Nýtt vallarmet sett á Bahamaeyjum í gær

Ólafía hefur, líkt og Vísir hefur fjallað um undanfarna daga, byrjað af krafti og fylgdi hún eftir góðri frammistöðu á fyrsta degi með enn betri frammistöðu á öðrum hring.
Ólafía er í 20. sæti af 108 keppendum þegar mótið er hálfnað á sjö höggum undir pari en hún er tíu höggum á eftir Brittany Lincicome og níu á eftir Alexis sem átti sannkallaðan draumahring í gær.
Setti hún nýtt vallarmet er hún kom inn í klúbbhúsið á 61 höggi, tólf höggum undir pari. Innsiglaði hún það með að setja niður rúmlega níu metra pútt fyrir fugli á átjándu holu.
Í raun var Alexis sjóðheit með pútterin í gær en hún púttaði aðeins 22 sinnum á holunum átján eða rúmlega 1,22 pútt á hverri holu. Magnaður árangur á flötinni.
Hún er þó enn einu höggi á eftir Brittany sem fór holu í höggi á öðru hring í sjötta sinn á ferlinum. Stefnir allt í æsispennandi lokasprett á milli þessara bandarísku kylfinga.
Alexis varð heimsfræg árið 2007 þegar hún vann sér inn þátttökurétt á Opna bandaríska meistaramótin aðeins tólf ára gömul en hún varð að atvinnukylfing aðeins fimmtán ára árið 2010.
Tengdar fréttir

Ólafía komst örugglega í gegnum niðurskurðinn
Ólafía Þórunn Kristinsdóttir, atvinnukylfingur úr GR, komst í gegnum niðurskurðinn á Pure Silk Bahama Classic-mótinu á Bahamaeyjum.

Ólafía með stórstjörnum í ráshópi
Cheyenne Woods og Natalie Gulbis fylgja Ólafíu Þórunni í hennar fyrsta móti á LPGA-mótaröðinni.

Ólafía Þórunn í 37. sæti eftir fyrsta keppnisdaginn á Bahamaeyjum
Ólafía Þórunn Kristinsdóttir er í 37. sæti eftir fyrsta hringinn á Pure Silk Bahama Classic-mótinu á Bahamaeyjum. Mótið er hluti af LPGA mótaröðinni.

Ólafía Þórunn í 69. sæti eftir erfiðan þriðja hring
Ólafía Þórunn Kristinsdóttir, kylfingur úr GR, náði sér ekki jafn vel á strik þriðja hring á Pure Silk Bahama Classic-mótinu á Bahamaeyjum í dag en Ólafía lék hringinn á 77 höggum, fjórum höggum yfir pari.

„Ólafía mun vinna mót og ég er ekki að djóka“
Fólkið hennar Ólafíu Þórunnar Kristinsdóttur hefur tröllatrú á sinni konu.

Ólafía Þórunn örugg með verðlaunafé
Fær ekki minna en 250 þúsund krónur en fær vel yfir milljón með sama áframhaldi.

Sjáðu Ólafíu stíga sín fyrstu spor á LPGA
Ólafía Þórunn kynnt til leiks í fyrsta sinn á LPGA-mótaröðinni og hennar fyrstu högg á myndbandi.