistarævintýrið Pétur og úlfurinn er eftir Rússann Sergej Prokofiev (1891-1953) og samið árið 1936. Upphaflega bað Barnaleikhúsið í Moskvu tónskáldið um að semja sinfóníu fyrir börn þar sem einstök hljóðfæri hljómsveitarinnar yrðu kynnt fyrir ungum hlustendum. Ljóðskáld var fengið til þess að skrifa sögu í bundnu máli en Prokofiev kunni ekki við hversu pólitísk hún var. Hann brá því á það ráð að semja sína eigin sögu og fella tónlist við hana, söguna um Pétur sem með kjarki sínum og áræði snaraði hættulegan úlf. Pétur og úlfurinn er eitt vinsælasta verk allra tíma og hefur haldið nafni Prokofievs á lofti um víða veröld.Rannveig Marta Sarc, fiðluleikari er við framhaldsnám í Juilliard-tónlistarháskólanum í New York.Á tónleikunum leikur einnig Rannveig Marta Sarc fiðlukonsert eftir Brahms. Rannveig Marta Šarc fiðluleikari fæddist 1995 í Slóveníu og hóf þar fiðlunám 4 ára gömul. Árið 2006 fluttist hún til Íslands og gerðist nemandi Lilju Hjaltadóttur við Suzuki-tónlistarskólann Allegro. Rannveig lauk framhaldsprófi frá Tónlistarskólanum í Reykjavík vorið 2014 undir handleiðslu Guðnýjar Guðmundsdóttur og er nú við framhaldsnám í Juilliard-tónlistarháskólanum í New York, þar sem hún er nemandi Laurie Smukler. Hún hefur leikið einleik með Hljómsveit Tónlistarskólans í Reykjavík, Slóvensku fílharmóníunni og tvívegis með Sinfóníuhljómsveit Íslands. Rannveig hefur komið fram með Cammerarctica-kammerhópnum og haustið 2016 var strengjakvartett hennar valinn heiðurskvartett Juilliard-tónlistarháskólans. Þá hefur Rannveig sigrað í keppnum ungra tónlistarmanna, bæði hér á landi og í Slóveníu. Loks verða leiknir Rúmenskir þjóðdansar eftir Béla Bartók en stjórnandi á tónleikunum er Gunnsteinn Ólafsson.Greinin birtist fyrst í Fréttablaðinu 4. mars. Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið „Nú er þessi sprettur á enda“ Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Sinfóníuhljómsveit unga fólksins flytur Pétur og úlfinn eftir Sergej Prokofiev í Langholtskirkju laugardaginn 4. mars kl. 17.00. Sögumaður er Aðalsteinn Ásberg Sigurðsson. Tónlistarævintýrið Pétur og úlfurinn er eftir Rússann Sergej Prokofiev (1891-1953) og samið árið 1936. Upphaflega bað Barnaleikhúsið í Moskvu tónskáldið um að semja sinfóníu fyrir börn þar sem einstök hljóðfæri hljómsveitarinnar yrðu kynnt fyrir ungum hlustendum. Ljóðskáld var fengið til þess að skrifa sögu í bundnu máli en Prokofiev kunni ekki við hversu pólitísk hún var. Hann brá því á það ráð að semja sína eigin sögu og fella tónlist við hana, söguna um Pétur sem með kjarki sínum og áræði snaraði hættulegan úlf. Pétur og úlfurinn er eitt vinsælasta verk allra tíma og hefur haldið nafni Prokofievs á lofti um víða veröld.Rannveig Marta Sarc, fiðluleikari er við framhaldsnám í Juilliard-tónlistarháskólanum í New York.Á tónleikunum leikur einnig Rannveig Marta Sarc fiðlukonsert eftir Brahms. Rannveig Marta Šarc fiðluleikari fæddist 1995 í Slóveníu og hóf þar fiðlunám 4 ára gömul. Árið 2006 fluttist hún til Íslands og gerðist nemandi Lilju Hjaltadóttur við Suzuki-tónlistarskólann Allegro. Rannveig lauk framhaldsprófi frá Tónlistarskólanum í Reykjavík vorið 2014 undir handleiðslu Guðnýjar Guðmundsdóttur og er nú við framhaldsnám í Juilliard-tónlistarháskólanum í New York, þar sem hún er nemandi Laurie Smukler. Hún hefur leikið einleik með Hljómsveit Tónlistarskólans í Reykjavík, Slóvensku fílharmóníunni og tvívegis með Sinfóníuhljómsveit Íslands. Rannveig hefur komið fram með Cammerarctica-kammerhópnum og haustið 2016 var strengjakvartett hennar valinn heiðurskvartett Juilliard-tónlistarháskólans. Þá hefur Rannveig sigrað í keppnum ungra tónlistarmanna, bæði hér á landi og í Slóveníu. Loks verða leiknir Rúmenskir þjóðdansar eftir Béla Bartók en stjórnandi á tónleikunum er Gunnsteinn Ólafsson.Greinin birtist fyrst í Fréttablaðinu 4. mars.
Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið „Nú er þessi sprettur á enda“ Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira