Rory hættur á Twitter

Kylfingurinn Rory McIlroy er hættur á Twitter í kjölfar þess að hann fór að rífast við Steve Elkington á dögunum.

McIlroy fór að rífast við Elkington eftir að hann komst ekki í gegnum niðurskurðinn á US Open annað árið í röð. Þá sagði Elkington að Rory leiddist án Tiger og væri þess utan með 100 milljónir inn á banka.

Þá svaraði McIlroy: „Það er nær 200 milljónum. Ekki slæmt hjá 28 ára manni sem leiðist. Það er nóg til.“

McIlroy segist sjá eftir þessari færslu í dag.

„Ég líklega skrifaði þetta tíst svona fimm sinnum og eyddi því jafnharðan áður en ég ákvað að henda því loksins í loftið,“ sagði Rory.

„Ég sagði svo konunni minni að breyta lykilorðinu mínu inn á Twitter og ekki segja mér hvað það væri. Þannig að ég er hættur að skrifa á Twitter í bili. Ég ætti ekki að láta svona hluti fara í taugarnar á mér en það gerir það samt stundum.“