Umfjöllun: Makedónía - Ísland 27-27 | Strákarnir köstuðu frá sér sigrinum Henry Birgir Gunnarsson skrifar 19. janúar 2017 18:15 Guðjón Valur Sigurðsson fer í gegn á móti Makedóníu í dag. vísir/afp Strákarnir okkar munu mæta Frökkum í Lille á laugardag en ekki Norðmönnum í Albertville eftir að hafa kastað frá sér sigri gegn Makedóníu. Algert hrun á lokamínútunum og liðið mátti jafnvel telja sig heppið að hafa sloppið með jafntefli. En liðið er komið áfram og á það var stefnt. Það var mikið talað um í aðdraganda leiksins hversu þreyttir Makedónarnir yrðu eftir aðeins 19 tíma hvíld milli leikja. Má vel vera að þeir hafi verið þreyttir en það skipti ekki máli því spennan var svo mikil í íslenska liðinu að það gat ekkert í upphafi leiks. Fyrstu fimm skot leiksins klikkuðu og Makedónar komust í 0-4. Fyrsta mark Íslands skoraði Ólafur Guðmundsson eftir 6.30 mínútur. Þetta mark virtist létta álögum af íslenska liðinu því það fór á kostum í kjölfarið. Skoraði fimm mörk í röð og komst yfir, 5-4. Það gekk allt upp og meira að segja Björgvin Páll skoraði úr markinu. Liðið fór á 9-2 sprett og í stöðunni 9-6 var Lino Cervar, þjálfara Makedóníu, nóg boðið og hann tók leikhlé. Við það lagaðist leikur Makedónanna á ný og þeir jöfnuðu, 11-11. Taugar strákanna héldu og þeir héldu frumkvæðinu og leiddi með tveimur mörkum í hálfleik, 15-13. Afar sérstakur hálfleikur að baki. Makedóníu spilaði lengstum með sjö í sókn þó svo liðinu hefði ítrekað verið refsað fyrir það. Það var lítil markvarsla hjá íslenska liðinu, fimm boltar, og vinstri vængurinn var nánast lamaður þar sem lítið kom út úr Ólafi og Janusi Daða. Rúnar Kárason dró vagninn og skoraði fimm mörk í hálfleiknum. Geggjaður. Byrjun á síðari hálfleik var frábær. Aron Rafn kom sterkur í markið undir lok fyrri hálfleiks og varði vel. Hann hélt uppteknum hætti í síðari hálfleik. Bjarki Már kom inn í hornið og skoraði að vild. Geggjuð innkoma. Vinstri vængurinn var áfram lamaður en strákarnir náðu fimm marka forskoti, 20-15. Þarna vildi maður sjá strákana okkar keyra Makedónana í kaf en þeir eru ótrúlega seigir og neituðu að gefast upp. Minnkuðu í þrjú mörk og hótuðu að gera meira. Makedónar misstu tvo menn af velli í stöðunni, 24-21, en íslenska liðið kastaði frá sér boltanum í stað þess að ganga frá andstæðingnum. Til að bæta gráu ofan á svart skoraði Makedónía. Grátlegt! Tveggja marka leikur, 24-22, og ellefu mínútur eftir. Taugarnar voru eitthvað að stríða okkar mönnum þarna því þeir misstu boltann aftur í næstu sókn. Björgvin Páll kom þá aftur inn af bekknum og varði tvo hrikalega mikilvæga bolta á meðan menn virtust vera að fara á taugum í sókninni. Arnór Atlason steig þá upp, bar ábyrgð enn eina ferðina og lúðraði boltanum í markið. 25-22 og fyrsta markið í átta mínútur. Aftur koma Makedónarnir til baka og minnkuðu muninn í eitt mark, 25-24, er rúmar sjö mínútur voru eftir. Þá fékk Geir Sveinsson nóg og tók leikhlé. Liðið stanslaust að kasta boltanum frá sér og einfaldlega að fara á taugum. Makedónar jöfnuðu svo 25-25 er fjórar mínútur voru eftir. Algjört hrun hjá okkar mönnum. Kiril Lazarov kom svo Makedónum yfir, 25-26, er tvær og hálf mínúta var eftir. Bjarki Már Elísson jafnaði. Allt í járnum en Makedónar svöruðu að bragði. Rúnar Kára jafnaði aftur er rúm mínúta var eftir og allt brjálað í húsinu. Makedónía missti boltann og Ísland í sókn með 50 sekúndur eftir. Rúnar lét verja frá sér er 18 sekúndur voru eftir. Ísland tók ekki leikhlé þarna sem var með ólíkindum. Bekkurinn virtist hafa frosið. Makedónar reyndu ekki að sækja, tóku þriðja sætið og gáfu okkur fjórða sætið og leik gegn Frökkum. Ótrúlegur endir á ótrúlegum leik. Handbolti HM 2017 í Frakklandi Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Mitchell skaut Cleveland í undanúrslit Austursins Körfubolti Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti Uppgjör: HK - Víkingur 3-1 | Botnliðið lagði meistarana og Arnar sá rautt Íslenski boltinn Fleiri fréttir „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Sjá meira
Strákarnir okkar munu mæta Frökkum í Lille á laugardag en ekki Norðmönnum í Albertville eftir að hafa kastað frá sér sigri gegn Makedóníu. Algert hrun á lokamínútunum og liðið mátti jafnvel telja sig heppið að hafa sloppið með jafntefli. En liðið er komið áfram og á það var stefnt. Það var mikið talað um í aðdraganda leiksins hversu þreyttir Makedónarnir yrðu eftir aðeins 19 tíma hvíld milli leikja. Má vel vera að þeir hafi verið þreyttir en það skipti ekki máli því spennan var svo mikil í íslenska liðinu að það gat ekkert í upphafi leiks. Fyrstu fimm skot leiksins klikkuðu og Makedónar komust í 0-4. Fyrsta mark Íslands skoraði Ólafur Guðmundsson eftir 6.30 mínútur. Þetta mark virtist létta álögum af íslenska liðinu því það fór á kostum í kjölfarið. Skoraði fimm mörk í röð og komst yfir, 5-4. Það gekk allt upp og meira að segja Björgvin Páll skoraði úr markinu. Liðið fór á 9-2 sprett og í stöðunni 9-6 var Lino Cervar, þjálfara Makedóníu, nóg boðið og hann tók leikhlé. Við það lagaðist leikur Makedónanna á ný og þeir jöfnuðu, 11-11. Taugar strákanna héldu og þeir héldu frumkvæðinu og leiddi með tveimur mörkum í hálfleik, 15-13. Afar sérstakur hálfleikur að baki. Makedóníu spilaði lengstum með sjö í sókn þó svo liðinu hefði ítrekað verið refsað fyrir það. Það var lítil markvarsla hjá íslenska liðinu, fimm boltar, og vinstri vængurinn var nánast lamaður þar sem lítið kom út úr Ólafi og Janusi Daða. Rúnar Kárason dró vagninn og skoraði fimm mörk í hálfleiknum. Geggjaður. Byrjun á síðari hálfleik var frábær. Aron Rafn kom sterkur í markið undir lok fyrri hálfleiks og varði vel. Hann hélt uppteknum hætti í síðari hálfleik. Bjarki Már kom inn í hornið og skoraði að vild. Geggjuð innkoma. Vinstri vængurinn var áfram lamaður en strákarnir náðu fimm marka forskoti, 20-15. Þarna vildi maður sjá strákana okkar keyra Makedónana í kaf en þeir eru ótrúlega seigir og neituðu að gefast upp. Minnkuðu í þrjú mörk og hótuðu að gera meira. Makedónar misstu tvo menn af velli í stöðunni, 24-21, en íslenska liðið kastaði frá sér boltanum í stað þess að ganga frá andstæðingnum. Til að bæta gráu ofan á svart skoraði Makedónía. Grátlegt! Tveggja marka leikur, 24-22, og ellefu mínútur eftir. Taugarnar voru eitthvað að stríða okkar mönnum þarna því þeir misstu boltann aftur í næstu sókn. Björgvin Páll kom þá aftur inn af bekknum og varði tvo hrikalega mikilvæga bolta á meðan menn virtust vera að fara á taugum í sókninni. Arnór Atlason steig þá upp, bar ábyrgð enn eina ferðina og lúðraði boltanum í markið. 25-22 og fyrsta markið í átta mínútur. Aftur koma Makedónarnir til baka og minnkuðu muninn í eitt mark, 25-24, er rúmar sjö mínútur voru eftir. Þá fékk Geir Sveinsson nóg og tók leikhlé. Liðið stanslaust að kasta boltanum frá sér og einfaldlega að fara á taugum. Makedónar jöfnuðu svo 25-25 er fjórar mínútur voru eftir. Algjört hrun hjá okkar mönnum. Kiril Lazarov kom svo Makedónum yfir, 25-26, er tvær og hálf mínúta var eftir. Bjarki Már Elísson jafnaði. Allt í járnum en Makedónar svöruðu að bragði. Rúnar Kára jafnaði aftur er rúm mínúta var eftir og allt brjálað í húsinu. Makedónía missti boltann og Ísland í sókn með 50 sekúndur eftir. Rúnar lét verja frá sér er 18 sekúndur voru eftir. Ísland tók ekki leikhlé þarna sem var með ólíkindum. Bekkurinn virtist hafa frosið. Makedónar reyndu ekki að sækja, tóku þriðja sætið og gáfu okkur fjórða sætið og leik gegn Frökkum. Ótrúlegur endir á ótrúlegum leik.
Handbolti HM 2017 í Frakklandi Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Mitchell skaut Cleveland í undanúrslit Austursins Körfubolti Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti Uppgjör: HK - Víkingur 3-1 | Botnliðið lagði meistarana og Arnar sá rautt Íslenski boltinn Fleiri fréttir „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Sjá meira