„Gunnar Nelson er harður gaur“

Argentínumaðurinn Santiago Ponzinibbio stóð uppi sem sigurvegari í einvígi hans og Gunnars Nelson í Glasgow í kvöld. Ponzinibbio tókst að rota Gunnar nánast strax í upphafi, eða þegar ekki nema 82 sekúndur voru liðnar af lotunni.

Ponzinibbio fagnaði sigrinum ákaft að keppni lokinni og sagðist ætla að verða besti bardagamaður heims. Hann þakkaði Gunnari Nelson jafnframt fyrir en þetta var þeirra fyrsti bardagi. „Þetta er í fyrsta sinn sem ég keppi við Gunnar Nelson. Hann er harður gaur. Ég fýla stílinn þinn,“ sagði hann.

Þá þakkaði hann fyrir stuðninginn og ávarpaði aðdáendur sína, en hann sagðist eiga aðdaéndur um allan heim. „Takk svo mikið fyrir að trúa á mig,“ sagði Ponzinibbio.

Viðtal við Gunnar kemur á Vísi síðar í kvöld.